មន្ត្រីជំនាញចុះចាប់បារី MEVIUS ដកហូតបាន៩៥៥កញ្ចប់ពីផ្សារតាកែវ
ខេត្តតាកែវ ៖ មន្ត្រីស៊ើបអង្កេត នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប. ដឹកនាំដោយលោក ប៊ុន ចំរើន…
ខេត្តតាកែវ ៖ មន្ត្រីស៊ើបអង្កេត នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប. ដឹកនាំដោយលោក ប៊ុន ចំរើន…
ខេត្តតាកែវ ៖ មន្ត្រីស៊ើបអង្កេត នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប. ដឹកនាំដោយលោក ប៊ុន ចំរើន អគ្គនាយករង នៃអគ្គនាយកដ្ឋាន ក.ប.ប. បានចុះប្រតិបត្តិការត្រួតពិនិត្យ និងបង្ក្រាបផលិតផលរំលោភសិទ្ធិផ្ដាច់មុខរបស់ក្រុមហ៊ុនបារី MEVIUS នៅក្នុងភូមិសាស្ត្រខេត្តតាកែវ ។
នៅក្នុងប្រតិបត្តិការធ្វើឡើងនៅថ្ងៃទី២៩ ខែកញ្ញា ឆ្នាំ២០២២នេះ មន្ត្រីស៊ើបអង្កេត នៃអគ្គនាយកដ្ឋាន ក.ប.ប. បានរកឃើញ និងដកហូតនូវផលិតផលបារីម៉ាក MEVIUS ចំនួនពីរកេសធំ ស្មើនឹង ៩៥៥ កញ្ចប់ ដែលបានដាក់តាំងលក់នៅក្នុងផ្សារតាកែវ និងនៅតាមផ្ទះលក់ទំនិញ ។
ក្រោយពីមន្ត្រីស៊ើបអង្កេត នៃអគ្គនាយកដ្ឋាន ក.ប.ប. បានដករួចហើយ ក៏បានធ្វើការពិន័យអន្តរការណ៍លើម្ចាស់ទីតាំងដែលបានដាក់តាំងលក់ផលិតផលបារីនេះ ។
សូមបញ្ជាក់ថា អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប. នៃក្រសួងពាណិជ្ជកម្ម បានជម្រាបជូនដំណឹងដល់ឯកឧត្ដម លោកជំទាវ អ្នកឧកញ៉ា លោកឧកញ៉ា លោក លោកស្រី ជាម្ចាស់ក្រុមហ៊ុន សហគ្រាស សិប្បករ ពាណិជ្ជករ អាជីវករ និងសាធារណជន នៅទូទាំង ព្រះរាជាណាចក្រកម្ពុជា មេត្តាជ្រាបថា ៖ ក្នុងរយៈពេលកន្លងមកនេះ អគ្គនាយកដ្ឋាន ក.ប.ប. តែងតែទទួលបានពាក្យបណ្ដឹងជាបន្តបន្ទាប់ពាក់ព័ន្ធ នឹងផលិតផលថ្នាំជក់(បារី)ក្លែងក្លាយ ក្លែងបន្លំម៉ាក ដែលប្រព្រឹត្តដោយ បុគ្គលមួយចំនួន ដែលបាននិងកំពុងធ្វើចរាចរ ចែកចាយនៅក្នុង ព្រះរាជាណាចក្រកម្ពុជា ។
កាលពីថ្ងៃទី០៨ ខែកញ្ញា ឆ្នាំ២០២២ អគ្គនាយកដ្ឋាន ក.ប.ប. ក៏បានចេញសេចក្ដីជូនដំណឹង ស្ដីពីការចរាចរបារីក្លែងក្លាយ ក្លែងបន្លំម៉ាក នៅក្នុងព្រះរាជាណាចក្រកម្ពុជា រួចមកហើយដែរ ៕
ចែករំលែកព័តមាននេះ