កាលពីកន្លងទៅនេះ មានការភ្ញាក់ផ្អើលពាសពេញបណ្ដាញសង្គម នៅរឿងរ៉ាវដ៏កក្រើកមួយអំពីការឆបោ.កតាមរយៈការបណ្តាក់ទុនតាមប្រព័ន្ធអេឡិចត្រូនិច ឃើញថាហាក់នៅមិនទាន់បាត់នៅឡើយនោះទេ នៅក្នុងពិភពសិល្បៈរបស់ថៃ ព្រោះចាប់តាំងពីដឹងដំណឹងថា
ប្រទេសថៃ ៖ កាលពីកន្លងទៅនេះ មានការភ្ញាក់ផ្អើលពាសពេញបណ្ដាញសង្គម នៅរឿងរ៉ាវដ៏កក្រើកមួយអំពីការឆបោ.កតាមរយៈការបណ្តាក់ទុនតាមប្រព័ន្ធអេឡិចត្រូនិច ឃើញថាហាក់នៅមិនទាន់បាត់នៅឡើយនោះទេ នៅក្នុងពិភពសិល្បៈរបស់ថៃ ព្រោះចាប់តាំងពីដឹងដំណឹងថា តារាសម្ដែងស្រីដ៏ល្បីឈ្មោះមុខដូចឥណ្ឌាដែលមានមុខមាត់ស្រស់ស្អាតនោះគឺ Pinky Savikah ត្រូវបានគេចាប់ខ្លួន និងម្ដាយ រួមទាំងបងប្រុសរបស់នាង ពីបទឆបោ.កសាធារណជន និងបានរំលោ.ភច្បាប់ស្ដីពីឧក្រិដ្ឋកម្មតាមប្រព័ន្ធកុំព្យូទ័រ តាមរយៈការឃោសនាឲ្យវិនិយោគលើរូបិយប័ណ្ណបរទេស ឬទីផ្សារ ដើម្បីបានប្រាក់ចំណេញ ឆបោ.កលុយប្រជាជនតាមប្រព័ន្ធអេឡិចត្រូនិចអស់រាប់ពាន់លានបាតនោះ មន្ត្រី និងភ្នាក់ងារពិសេស DSI ហាក់មមាញឹកនិងសកម្មជាខ្លាំង ដើម្បីតាមរកជនដែលមានជាប់ពាក់ព័ន្ធនឹងរឿងក្តីឆបោ.កមួយនេះជាបន្តបន្ទាប់ មិនតែប៉ុណ្ណោះមកទល់ពេលនេះ នៅតែមានតារាៗល្បីៗនៅក្នុងសិល្បៈថៃជាច្រើនដែលលេចឈ្មោះនៅក្នុងបញ្ជីថា មានជាប់ពាក់ព័ន្ធក្នុងរឿងក្តីមួយនេះ។
យ៉ាងណាមិញ ឃើញថា អស់រយៈពេលមួយខែជាងទៅហើយ ដែលតារាសម្ដែងស្រី Pinky Savika និងម្តាយ រួមជាមួយបងប្រុសរបស់នាង មកទល់ពេលនេះអ្នកទាំង៣កំពុងតែនៅជាប់ពន្ធនាគារនៅឡើយនោះទេ ដោយនៅពុំទាន់ទទួលបាននៅការធានាឱ្យនៅក្រៅឃុំឡើយ ។ ដែលក្នុងករណីនេះ មានជនសង្ស័យសរុប១៩នាក់ ហើយក្នុងនោះមានម្ដាយបង្កើត និងបងប្រុសបង្កើតនាង តារាស្រី Biteoy និងស្វាមីលោក DJ Man តារាប្រុស Krating និងមិត្តស្រីលោក Ball Kummun លោក Toh Saksit តារាប្រុសលោក Film ព្រមទាំងមានតារាល្បីៗជាច្រើននាក់ទៀតដែលជាប់ពាក់ព័ន្ធ។
