ប្រិយមិត្តពុកម៉ែបងប្អូនដែលនិយមតាមដាន និងបានទស្សនានៅខ្សែភាពយន្ដរបស់តារាថៃជាច្រើន ទាំងប្រុស ទាំងស្រី ជឿជាក់ថា ប្រាកដជាស្គាល់ច្បាស់មិនខានឡើយនៅតារាសម្ដែងប្រុសមួយរូប មានរូបសម្រស់ស្រស់ស្អាត មុខមាត់មានមន្តស្នេហ៍ប្រចាំប៉ុស្តិ៍លេខ៣ របស់ថៃ លោក
ប្រទេសថៃ ៖ ប្រិយមិត្តពុកម៉ែបងប្អូនដែលនិយមតាមដាន និងបានទស្សនានៅខ្សែភាពយន្ដរបស់តារាថៃជាច្រើន ទាំងប្រុស ទាំងស្រី ជឿជាក់ថា ប្រាកដជាស្គាល់ច្បាស់មិនខានឡើយនៅតារាសម្ដែងប្រុសមួយរូប មានរូបសម្រស់ស្រស់ស្អាត មុខមាត់មានមន្តស្នេហ៍ប្រចាំប៉ុស្តិ៍លេខ៣ របស់ថៃ លោក Boy pakorn ដែលជាតារាប្រុសមួយដួងកំពុងតែផ្ទុះនៅការចាប់អារម្មណ៍ទទួលបាននៅការគាំទ្រប្រជាប្រិយភាពមិនធម្មតាតាមរយៈខ្សែភាពយន្តជាច្រើនដែលលោកបានសម្ដែងចាប់ដៃគូរជាមួយតារាស្រីល្បីជាច្រើនដួង មិនថាសម្ដែងឈុតឆាកអ្វីនោះទេ តារាប្រុសរូបនេះធ្វើបានគ្រប់ទម្រង់ទាំងអស់ ហើយបច្ចុប្បន្នលោកក៏មានមិត្តស្រីផងដែរ។
ដោយឡែក បើយើងនាំគ្នាក្រឡេកមកដឹងឃើញថា ចាប់តាំងតែបើកបង្ហាញនៅគូស្នេហ៍ស្រីរបស់ខ្លួនដែលអាចឆក់យកបេះដូងលោកបានមកពីមួយថ្ងៃទៅមួយថ្ងៃ គេនាំគ្នាសង្កេតឃើញថា តារាប្រុសដ៏ល្បីល្បាញ Boy Pakorn រូបនេះ តែងតែធ្វើអោយហ្វេនៗមិនតិចនាក់នោះទេ នាំគ្នាលួចច្រណែន និងលោកគ្រប់ៗគ្នា ដោយជារើយៗលោកតែងតែបណ្ដើរមិត្តស្រីដែលជាគូស្នេហ៍របស់ខ្លួន ទៅណាមកណាជាញឹកញាប់ ដើរលេង ជូនទៅញាំអី ជូនទៅទិញអីវ៉ាន់ អោយតែនាងចង់ទៅ មិនថាជិតឬឆ្ងាយនោះឡើយ សំខាន់អោយតែទំនេរពីការងារសិល្បៈ ជាពិសេសមិនថាមានកម្មវិធីតូចធំ។
ជាក់ស្ដែង អ្វីដែលធ្វើអោយអ្នកគាំទ្រញញឹមបិទមាត់មិនជិតទៅវិញនោះ ក្រោយទាក់ទងគ្នាបានជិត១ឆ្នាំ មិនលាក់លៀមតទៅទៀត ស្រាប់តែថ្មីៗនេះ តារាប្រុស Boy Pakorn បានចេញមុខមកទម្លាយខ្ទេចគ្មានសល់ គ្រាដែលខ្លួនតាមសុំស្រលាញ់តារាស្រី Fayefaye ដំបូងនៅក្នុងកម្មវិធី Kui Zaap Show បែបនេះថា «កាលពី Faye ចេញមុខទម្លាយរឿងខ្ញុំតាមញ៉ែ ខ្ញុំមើលហើយក៏លួចញញឹម ព្រោះរឿងខ្លះគាត់មិនហ៊ាននិយាយទល់មុខខ្ញុំទេ តែទៅនិយាយជាមួយមិត្តភក្តិ ឃើញបែបនេះក៏បានដឹងពីផ្នែកផ្សេងទៀតនៃគាត់ មើលទៅក៏មានអារម្មណ៍ល្អ។ និយាយត្រង់ បើ Faye មិនផ្ដល់ឱកាសអោយខ្ញុំ គិតថាខ្ញុំនៅតែជាមនុស្សឯកា ទៅណាមកណាម្នាក់ឯង ទោះមានមិត្ត តែពេលខ្លះក៏ឯកា ហើយពេលខ្លះខ្ញុំមើលកុនតែម្នាក់ឯង តែពេលមានគាត់ពិភពលោកខ្ញុំផ្លាស់ប្ដូរ ហើយពួកយើងចុះសម្រុងគ្នាខ្លាំងទាំងរឿងរស់នៅ រឿងចំណង់ចំណូលចិត្តផ្សេងៗ»។
