Cantona ៖ Beckham បានសាងកំហុសដ៏ធំជុំវិញតួនាទីជាឯកអគ្គរដ្ឋទូត World Cup 2022
អង់គ្លេស ៖ លោក Eric Cantona បាននិយាយាថា David Beckham បានសាងកំហុសដ៏ធំមួយក្នុងការ
អង់គ្លេស ៖ លោក Eric Cantona បាននិយាយាថា David Beckham បានសាងកំហុសដ៏ធំមួយក្នុងការទទួលតួនាទីជាឯកអគ្គរដ្ឋទូតសម្រាប់ព្រឹត្តិការណ៍ World Cup នៅប្រទេសកាតា នៅចុងឆ្នាំនេះ។
លោក David Beckham អតីតខ្សែបម្រើឆ្នើមក្រុមជម្រើសជាតិអង់គ្លេស និងក្រុម Manchester United និង Real Madrid ទទួលរងការរិះគន់យ៉ាងចាស់ដៃពីមហាជននៅរយៈពេលប៉ុន្មានខែថ្មីៗនេះ ដោយកាលពីខែកុម្ភៈកន្លងទៅ បុរសវ័យ៤៧ឆ្នាំរូបនេះ ត្រូវបានប្រកាសថាយល់ព្រមលើកិច្ចព្រមព្រៀងតម្លៃ ១០លានផោន ដើម្បីក្លាយជាឯកអគ្គរដ្ឋទូតនៃការប្រកួត World Cup 2022 ដែលនឹងចាប់ផ្តើមពីថ្ងៃទី២០ ខែវិច្ឆិកា រហូតដល់ថ្ងៃទី១៨ ខែធ្នូ ខាងមុខនេះ។
ដូចដឹងស្រាប់ហើយថា កាតាក្នុងនាមជាម្ចាស់ផ្ទះ World Cup 2022 កំពុងទទួលរងការរិះគន់ស្ទើរគ្រប់ទិសទីពីសំណាក់មហាជន ស្ថាប័ន និងបុគ្គលល្បីល្បាញជាច្រើនក្នុងវិស័យបាល់ទាត់ជុំវិញកំណត់ត្រារំលោ.ភសិទ្ធិមនុស្ស ច្បាប់ប្រឆាំងអ្នកស្រឡាញ់ភេទដូចគ្នាយ៉ាងតឹងរ៉ឹងបំផុត (LGBT) ជាពិសេសការកេងប្រវ័ញ្ចកម្លាំងពលកម្មលើកម្មករចំណាកស្រុក ដែលបានសាងសង់ហេដ្ឋារចនាសម្ព័ន្ធ និងកីឡដ្ឋាន។
ពាក់ព័ន្ធជុំវិញបញ្ហានេះ លោក Eric Cantona អតីតខ្សែប្រយុទ្ធឆ្នើមក្រុមជម្រើសជាតិបារាំង និងក្រុម Man United បានជំរុញ Beckham ដែលជាអតីតមិត្តរួមក្រុមជាមួយគ្នាគិតឡើងវិញនូវជំហររបស់គេ ហើយបានលើកឡើងថា Beckham មិនដឹងអំពីអ្វីដែលបានកើតឡើងនៅប្រទេសកាតានោះទេ។
នៅពេលសួរថា តើគាត់នឹងទទួលយកតួនាទីស្រដៀងនឹង Beckham ដែរឬទេ? លោក Cantona អាយុ៥៦ឆ្នាំ បានប្រាប់សារព័ត៌មាន Athletic ថា «ខ្ញុំនឹងមិនធ្វើវាទាល់តែសោះ។ ហើយខ្ញុំនឹងធ្វើពហិការការប្រកួត World Cup 2022។ យើងមិនអាចថ្កោលទោស ឬខកចិត្តទេ ប្រសិនបើកីឡាករមិនចង់ធ្វើពហិការប្រកួត World Cup នៅទីនោះ ព្រោះមានតែថ្នាក់ដឹកនាំកំពូល អ្នកនយោបាយ ប្រធានសហព័ន្ធ និងរដ្ឋមន្ត្រី តែប៉ុណ្ណោះ ដែលពួកគេមានអំណាចក្នុងការសម្រេចចិត្តធ្វើពហិការបាន»៕ (ដកស្រង់ចេញពី Dailymail)
ចែករំលែកព័តមាននេះ