ឥណ្ឌូនេស៊ីអនុម័តឱ្យប្រើវ៉ាក់សាំង IndoVac ផលិតក្នុងស្រុកលើកដំបូង
ឥណ្ឌូនេស៊ីអនុម័តវ៉ាក់សាំងកូវីដ ១៩ផលិតក្នុងស្រុកជាលើកដំបូងសម្រាប់ការប្រើប្រាស់បន្ទាន់ដែល
ឥណ្ឌូនេស៊ីអនុម័តវ៉ាក់សាំងកូវីដ ១៩ផលិតក្នុងស្រុកជាលើកដំបូងសម្រាប់ការប្រើប្រាស់បន្ទាន់ដែលជាជំហានឆ្ពោះទៅរកឯករាជ្យភាពក្នុងការទទួលបានវ៉ាក់សាំង។ នេះបើយោងតាមការបញ្ជាក់របស់ប្រធានភ្នាក់ងារសុខាភិបាលសាធារណៈឥណ្ឌូនេស៊ីនៅថ្ងៃសុក្រ ទី ៣០ កញ្ញានេះ។
រដ្ឋធានី Jakarta បានសង្កត់ធ្ងន់ពីសារសំខាន់នៃការអភិវឌ្ឍន៍វ៉ាក់សាំងជាតិ ចាប់តាំងពីមានការផ្ទុះរាតត្បាតកុវីដ ១៩ ប៉ុន្តែបច្ចុប្បន្ន ឥណ្ឌូនេស៊ីពឹកផ្អែកទៅលវ៉ាក់សាំងចិន Sonovac និងវ៉ាក់សាំង Moderna និង Pfizer-BioNTec របស់ប្រទេសលោកខាងលិច។
វ៉ាក់សាំងឥណ្ឌូនេស៊ីឈ្មោះ IndoVac ត្រូវបានផលិតឡើងដោយក្រុមហ៊ុនរដ្ឋ Bio Farma និងសកលវិទ្យាល័យវេជ្ជសាស្ត្រ Baylor ដែលមានមូលដ្ឋានក្នុងរដ្ឋ Texas សហរដ្ឋអាមេរិក។ វាអាចត្រូវបានប្រើប្រាស់ជាដូសបឋមសម្រាប់មនុស្សពេញវ័យដែលមិនទាន់ទទួលបានវ៉ាក់សាំង ឬអ្នកចាក់វ៉ាក់សាំងរួច។
ប្រធានផ្នែកវេជ្ជសាស្ត្រលោក Penny Lukito បាននិយាយថា វ៉ាក់សាំង IndoVac បង្ហាញពីប្រសិទ្ធភាព ៩២ភាគរយ ខណៈដែលគ្មានរបាយការណ៍នៃការស្លា.ប់ឡើយទាក់ទងនឹងការសាកល្បងវា ហើយផលប៉ះពាល់របស់វាគឺស្រាល។
លោកបន្ថែមថា ការសិក្សាដើម្បីប្រើប្រាស់វាជាដូសជំរុញកំពុងដំណើរការ។
សូមរម្លឹកថា ឥណ្ឌូនេស៊ីបានក្លាយជាចំណុចកណ្តាលនៃការឆ្លងរាតត្បាតកូវីដ ១៩ នៅក្នុងខែកក្កដា ឆ្នាំមុន ខណៈដែលវីរុសបំលែងថ្មី Delta ឆ្លងរាតត្បាតទូទាំងប្រទេសដែលមានប្រជាជនជិត ២៨០លាននាក់។
ករណីឆ្លងបានធ្លាក់ចុះគួរឱ្យកត់សម្គាល់នៅបំណាច់ឆ្នាំ ប៉ុន្តែការរាតត្បាត Omicron បានធ្វើឱ្យមានរលកថ្មី ដែលបង្កការឆ្លងប្រមាណ ៣០.០០០ករណីក្នុងមួយថ្ងៃ។
សរុបមក ឥណ្ឌូនេស៊ីមានករណីឆ្លងជាង ៦,៤លានករណី និងអ្នកស្លា.ប់ជិត ១៦០.០០០នាក់៕ (យោងតាមប្រភព៖ AFP)
ចែករំលែកព័តមាននេះ