តារាប្រុស Boy Pakorn បន្តថា «បើនិយាយពីកាលតាមញ៉ែដំបូង គឺផ្ដើមពីខ្ញុំ គឺខ្ញុំចាប់ផ្ដើមចង់ស្គាល់ខ្លួនឯងឱ្យច្បាស់ជាងមុន ខ្ញុំចាប់ផ្ដើមលាងជម្រះរឿងដែលជំពាក់ឱ្យដាច់ស្រឡះមុនពេលទៅធ្វើការស្គាល់នាង។ ដោយចាំបានថា មុនពេលទាក់ទងគ្នា ម្ដាយខ្ញុំមករអ៊ូដាក់ត្រចៀករាល់ថ្ងៃថា ចង់ឱ្យខ្ញុំមានសង្សារ ចង់ឃើញកូនមានស្នេហា គាត់ចង់បានចៅព តែមុននឹងមានចៅឱ្យខ្ញុំមានសង្សារ ហើយដណ្ដឹងគេរៀបការសិន»។
តារាប្រុស Boy Pakorn បន្តទៀតថា «ខ្ញុំស្គាល់ Faye ពីមុន តែមិនស្និទ្ធស្នាល មិនមានលេខទូរស័ព្ទ ឬ Line ទេ គ្រាន់តែស្គាល់ៗហើយខ្ញុំបានទៅ Follow IG នាង។ ហើយយូរៗទៅក៏មានអារម្មណ៍ចូលចិត្តខ្លាំងឡើងៗ ក៏ចាប់ផ្តើម DM ទៅ ដោយប្រយោគដំបូងនិយាយប្រាប់ត្រង់ៗថា «ខ្ញុំចង់ស្គាល់នាងឱ្យបានច្រើនជាងមុន ហើយកុំភ្ញាក់ផ្អើលអី បើថានាងមានអ្វីទើសចិត្តប្រាប់ខ្ញុំបានណា មិនបាច់លាក់ទេ» តែនាងអត់បានអាន ហើយក៏ទៅផុសនៅ Twitter មួយទៀត នាងនៅតែមិនអាន។ ហើយក្រោយមក ខ្ញុំក៏ចូលទៅលុបសារចេញពី IG ហើយផ្ញើទៅម្ដងទៀត លើកនេះនាងអាន អានហើយក៏ឆ្លើយតែមួយម៉ាត់ OK ខ្ញុំក៏អូខេក៏អូខេ ក៏ចាប់ផ្តើមនិយាយរឿយៗម្តងបន្ដិចៗ»។
តារាប្រុស Boy Pakorn បន្តថា «ស្គាល់គ្នាបាន ២ ៣ សប្តាហ៍ខ្ញុំនៅតែមិនហ៊ានសុំលេខ ឬ Line នាង។ អារម្មណ៍ពេលចែចង់គេដំបូងអៀនតិចៗ ហើយក៏ខ្មាស់លាយភ័យ តែអារម្មណ៍ស្រឡាញ់ និងចង់បាននាង គឺវាធំចឹងក៏កាត់កេរ្តិ៍កាត់ខ្មាស។ លុះពេលបាន Line មកក៏ចាប់ផ្ដើមនិយាយទូរស័ព្ទ ហើយវីដេអូខលទៅរកនាងច្រើនជាង DM ហើយក៏ចាប់ផ្តើមប្រាប់ម៉ាក់ខ្ញុំថា ខ្ញុំមានអ្នកនិយាយជាមួយហើយ ម៉ែគាត់ក៏ញញឹម ហើយនិយាយថាល្អ មានអ្នកនិយាយជាមួយល្អហើយ។ ហើយយើងក៏បានណាត់ជួបគ្នាចាប់ផ្ដើម Date ក៏មានលេចព័ត៌មានដូចដែលដឹង ហើយក៏លាក់លែងជិតក៏សម្រេចថា ប្រកាសបើកចំហ ហើយក៏ណែនាំឱ្យស្គាល់គ្រួសារទាំងសងខាង គឺថាគ្រួសារទាំងពីរក៏ចុះសម្រុងគ្នាល្អ។ ពេលសុំនាងជាសង្សារដំបូង គឺនៅហាងអាហារ ពេលទៅ Date ញ៉ាំអីជាមួយគ្នា តែរឿងខ្ញុំ និង Faye មិត្តភក្តិខ្ញុំមិនមានអ្នកដឹងទេ សូម្បីតែ Great ក៏ដឹងពេលបែកធ្លាយព័ត៌មានដែរ»៕
ចែករំលែកព័តមាននេះ