យុវជន៥នាក់បានជូនមិត្តភ័ក្តិទៅយកអន្សមដែលសល់ពីបុណ្យភ្ជុំបិណ្ឌទៅអោយមិត្តភ័ក្តិម្នាក់ទៀត លុះពេលត្រឡប់មកវិញក៏ត្រូវក្រុមជនសង្ស័យ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជន៥នាក់បានជូនមិត្តភ័ក្តិទៅយកអន្សមដែលសល់ពីបុណ្យភ្ជុំបិណ្ឌទៅអោយមិត្តភ័ក្តិម្នាក់ទៀត លុះពេលត្រឡប់មកវិញក៏ត្រូវក្រុមជនសង្ស័យវា.យប្លន់យកម៉ូតូហុងដាឌ្រីមស៊េរី២០២០ ជិះចេញដោយសុវត្ថិភាព បង្កអោយមានការភ្ញាក់ផ្អើលកាលពីវេលាម៉ោង៨យប់ ថ្ងៃទី៣០ ខែកញ្ញា ឆ្នាំ២០២២ នៅតាមបណ្តោយផ្លូវបេតុង ព្រៃដើមឈើទាល ជាប់វត្តជន្លង់ម្លូ ស្ថិតក្នុងសង្កាត់ភ្លើងឆេះរទេះ ខណ្ឌកំបូល ។
សេចក្តីរាយការណ៍ងបន្តថា ជនរងគ្រោះខាងលើមានឈ្មោះ គួយ ធីម ភេទប្រុស អាយុ២២ឆ្នាំ មុខរបររោងចក្រ ស្នាក់នៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ មានស្រុកកំណើតនៅភូមិស្វាយ ព្រៃឃុំសណ្តែក ស្រុកបាធាយ ខេត្តកំពង់ចាម។ ចំណែកម៉ូតូដែលជនសង្ស័យវា.យប្លន់បានសម្រេចនោះ ម៉ាកហុងដាឌ្រីម ស៊េរី២០២០ ពណ៌ខ្មៅ ពាក់ស្លាកលេខ កំពង់ចាម 1Z- 2545 ។
តាមប្រភពព័ត៌មានពីជនរងគ្រោះបាននិយាយប្រាប់ថា នៅមុនពេលកើតហេតុ ជនរងគ្រោះ ត្រូវបានមិត្តភ័ក្ដិម្នាក់ពឹងអោយជូនដោយយកនំអន្សមដែលសល់ពីបុណ្យភ្ជុំបិណ្ឌយកទៅអោយមិត្តភ័ក្តិម្នាក់ទៀត នៅចំណុចបុរីពិភពថ្មី ផ្លូវជាតិលេខ៣ ដោយមានគ្នា៥នាក់ជិះម៉ូតូចំនួន២គ្រឿង។ លុះពួកគាត់ទៅដល់ផ្ទះមិត្តភ័ក្ដិក៏បាននាំគ្នាផឹកស៊ីបន្តិចបន្តួច ហើយក៏ត្រឡប់មកវិញ ដោយបានដូរផ្លូវថ្មី នៅផ្លូវបេតុងព្រៃដើមឈើទាល ជាប់វត្តជន្លង់ម្លូ។ ខណៈកំពុងតែជិះនោះ ក៏ស្រាប់តែមានជនសង្ស័យជិត១០នាក់ ជិះម៉ូតូជាច្រើនគ្រឿងប្រដាប់ដោយកាំបិត និងខ្សែក្រវាត់ បានវា.យជនរងគ្រោះ បណ្តាលឲ្យដួលទាំង២ម៉ូតូគ្រឿង គ្រានោះជនរងគ្រោះភ័យនឹងក្រុមជនសង្ស័យដេញកា.ប់វា.យ ក៏បាននាំគ្នារត់ចូលព្រៃទៅ ចំណែកក្រុមជនសង្ស័យវិញក៏បានលើកម៉ូតូមួយគ្រឿងជិះគេចខ្លួនបាត់ស្រមោលតែម្តង។
ប្រភពព័ត៌មានពីជនរងគ្រោះបានបន្តទៀតថា ខណៈពេលជនសង្ស័យជិះម៉ូតូចេញភ្លាមៗ ជនរងគ្រោះក៏លើកជិះម៉ូតូមួយគ្រឿងទៀតដែលសល់នោះ ជិះដេញតាម និងស្រែកអោយប្រជាពលរដ្ឋជួយស្ទាក់។ នៅពេលនោះមានបងប្អូនប្រជាពលរដ្ឋ និងប្រជាការពារភូមិ បាននាំគ្នាដេញស្ទាក់ ព្រមទាំងប្តឹងសមត្ថកិច្ចនគរបាលប៉ុស្តិ៍ជួយអន្តរាគមន៍ភ្លាមៗ បន្ទាប់មកក៏បានឃាត់ម៉ូតូចំនួន៥គ្រឿង មានគ្នាជិត១០នាក់ ដើម្បីអោយជនរងគ្រោះមើល តែមិនមែនជាក្រុមជនសង្ស័យនោះឡើយ ហើយសមត្ថកិច្ចក៏បានអោយយុវជនចំនួន៥ម៉ូតូនោះអោយត្រឡប់ទៅផ្ទះវិញភ្លាមៗ ។
ក្រោយពេលកើតហេតុ សមត្ថកិច្ចបានជូនជនរងគ្រោះ និងមិត្តភ័ក្ដិ ទៅដាក់ពាក្យបណ្ដឹងនៅប៉ុស្តិ៍នគរបាលសង្កាត់ភ្លើងឆេះរទេះ ដើម្បីអោយសមត្ថកិច្ចស្រាវជ្រាវតាមចាប់ជនសង្ស័យខាងលើ យកមកផ្តល់ផ្តន្ទាទោសតាមច្បាប់៕
ចែករំលែកព័តមាននេះ