ថ្វីត្បិតខ្លួនមានវ័យជរាហើយក្ដី តែក្នុងនាមជាសិល្បករ តារាសម្ដែងជើងចាស់ដ៏ល្បីល្បាញរបស់ប្រទេសកម្ពុជា គឺលោកតា ជា សំនៀង បានបង្ហាញពីភាពអស្ចារ្យ អង់អាច និងមុខមាំរបស់លោកជូនទៅកាន់មហាជន ដោយលោកតាបានពោលបញ្ជាក់ប្រាប់អ្នកគាំទ្ររបស់លោក និងមហាជនទាំងក្នុង និងក្រៅប្រទេសថា
រាជធានីភ្នំពេញ ៖ ថ្វីត្បិតខ្លួនមានវ័យជរាហើយក្ដី តែក្នុងនាមជាសិល្បករ តារាសម្ដែងជើងចាស់ដ៏ល្បីល្បាញរបស់ប្រទេសកម្ពុជា គឺលោកតា ជា សំនៀង បានបង្ហាញពីភាពអស្ចារ្យ អង់អាច និងមុខមាំរបស់លោកជូនទៅកាន់មហាជន ដោយលោកតាបានពោលបញ្ជាក់ប្រាប់អ្នកគាំទ្ររបស់លោក និងមហាជនទាំងក្នុង និងក្រៅប្រទេសថា «ទោះត្រូវស្លា.ប់នៅលើឆាកសម្ដែង ក៏លោកសុខចិត្ត»។
បើតាមប្រសាសន៍ដ៏មានអត្ថន័យទាំងស្រុងរបស់លោកតា ជា សំនៀង បានពោលថា «បើទោះជាត្រូវស្លា.ប់នៅលើឆាកសម្ដែង ក៏ខ្ញុំសុខចិត្ត! ព្រោះវាជាសេចក្ដីស្រឡាញ់ដែលចេញពីបេះដូង»។។ទស្សន:ដ៏ថ្លៃថ្លារបស់លោកតា ដែលស្រលាញ់ និងពេញចិត្តចំពោះវិថីសិល្បៈនេះ ទទួលបានការសាទរជាខ្លាំងពីសំណាក់មហាជនគ្រប់ស្រទាប់មិនថា ក្មងចាស់ ប្រុសស្រីឡើយ ពោលគឺពួកគាត់បានបង្ហាញពីមោទនៈភាពចំពោះតារាសម្ដែងជើងចាស់រូបនេះជាខ្លាំង។
ជាពិសេសលោកតាទទួលបានការកោតស្ញប់ស្ញែងយ៉ាងក្រៃលែងពីសំណាក់ សិល្បករ សិល្បការិនីគ្រប់ជំនាន់ ដោយពួកគាត់ក៏បានបង្ហាញក្ដីរំភើបជាព់នពេក ចំពោះក្តីស្រឡាញ់លើវិថីសិល្បៈរបស់លោកតា ដែលចាត់ទុកថា ជាគំរូដ៏ល្អដល់សិល្បករ សិល្បការិនីជំនាន់ក្រោយ។
ទស្សនៈបងប្អូនខ្មែរ ដែលនិយមលេងបណ្ដាញសង្គមជាច្រើនបានពោលទៅកាន់លោកតា ជា សំនៀង ដោយមានការលើកឡើងថា «លោកតា គឺជាបុគ្គលគំរូ សិល្បករគំរូ ជាវីរៈបុរសក្នុងវិថីសិល្បៈ និងជាធនធានមនុស្សដ៏កម្ររកបានសម្រាប់វិស័យសិល្បៈខ្មែរ»។ បងប្អូនអ្នកប្រើប្រាស់បណ្ដាញសង្គមផ្សេងទៀត ក៏បានជូនពរអោយលោកតាមានសុខភាពល្អ ព្រះជន្មយុយឺនយូរ នៅជាម្លប់ដ៏ត្រជាក់ និងជាគំរូដ៏ល្អដល់សិល្បករ-សិល្បការិនីជំនាន់ក្រោយ និងនៅបន្តការសម្ដែងអោយបានយូរអង្វែងជូនបងប្អូនខ្មែរគ្រប់ស្រទាប់ទស្សនា»។
គួរបញ្ជាក់ផងដែរថា លោកតា ជា សំនៀង គឺជាសិល្បករជើងចាស់របស់កម្ពុជា ដែលទទួលបានការគាំទ្រភ្លូកទឹកភ្លូកដីពីសំណាក់មហាជនគ្រប់ស្រទាប់ ហើយលោកតាត្រូវបានប្រជាជនខ្មែរគោរពស្រលាញ់យ៉ាងខ្លាំង។ មួយទៀត លោកតា ក៏ជាសិល្បៈគំរូមួយរូប ដែលនៅអាចឈរជើងលើវិថីសិល្បៈបានយូរអង្វែង ដូចទៅនឹងតារាសម្ដែងជើងចាស់ផ្សេងៗទៀត ពោលគឺមិនបានចាក់ចេញ ឬឈប់ពីសិល្បៈដូចសិល្បករ-សិល្បការិនីជើងចាស់ និងជំនាន់ក្រោយមួយចំនួននោះឡើយ។
