រដ្ឋមន្ត្រីការពារជាតិអាមេរិកថា មើលមិនឃើញពីការឈ្លានពានរបស់ចិនលើតៃវ៉ាន់នោះទេ
ចិន ៖ រដ្ឋមន្ត្រីការពារជាតិអាមេរិក លោក Lloyd Austin បាននិយាយកាលពីថ្ងៃអាទិត្យ ទី ២ តុលាថា
ចិន ៖ រដ្ឋមន្ត្រីការពារជាតិអាមេរិក លោក Lloyd Austin បាននិយាយកាលពីថ្ងៃអាទិត្យ ទី ២ តុលាថា
ចិន ៖ រដ្ឋមន្ត្រីការពារជាតិអាមេរិក លោក Lloyd Austin បាននិយាយកាលពីថ្ងៃអាទិត្យ ទី ២ តុលាថា លោកមើលមិនឃើញពីការឈ្លានពានជិតកើតឡើងលើកោះតៃវ៉ាន់ពីសំណាក់ចិននោះទេ ប៉ុន្តែចិនកំពុងព្យាយាមបង្កើតភាពធម្មតាថ្មី តាមរយៈសកម្មភាពយោធានៅជុំវិញកោះតៃវ៉ាន់។
ក្នុងកិច្ចសម្ភាសន៍ជាមួយ CNN លោកថ្លែងថា «ខ្ញុំមិនឃើញពីការឈ្លានពានដែលនឹងជិតមកដល់នោះទេ។ អ្វីដែលយើងឃើញគឺចិនកំពុងផ្លាស់ប្តូរដើម្បីបង្កើតអ្វីដែលយើងហៅថាភាពធម្មតាថ្មី។ សកម្មភាពកើនឡើង – យើងឃើញពីការកើនឡើងនៃការឆ្លងបន្ទាត់កណ្តាលនៃច្រកសមុទ្រតៃវ៉ាន់ដោយយន្តហោះរបស់ពួកគេ។ យើងមើលឃើញពីសកម្មភាពកាន់តែច្រើនជាមួយនឹងនាវា និងក្នុងដែនទឹក និងជុំវិញកោះតៃវ៉ាន់»។
អាមេរិក និងសម្ព័ន្ធមិត្តបានឆ្លើយតបទៅកាន់សមយុទ្ធរបស់ចិន តាមរយៈការបន្តធ្វើនាវាចរណ៍នៅក្នុងតំបន់។ នាវាចម្បាំងរបស់កងទ័ពជើងទឹកអាមេរិក និងនាវាចម្បាំងកាណាដា បានធ្វើការឆ្លងកាត់ច្រកសមុទ្រតៃវ៉ាន់ជាទម្លាប់កាលពីថ្ងៃទី ២០ កញ្ញា។
រដ្ឋមន្ត្រីការពារជាតិអាមេរិកនិយាយទៀតថា អាមេរិកនឹងបន្តធ្វើការជាមួយនឹងសម្ព័ន្ធមិត្ត និងដៃគូ ដើម្បីធានាថា យើងអាចរក្សាបាននូវឥណ្ឌូប៉ាស៊ីភិចប្រកបដោយសេរីភាព និងបើកចំហរ។
សូមរម្លឹកថា ច្រកសមុទ្រតៃវ៉ាន់ដ៏តូចចង្អៀតគឺជាប្រភពនៃភាពតឹនតឹងយោធាដ៏ញឹកញាប់ ចាប់តាំងពីរដ្ឋាភិបាលសាធារណរដ្ឋចិនបានភៀសខ្លួនមកតៃវ៉ាន់នៅក្នុងឆ្នាំ ១៩៤៩ ក្រោយពេលចាញ់រដ្ឋាភិបាលកុម្មុយនិស្តដែលបានបង្កើតសាធារណរដ្ឋប្រជាមានិចិន៕ (យោងតាមប្រភព៖ Reuters)
ចែករំលែកព័តមាននេះ