អាមេរិកចោទប្រកាន់មហាសេដ្ឋីរុស្ស៊ីពីបទរំលោ.ភលើទណ្ឌកម្ម
រុស្ស៊ី ៖ រដ្ឋអាជ្ញាអាមេរិក កាលពីថ្ងៃព្រហស្បតិ៍ ទី ២៩ កញ្ញា ម្សិលមិញនេះ បានចោទប្រកាន់ព្រហ្មទណ្ឌ
រុស្ស៊ី ៖ រដ្ឋអាជ្ញាអាមេរិក កាលពីថ្ងៃព្រហស្បតិ៍ ទី ២៩ កញ្ញា ម្សិលមិញនេះ បានចោទប្រកាន់ព្រហ្មទណ្ឌប្រឆាំងនឹងមហាសេដ្ឋីរុស្ស៊ី លោក Oleg Deripaska ពីបទរំលោ.ភលើទណ្ឌកម្មដែលត្រូវបានដាក់ បន្ទាប់ពីរុស្ស៊ីឈ្លានពានអ៊ុយក្រែន។
លោក Oleg Deripaska ដែលជាស្ថាបនិកក្រុមហ៊ុនអាលុយមីញ៉ូមយក្ស Rusal ស្ថិតក្នុងចំណោមមហាសេដ្ឋី និងមន្ត្រីរដ្ឋាភិបាលរុស្ស៊ីជាច្រើនដែលស្ថិតក្នុងបញ្ជីខ្មៅរបស់ទីក្រុងវ៉ាស៊ីនតោននៅក្នុងឆ្នាំ ២០១៨ ដែលជាការឆ្លើយតបទៅនឹងការជ្រៀតជ្រែករបស់រុស្ស៊ីក្នុងការបោះឆ្នោតប្រធានាធិបតីឆ្នាំ ២០១៦ ដើម្បីជួយឱ្យលោក Donald Trump ក្លាយជាប្រធានាធិបតី។
ក្រសួងយុត្តិធម៌អាមេរិកនិយាយថា Oleg Deripaska បានរំលោ.ភលើទណ្ឌកម្មតាមរយៈការប្រើប្រាស់ប្រព័ន្ធហិរញ្ញវត្ថុអាមេរិកដើម្បីរក្សាទ្រព្យសម្បត្តិប្រណិតចំនួន ៣របស់លោក និងបានជួលស្ត្រីម្នាក់ឱ្យទិញស្ទូឌីយោតន្ត្រីកាលីហ្វ័រញ៉ាជំនួសគាត់។
រដ្ឋអាជ្ញាបាននិយាយថា លោក Oleg Deripaska ក៏បានរំលោ.ភទណ្ឌកម្មផងដែរតាមរយៈកិច្ចប្រឹងប្រែងដើម្បីឱ្យមិត្តស្រីរបស់គាត់ធ្វើដំណើរពីរុស្ស៊ីទៅអាមេរិកដើម្បីផ្តល់កំណើតដល់កូន។
អគ្គមេធាវីអាមេរិក Merrick Garland និយាយក្នុងសេចក្តីប្រកាសថា «បន្ទាប់ពីការឈ្លានពានដោយអយុត្តិធម៌ និងការបង្កហេតុឥតសមហេតុផលលើអ៊ុយក្រែន ខ្ញុំសូមសន្យាជាមួយប្រជាជនអាមេរិកថា ក្រសួងយុត្តិធម៌នឹងធ្វើការដើម្បីឱ្យអ្នកដែលរំលោ.ភច្បាប់ និងគំរា.មសន្តិសុខជាតិរបស់យើងទទួលខុសត្រូវ»។
លោកថ្លែងបន្តទៀតថា «ការចោទប្រកាន់នៅថ្ងៃនេះបង្ហាញថា យើងកំពុងរក្សាការសន្យារបស់យើង»៕ (យោងតាមប្រភព៖ Reuters)
ចែករំលែកព័តមាននេះ