ការឈរជើងលើវិថីសិល្បៈបានយូរដូចជាលោកតា ជា សំនៀង គឺកើតឡើងដោយសារការស្រលាញ់ចេញពីបេះដូង ការតស៊ូអត់ធ្មត់ ជំនះរាល់ឧបសគ្គ មិនបោះបង់ក្ដីស្រមៃ និងគោលដៅ ការសម្ដែង ក៏ដូចគ្នាមូលហេតុលោកតានៅតែទទួលបានការគាំទ្រ និងមានប្រជាប្រិយភាព ក៏ព្រោះតែលោកតាបានរក្សានៅកេរ្តិ៍ឈ្មោះមិនអោយអាប់អោន គុណតម្លៃនែជីវិត យកភាពស្មោះត្រង់ និងការស្រលាញ់ដែលផុសចេញពីបេះដូងមកស្ដែងលាយឡំដោយភាពប៉ិនប្រសព្វ រហូតមានការគាំទ្រ និងចូលចិត្តនៅការសម្ដែងរបស់លោកតា រហូតមកទល់នឹងបច្ចុប្បន្ននេះ។
លោកតា ជា សំនៀង គឺជាតារាជើងចាស់នៅក្នុងវិស័យខ្សែភាពយន្តខ្មែរ ដែលភាគច្រើនលោកតារមែងដើរជាតួអង្គលោកតា តួអង្គឪពុក ដែលសាកសមទៅនឹងវ័យរបស់លោក។លោកតា ជា សំនៀង បានបង្ហាញវត្តមានក្នុងខ្សែភាពយន្តភាគ និងភាពយន្តខ្នាតធំជាច្រើនរបស់ខ្មែរដូចជារឿង «ហ្លួងព្រះស្តេចកន» ដែលលោកបានដើរជាតួអង្គឪពុករបស់ ស្តេចកន និងរឿងផ្សេងៗទៀតជាច្រើន។ បច្ចុប្បន្ន ខ្សែភាពយន្តរបស់តារាភាពយន្តជើងចាស់រូបនេះ កំពុងចាក់ផ្សាយគឺរឿង «ខោល» ជាដើម។
សូមរំលឹកផងដែរថា កាលពីកន្លងទៅ លោកតា ជា សំនៀង ក៏ធ្លាប់បានបង្ហោះសារសម្តែងក្តីអស់សង្ឃឹមពាក់ព័ន្ធនឹងការសម្តែងនៅលើគណនេយ្យហ្វេសប៊ុករបស់ផ្ទាល់ខ្លួនថា «ឱ! ជីវិតសិល្បករវ័យចំណាស់អើយ! ទោះបីយើងខំប្រាប់គេថា យើងនូវមានកម្លាំងអាចសម្តែងបាន ក៏គេនូវតែគិតថា… គាត់ចាស់ហើយ… ភ្លេចភ្លាំងច្រើន ពិបាកធ្វើការជាមួយណាស់! យកក្មេងៗធ្វើការលឿន ចំណេញពេលវេលា ចំណេញថវិការ!»។
លោកតាបានបញ្ជាក់ថា «អញ្ចឹងសិល្បករចាស់ៗ មានតែងើយមើលមេឃ ហើយសម្រក់ទឹកភ្នែក នឹកស្តាយពេលវេលាស្ទើរពេញមួយជីវិតដែលខំចំណាយលើវិថីសិល្បៈ ឯលទ្ធផលដែលទទួលបានមកវិញ គឺសេចក្តីអត់ឃ្លានយ៉ាងវេទនាបំផុត!»។
ទោះជាយ៉ាងណា ការលើកឡើងរបស់លោក ជា សំនៀង ខាងលើនេះ គ្រាន់តែជាហេតុផល និងជាការយល់ឃើញតែមួយជ្រុងសម្រាប់រូបលោកតែប៉ុណ្ណោះ ប៉ុន្តែធាតុពិតជាក់ស្តែងគេសង្កេតឃើញមានតារាចាស់ៗមួយចំនួន នៅតែបន្តវត្តមានសម្តែងជាបន្តបន្ទាប់ដដែល ជារួមខ្លួនលោកតាផ្ទាល់តែម្ដង៕
ចែករំលែកព័តមាននេះ