ធ្លាយរឿង Ronaldo ស្ថិតក្នុងស្ថានភាពបាក់ទឹកចិត្ត និងទទួលការព្យាបាល
អង់គ្លេស ៖ លោក Jordan Peterson ដែលជាអ្នកជំនាញផ្នែកចិត្តសាស្ត្របាននិយាយថា ខ្សែប្រយុទ្ធឆ្នើម
អង់គ្លេស ៖ លោក Jordan Peterson ដែលជាអ្នកជំនាញផ្នែកចិត្តសាស្ត្របាននិយាយថា ខ្សែប្រយុទ្ធឆ្នើម
អង់គ្លេស ៖ លោក Jordan Peterson ដែលជាអ្នកជំនាញផ្នែកចិត្តសាស្ត្របាននិយាយថា ខ្សែប្រយុទ្ធឆ្នើម Cristiano Ronaldo កំពុងស្ថិតក្នុងស្ថានភាពបាក់ទឹកចិត្ត ដែលគ្រប់គ្នាពុំបានដឹងទាល់តែសោះ។ គួររំលឹកថា សោកស្តាយ! Ronaldo និងមិត្តស្រីប្រកាសដំណឹងបាត់បង់កូនភ្លោះម្នាក់ ក្រោយសម្រាល
ប្រហែលជា២សប្តាហ៍មុន គេបានឃើញ Ronaldo បានអញ្ជើញលោក Jordan Peterson ទៅផ្ទះរបស់គេនៅទីក្រុង Manchester អំឡុងពេលអ្នកជំនាញជនជាតិកាណាដាវ័យ៦០ឆ្នាំរូបនេះ មកបំពេញភារកិច្ចនៅចក្រភពអង់គ្លេស។ គេបានឃើញខ្សែប្រយុទ្ធឆ្នើមក្រុម Manchester United បង្ហោះរូបលើបណ្តាញសង្គម Instagram ជាមួយលោក Peterson ដោយពុំបញ្ជាក់បន្ថែមអំពីជំនួបរវាងអ្នកទាំង២ នៅក្នុងការបង្ហោះនោះឡើយ។
ប៉ុន្តែកាលពីថ្មីៗកន្លងទៅនេះ លោក Jordan Peterson បានបញ្ជាក់អំពីជំនួបរបស់គាត់ជាមួយ Ronaldo នៅក្នុងកិច្ចសន្ទនាជាមួយលោក Piers Morgan ដែលជាពិធីទូរទស្សន៍ដ៏ល្បីល្បាញនៅចក្រភពអង់គ្លេសថា Ronaldo កំពុងរងទុក្ខដោយការបាក់ទឹកចិត្ត ចាប់តាំងពីកូនប្រុសគេបានស្លា.ប់ ហើយរូបគេបានស្វែងរកការព្យាបាល។ គ្រប់គ្នាគួរតែយល់ពីគេ គេក៏ជាមនុស្សដូចពួកយើងដែរ គេមិនមែនស្ថិតក្នុងស្ថានភាពល្អនោះទេ។ លោក Peterson សង្ឃឹមថា Ronaldo ឆាប់ជាសះស្បើយ នឹងវិលត្រឡប់មកសភាពដើមវិញ ដូចដែលរូបគេតែងតែបានធ្វើ។
គួររំលឹកថា នៅវេលារំលងអាធ្រាត្រថ្ងៃទី១៨ ឈានចូលថ្ងៃទី១៩ ខែមេសា ឆ្នាំ២០២២ កីឡាករ Cristiano Ronaldo រួមនិងមិត្តស្រីរបស់គេគឺនាង Georgina Rodriguez បានប្រកាសដំណឹងដ៏សោកស្តាយបំផុត ក្រោយពេលកូនប្រុសក្នុងចំណោមកូនភ្លោះប្រុស-ស្រីរបស់ពួកគេ បានស្លា.ប់នៅពេលសម្រាល។
ដោយគ្រានោះ ប្រធានក្រុមជម្រើសជាតិព័រទុយហ្គាល់វ័យ៣៧ឆ្នាំរូបនេះ បានបង្ហោះសារលើបណ្តាញសង្គមផ្ទាល់ខ្លួនថា «វាជារឿងដ៏សោកសៅបំផុតរបស់យើងដែលត្រូវប្រកាសថា ទារករបស់យើង (កូនប្រុស) បានទទួលមរណភាព។ វាគឺជាការឈឺចា.ប់បំផុត ដែលឪពុកម្តាយគ្រប់រូបអាចទទួលអារម្មណ៍នេះ។ មានតែកំណើតកូនស្រីរបស់យើងប៉ុណ្ណោះ ដែលផ្តល់កម្លាំងចិត្តឱ្យយើងអាចរស់នៅពេលនេះដោយក្តីសង្ឃឹម និងសុភមង្គល»៕ (ដកស្រង់ចេញពី Marca និង SPORTbible)
ចែករំលែកព័តមាននេះ