អ្នកស្លា.ប់កើនជិត៩០នាក់ហើយ ខណៈការតវ៉ាប្រឆាំងការស្លា.ប់ស្ត្រីម្នាក់កំពុងបន្តនៅអ៊ីរ៉ង់
អ៊ីរ៉ង់ ៖ ការតវ៉ាបានបន្តនៅក្នុងក្រុងជាច្រើននៅទូទាំងប្រទេសអ៊ីរ៉ង់កាលពីថ្ងៃព្រហស្បតិ៍ ទី ២៩ កញ្ញា
អ៊ីរ៉ង់ ៖ ការតវ៉ាបានបន្តនៅក្នុងក្រុងជាច្រើននៅទូទាំងប្រទេសអ៊ីរ៉ង់កាលពីថ្ងៃព្រហស្បតិ៍ ទី ២៩ កញ្ញា ម្សិលមិញនេះ ប្រឆាំងនឹងការស្លា.ប់ស្ត្រីវ័យក្មេងនៅក្នុងការឃុំឃាំងរបស់ប៉ូលីស ខណៈក្រុមអង្គការសិទ្ធិមនុស្សនិយាយថា មនុស្សយ៉ាងហោចណាស់ចំនួន ៨៣នាក់ត្រូវបានសម្លា.ប់នៅក្នុងការតវ៉ារយៈពេលជិត ២សប្តាហ៍។
ស្ត្រីវ័យក្មេង Mahsa Amini វ័យ ២២ឆ្នាំ មកពីក្រុង Seqez ត្រូវបានចាប់ខ្លួនកាលពីខែនេះនៅក្នុងរដ្ឋធានី Tehran ពីបទស្លៀកពាក់មិនសមរម្យពីសំណាក់ប៉ូលីសសីលធម៌ដែលបានអនុវត្តច្បាប់សំលៀកបំពាក់ដ៏តឹងរឹងសម្រាប់ស្ត្រី។
ការស្លា.ប់របស់នាងបង្កឱ្យមានការប្រឆាំងដ៏ធំជាលើកដំបូងនៅតាមដងផ្លូវក្នុងប្រទេសអ៊ីរ៉ង ចាប់តាំងពីអាជ្ញាធរបង្ក្រាបការតវ៉ាប្រឆាំងនឹងការកើនឡើងតម្លៃសាំងនៅក្នុងឆ្នាំ ២០១៩។
ក្រុមអង្គការសិទ្ធិមនុស្សអ៊ីរ៉ង (Iran Human Rights) ដែលមានមូលដ្ឋាននៅប្រទេសន័រវេសបាននិយាយថា មនុស្សយ៉ាងហោចណាស់ ៨៣នាក់រួមទាំងកុមារផង ត្រូវបានគេបញ្ជាក់ថាបានស្លា.ប់។
ទូរទស្សន៍រដ្ឋនិយាយថា ប៉ូលីសបានចាប់ខ្លួនក្រុមកុប្បកម្មជាច្រើន។ ក្រុមអង្គការសិទ្ធិមនុស្សនិយាយថា សកម្មជន និស្សិត និងសិល្បៈករជាច្រើននាក់ត្រូវបានឃុំខ្លួន ហើយគណៈកម្មាធិការការពារអ្នកកាសែតនិយាយនៅលើបណ្តាញសង្គម Twitter ដូច្នេះថា ខ្លួនបានដឹងថាកងកម្លាំងសន្តិសុខបានចាប់ខ្លួនអ្នកកាសែតយ៉ាងតិច ២៨នាក់គិតត្រឹមថ្ងៃទី ២៩ ខែកញ្ញាមក។
នៅពេលជាមួយគ្នានេះដែរ រដ្ឋមន្ត្រីការបរទេសអាឡឺម៉ងបាននិយាយនៅថ្ងៃព្រហស្បតិ៍ម្សិលមិញថា លោកស្រីចង់ឱ្យសហភាពអ៊ឺរ៉ុបដាក់ទណ្ឌកម្មលើអ៊ីរ៉ងជុំវិញការស្លា.ប់របស់ស្ត្រី Amini។
នៅក្នុងប្រទេសន័រវេសវិញ មនុស្សម្នាជាច្រើនព្យាយាមចូលក្នុងស្ថានទូតអ៊ីរ៉ងក្នុងរដ្ឋធានី Oslo អំឡុងការតវ៉ា។ ប៉ូលីសឃុំខ្លួនមនុស្ស ៩៥នាក់៕ (យោងតាមប្រភព៖ Reuters)
ចែករំលែកព័តមាននេះ