អត្តពលិកជនជាតិស្កុតឡេនម្នាក់បានបំបែកកំណត់ត្រាពិភពលោក Guinness World Record សម្រាប់ការលើកដុំដែកទម្ងន់ ១៥០ផោន ឬ ៦៨គីឡូក្រាមពីលើក្បាល ខណៈកំពុងជិះកង់ដែលមានរង្វង់កង់តែមួយ (unicycle)។…
អត្តពលិកជនជាតិស្កុតឡេនម្នាក់បានបំបែកកំណត់ត្រាពិភពលោក Guinness World Record សម្រាប់ការលើកដុំដែកទម្ងន់ ១៥០ផោន ឬ ៦៨គីឡូក្រាមពីលើក្បាល ខណៈកំពុងជិះកង់ដែលមានរង្វង់កង់តែមួយ (unicycle)។
លោក Josh Auld វ័យ ៣៤ឆ្នាំ មកពីទីក្រុង Edinburgh បាននិយាយថា លោកទទួលបានការទាក់ទងពីខាងស្ថាប័ន Guinness World Record ថាឥឡូវនេះលោកបានក្លាយជាម្ចាស់កំណត់ត្រាពិភពលោកក្នុងលើកទម្ងន់ធ្ងន់បំផុតពីលើក្បាល ខណៈកំពុងជិះកង់។
លោក Josh Auld ដែលជាអ្នកជិះកង់អាជីព និងគ្រូបង្វឹកសម្រាប់រឿងភាគទូរទស្សន៍ Ninja Warrior បាននិយាយថា លោកបានប្រើពេលទំនេររបស់គាត់អំឡុងការរាតត្បាតកូវីដ ១៩ រៀនពីរបៀបបញ្ជូលជំនាញរបស់គាត់ដោយការជិះកង់ និងលើកទម្ងន់។
អត្តពលិករូបនេះនិយាយថា លោករៀនប្រហែល ៦សប្តាហ៍ មុនពេលលោកអាចបង្កើតកំណត់ត្រាបានដោយជោគជ័យ៕ (យោងតាមប្រភព៖ UPI)
ចែករំលែកព័តមាននេះ