ជាក់ស្ដែង អ្វីដែលស្ទើរមិនចង់ជឿទៅវិញនោះ នៅក្នុងរឿងនេះផងដែរ ក៏មានតារាប្រុសវ័យក្មេងលោក Bright ម្នាក់ដែរ ដែលបានធ្លាក់ទៅក្នុងការសង្ស័យ ដែលធ្វើឱ្យមហាជនចាប់ក្រសែភ្នែកទៅលើរូបតារាប្រុសរូបនេះមិនតិចឡើយ ខណៈបែកធ្លាយរូបភាពបរបស់លោកថតយ៉ាងជិតស្និទ្ធជាមួយនឹងមេខ្លោងធំឆបោ.កក្នុងរឿង Forex 3D នោះ។
បន្ទាប់ពីរឿងដ៏ក្តៅគគុកនេះបានផ្ទុះឡើង នេះបើយោងតាមរយៈសារព័ត៌មាននៅក្នុងស្រុករបស់ថៃបានប្រាប់ឱ្យដឹងថា «តារាប្រុសវ័យក្មេង Bright បានចេញមុខមកទម្លាយយ៉ាងច្បាស់ៗ ជុំវិញរឿងរ៉ាវទាក់ទងទៅនឹងរូបភាពរបស់ខ្លួនដែលលេចឡើងជាមួយមេខ្លោង Forex 3D នោះ។
ដោយតារាប្រុសរូបនេះបាននិយាយថា «កាលពីលោកមានអាយុ១៥ឆ្នាំ លោកបានរួមការងារជាមួយ Nikko ពិតមែន ថ្ងៃខ្លះលោកត្រឡប់ទៅផ្ទះយប់ជ្រៅ ទើបនៅដេកផ្ទះរបស់ Nikko ដែលរស់នៅជាមួយ Apirak ដែលជាមេខ្លោង Forex 3D រហូតធ្វើខ្លួនស្គាល់គ្នាមកទល់ពេលនេះ ហើយចំណែករូបភាពដែលលោកបានថតជាមួយមេខ្លោង ខណៈកំពុងតែលេងហ្គីតានោះ គឺជាពេលដែលលោកបានទៅដេកលេងផ្ទះរបស់ Nikko លើកដំបូង ក៏បបួលគ្នាច្រៀងលេងនាពេលនោះ។ ហើយលោកក៏ជាបុគ្គលដែលចាញ់បោ.កគេដូចគ្នា ដោយសារតែលោ.ភបាំងភ្នែកមួយភ្លែត ធ្វើឱ្យលោកជ្រុលចាញ់បោ.កលុយជាច្រើនបែបនេះ ព្រោះប្រសិនបើលោកគិតវែងជាងនេះបន្តិច ទើបដឹងថា វាមិនគួរឱ្យទុកចិត្តឡើយ ខណៈបណ្តាក់ទុនភ្លាមទទួលបានផលលឿនដូច្នេះនោះ។
តារាប្រុសវ័យក្មេងរូបនេះបានបន្តទៀតថា «ចំណុចចាប់ផ្តើមដែលបណ្តាលឱ្យលោកលង់ខ្លួនទៅបណ្តាក់ទុកនោះ គឺដោយសារតែលោកឃើញមនុស្សជុំវិញខ្លួនភាគច្រើនបានបណ្តាក់ Forex 3D នេះ ក៏ធ្វើឱ្យលោកចាប់អារម្មណ៍ ទើបសម្រេចចិត្តបណ្តាក់ទុនដំបូងចំនួន៥ម៉ឺនបាត ដោយដំបូងៗទទួលបានលុយចំណេញពិតមែន ហើយដោយសារការទុកចិត្តលោកក៏បានចំណាយបន្តៗ រហូតដាក់លុយអស់ ៧៧៥ ០០០បាត ស្មើប្រមាណជាង ២ ម៉ឺនដុល្លារឯណោះ ប៉ុន្តែមិនបានអ្វីមកវិញនោះឡើយ រហូតមកទល់ពេលនេះលោកមិនកុហកទេ»៕
ចែករំលែកព័តមាននេះ