ប្រធានាធិបតីកូរ៉េខាងត្បូង Yoon Suk-yeol នៅថ្ងៃសៅរ៍ ទី ១ តុលានេះបានព្រមានកូរ៉េខាងជើងថា កូរ៉េខាងត្បូង និងអាមេរិកនឹងឆ្លើយតបដ៏ខ្លាំងក្លាវិញ ប្រសិនកូរ៉េខាងជើងប៉ុនប៉ងប្រើអាវុ.ធនុយក្លេអ៊ែរ។
ថ្លែងនៅក្នុងខួបលើកទី ៧៤នៃទិវាកងកម្លាំងប្រដាប់អាវុ.ធ លោក Yoon Suk-yeol បានហៅការប្រកាសខ្លួនកាលពីពេលថ្មីៗនេះរបស់កូរ៉េខាងជើងថាជារដ្ឋនុយក្លេអ៊ែរ គឺជាការគំរា.មកំហែងដល់ការរស់រានមានជីវិត និងវិបុលភាពរបស់កូរ៉េខាងត្បូង និងបានអំពាវនាវថាថ្មីឱ្យ Kim Jong-un លុបបំបាត់អាវុ.ធនុយក្លេអ៊ែរ។
លោក Yoon Suk-yeol ថ្លែងដូច្នេះថា«ការអភិវឌ្ឍន៍នុយក្លេអ៊ែររបស់កូរ៉េខាងជើងនឹងធ្វើឱ្យជីវិតប្រជាជនកូរ៉េខាងជើងកាន់តែលំបាក។ របបនេះត្រូវតែធ្វើការសម្រេចចិត្តដើម្បីរំសាយអាវុ.ធនុយក្លេអ៊ែរចោលដើម្បីសន្តិភាពពិតប្រាកដ និងវិបុលភាពគ្នាទៅវិញទៅមកនៅឧបទ្វីកូរ៉េ»។
លោកក៏បានបញ្ជាក់សារជាថ្មីនូវសម្ព័ន្ធភាពរវាងកូរ៉េខាងត្បូង និងអាមេរិក ដោយបានសន្យាថាយោធានៃប្រទេសទាំងពីរនឹងធ្វើការឆ្លើយតបយ៉ាងម៉ឺងម៉ាត់ចំពោះការបង្កហេតុ និងការគំរា.មកំហែងរបស់កូរ៉េខាងជើងប្រសិនបើចាំបាច់។
លោកបន្ថែមថា «(រដ្ឋាភិបាលកូរ៉េខាងត្បូង) នឹងពង្រឹងសមត្ថភាពឈ្លបយកការណ៍ និងការឃ្លាំមើលរបស់ខ្លួន និងសមត្ថភាពវា.យប្រហារប្រឆាំងនឹងកូរ៉េខាងជើង»៕ (យោងតាមប្រភព៖ CNN)
ចែករំលែកព័តមាននេះ