ប្អូនជីដូនមួយកំពូលតារាចម្រៀងខេប៉ុប Lisa ត្រៀមឡើងការពារខ្សែក្រវាត់នៅចុងឆ្នាំនេះ
ថៃ ៖ ប្អូនស្រីជីដូនមួយរបស់កំពូលតារាចម្រៀង Lisa សមាជិកក្រុមចម្រៀង K-Pop BLACKPINK ដ៏
ថៃ ៖ ប្អូនស្រីជីដូនមួយរបស់កំពូលតារាចម្រៀង Lisa សមាជិកក្រុមចម្រៀង K-Pop BLACKPINK ដ៏
ថៃ ៖ ប្អូនស្រីជីដូនមួយរបស់កំពូលតារាចម្រៀង Lisa សមាជិកក្រុមចម្រៀង K-Pop BLACKPINK ដ៏ពេញនិយមបំផុតរបស់ប្រទេសកូរ៉េខាងត្បូង នឹងត្រៀមឡើងសង្វៀនប្រកួតដើម្បីការពារខ្សែក្រវាត់ប្រដាល់ Kickboxing (K-1) របស់នាងនៅចុងឆ្នាំនេះ។
នាង Janthakan Manoban ឬ Phaya Hong បានក្លាយជាអ្នកប្រដាល់នារីថៃដំបូងគេដែលឈ្នះខ្សែក្រវាត់ K-1 ក្នុងប្រភេទទម្ងន់៤៥គីឡូក្រាម កាលពីខែមិថុនា ឆ្នាំ២០២២ ក្នុងទីក្រុងតូក្យូ ប្រទេសជប៉ុន។ ហើយបីខែក្រោយមក នាងនឹងត្រៀមការពារខ្សែក្រវាត់របស់នាង នៅចុងឆ្នាំនេះ សម្រាប់ការប្រកួតតទល់ជាមួយនឹងអ្នកប្រដាល់ជប៉ុន Miyuu Sugawara ដែលនាងបានយកឈ្នះកាលពីខែមិថុនាកន្លងទៅ។
Phaya Hong បាននិយាយថា «ឥឡូវនេះ ខ្ញុំកំពុងរៀបចំខ្លួនសម្រាប់ការប្រកួត។ ខ្ញុំនឹងការពារជើងឯក K-1 របស់ខ្ញុំ នៅប្រទេសជប៉ុនចុងឆ្នាំនេះ។ ខ្ញុំចង់និយាយថា រាងកាយរបស់ខ្ញុំចាប់ផ្តើមស៊ាំជាមួយនឹងការប្រកួត។ ប៉ុន្តែខ្ញុំមិនទាន់បានហ្វឹកហាត់ខ្លាំងនៅឡើយទេ។ ខ្ញុំគិតថា ខ្ញុំនឹងយកទម្រង់ប្រកួតដូចគ្នានឹងការប្រកួតទល់នឹង Miyuu Sugawara សម្រាប់ការប្រកួតឡើងវិញរបស់ពួកយើង។ ខ្ញុំគិតថាវានឹងពិបាក ប៉ុន្តែខ្ញុំចង់ឡើងមកឈរលើកម្រិតកំពូល និងការពារខ្សែក្រវាត់របស់ខ្ញុំ»។
កីឡាការិនីប្រដាល់មកពីខេត្ត Buriram វ័យ១៩ឆ្នាំរូបនេះ មិនត្រឹមតែបានបង្ហាញភាពលេចធ្លោសម្រាប់ស្ទីលនៃការប្រយុទ្ធដ៏សាហាវរបស់នាងនៅលើសង្វៀនប៉ុណ្ណោះទេ។ ប៉ុន្តែនាងថែមទាំងទទួលបានការចាប់អារម្មណ៍នៅប្រព័ន្ធផ្សព្វផ្សាយជាតិ និងអន្តរជាតិក្នុងនាមជាបងប្អូនជីដូនមួយសាច់ឆ្ងាយជាមួយនឹងកំពូលតារាចម្រៀង K-Pop ដ៏ល្បីល្បាញនាង Lisa របស់ក្រុម BLACKPINK ផងដែរ។
គួរបញ្ជាក់ថា K-1 គឺជាការផ្សព្វផ្សាយកីឡាប្រដាល់ Kickboxing អាជីពដែលត្រូវបានបង្កើតឡើងក្នុងឆ្នាំ ១៩៩៣ និងត្រូវបានទទួលស្គាល់ទូទាំងពិភពលោកជាចម្បងសម្រាប់ការប្រយុទ្ធផ្នែកទម្ងន់ធ្ងន់ និងការប្រកួត Grand Prix។ នៅក្នុងខែមករា ឆ្នាំ២០១២ ក្រុមហ៊ុន K-1 Global Holdings Limited ដែលជាក្រុមហ៊ុនចុះបញ្ជីនៅហុងកុង បានទទួលសិទ្ធិពី K-1 និងជាអ្នករៀបចំព្រឹត្តិការណ៍ K-1 ទូទាំងពិភពលោករហូតមកទល់ពេលបច្ចុប្បន្ន៕ (ប្រភពពី Main Stand – International)
ចែករំលែកព័តមាននេះ