ខេត្តបាត់ដំបង ៖ ក្រោយពីគ្រូពេទ្យជំនាញអស់លទ្ធភាពក្នុងការជួយសង្គ្រោះជីវិតអស់រយៈពេលជិត០២សប្ដាហ៍ ស្ត្រីម្នាក់ដែលខឹងនឹងស្វាមីរឿង «លេងហ្វេសប៊ុក» ហើយផឹកថ្នាំបាញ់ស្មៅនោះ ពេលនេះនាងបានស្លា.ប់ហើយនៅវេលាម៉ោង៦និង២៥នាទីព្រឹក ថ្ងៃទី០២ ខែតុលា ឆ្នាំ២០២២ នៅមន្ទីរបង្អែក ស្រុកសំពៅលូន។
បើតាមសេចក្ដីរាយការណ៍បានឲ្យដឹងថា ស្ត្រីរងគ្រោះខាងលើមានឈ្មោះ ភិច ចិន អាយុ២៧ឆ្នាំ រស់នៅភូមិបេងស្អាត ឃុំភ្នំព្រឹក ស្រុកភ្នំព្រឹក រីឯស្វាមីមានឈ្មោះ ហេង ជីវៈ អាយុ២៣ឆ្នាំ។
សេចក្តីរាយការណ៍បន្តថា មុនកើតហេតុ ជនរងគ្រោះបានផឹកថ្នាំសម្រាប់បាញ់សម្លា.ប់ស្មៅ ក្រោយពីមានជម្លោះជាមួយស្វាមីរឿង «លេងហ្វេសប៊ុក» បណ្ដាលឲ្យពុលប្រកា.ច់ប្រកិ.ន ហើយត្រូវក្រុមគ្រួសារបញ្ជូនទៅកាន់មន្ទីរពេទ្យបង្អែក ស្រុកសំពៅលូនភ្លាមៗផងដែរ តែជិត០២សប្ដាហ៍ក្រោយមក នាងក៏បានស្លា.ប់ ក្រោយពីក្រុមគ្រូពេទ្យជំនាញអស់លទ្ធភាពក្នុងការជួយសង្គ្រោះ ដោយសារអាការៈរបស់នាងធ្ងន់ធ្ងរពេក។
នាយប៉ុស្ដិ៍រដ្ឋបាលភ្នំព្រឹក លោក អ៊ាម ម៉ៅ បានប្រាប់កោះសន្តិភាពតាមទូរស័ព្ទថា ស្ត្រីរងគ្រោះ បានផឹកទឹកថ្នាំបាញ់សម្លា.ប់ស្មៅតាំងពីថ្ងៃទី២០ ខែកញ្ញា ពេលផ្ទុះជម្លោះជាមួយប្ដី។ ពេលនោះ ក្រុមគ្រួសារបានដឹកនាងទៅសង្គ្រោះនៅមន្ទីរពេទ្យបង្អែក ស្រុកសំពៅលូន តែដោយសារជំងឺរបស់នាងធ្ងន់ធ្ងរពេកក៏បានស្លា.ប់នៅព្រឹកថ្ងៃទី០២ ខែតុលា នេះតែម្ដង។
ចំណែកដើមចមដែលនាំឲ្យផ្ទុះជម្លោះរវាងប្ដីប្រពន្ធមួយគូរនេះ រហូតប្រពន្ធសម្រេចចិត្តផឹកថ្នាំបាញ់ស្មៅ បើតាមលោក អ៊ាម ម៉ៅ បានបំភ្លឺថា ពេលប្ដីទៅធ្វើការ ប្រពន្ធបានយកទូរស័ព្ទប្ដីមកលេងហ្វេសប៊ុក រួចបានប្ដូររូបក្នុងប្រូហ្វាល់ហ្វេសប៊ុករបស់ប្ដី។ លោកបានបញ្ជាក់ថា ការប្ដូររូបក្នុងប្រូហ្វាល់ គឺនាងបានដករូបប្ដីចេញ ហើយដាក់រូបខ្លួនឯង (រូបប្រពន្ធ)។ លុះពេលប្ដីត្រឡប់មកពីធ្វើការវិញ បើកឃើញសួរនាំប្រពន្ធ។ ហើយប្ដីមិនចង់ឲ្យប្ដូរដាក់រូបប្រពន្ធក្នុងប្រូហ្វាល់ហ្វេសប៊ុកខ្លួនចឹងទេ ដែលនាំឲ្យគេមិនស្គាល់ គេមិនហ៊ាន (ឆាត) ហៅទៅធ្វើការងារ។
ប្រភពដដែលបន្តថា ប៉ុន្តែហេតុផលរបស់ប្ដីនេះ មិនត្រូវបានប្រពន្ធយល់ព្រមទេ ក៏មានការឈ្លោះប្រកែកទាស់ទែងគ្នាបែកផ្សែង ដោយប្រពន្ធបានលើកហេតុផលចោទប្រកាន់ប្ដីវិញ បែបប្រច័ណ្ឌ រហូតប្រពន្ធខឹងក៏ទៅយកថ្នាំបាញ់ស្មៅមកផឹកភ្លាមៗ បណ្ដាលឲ្យពុលប្រកាច់ប្រកិនតែម្តង។
ក្រោយកើតហេតុ ក្រុមគ្រួសារផ្អើលឆោឡោក៏នាំគ្នាដឹកស្ត្រីរងគ្រោះទៅសង្គ្រោះនៅមន្ទីរពេទ្យ តែជិត០២សប្ដាហ៍មកក្រោយ នាងក៏បានស្លា.ប់ដោយសាររបួសធ្ងន់ពេក ដែលគ្រូពេទ្យមិនអាចជួយសង្គ្រោះជីវិតបានឡើយ៕
ចែករំលែកព័តមាននេះ