អាជ្ញាធរខណ្ឌសែនសុខ ចុះបិទអាជីវកម្មផាប់មួយកន្លែង បង្កសំឡេងរំខានអ្នកជិតខាង
រាជធានីភ្នំពេញ ៖ នៅរសៀលថ្ងៃទី២៩ ខែកញ្ញា ឆ្នាំ២០២២ ក្រុមការងាររដ្ឋបាលខណ្ឌសែនសុខ ដឹកនាំដោយលោក ឃុត សុខខា និងលោក…
រាជធានីភ្នំពេញ ៖ នៅរសៀលថ្ងៃទី២៩ ខែកញ្ញា ឆ្នាំ២០២២ ក្រុមការងាររដ្ឋបាលខណ្ឌសែនសុខ ដឹកនាំដោយលោក ឃុត សុខខា និងលោក ញាណ ចន្ថាវេរ៉ា ជាអភិបាលរងខណ្ឌ បានចុះបិទទីតាំងអាជីវកម្មយីហោ ថបផាប់ (Top Pub) មួយកន្លែងស្ថិតនៅផ្ទៈលេខ៣៦១ ផ្លូវលេខ២៧១ ភូមិបុរីកម្មករ សង្កាត់ទឹកថ្លា ខណ្ឌសែនសុខ ។
ក្រុមការងារបានណែនាំដល់តំណាងម្ចាស់ទីតាំងអាជីវកម្ម ថបផាប់ អោយបិទទតាំងចាប់ពីថ្ងៃទី២៩ ខែកញ្ញា ឆ្នាំ២០២២នេះតទៅ ដោយត្រូវអនុវត្តតាមលិខិតជូនដំណឹងលេខ ០៣៥ សជណ ចុះថ្ងៃទី០៦ ខែកក្កដា ឆ្នាំ២០២២ របស់រដ្ឋបាលខណ្ឌ ស្តីពីការប្រកបអាជីវកម្មគ្មានលិខិតអនុញ្ញាត និងមានបណ្តឹងពីអ្នករស់នៅជិតខាង ដែលបង្កអោយមានសំឡេងរំខាន ។
ក្នុងករណីម្ចាស់ទីតាំងមិនអនុវត្តតាមការណែនាំខាងលើ រដ្ឋបាលណ្ឌសែនសុខ នឹងចាត់វិធានការតាមនីតិវិធីច្បាប់ ៕
ចែករំលែកព័តមាននេះ