រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានគូសបញ្ជាក់យ៉ាងដូច្នេះថា ត្រូវតែពិនិត្យច្រកចេញចូលទាំងអស់ដែលឧក្រិ.ដ្ឋជនលួចនាំចូលអាវុ.ធមកបា.ញ់សម្លា.ប់មនុស្សនៅក្នុងទឹកដីកម្ពុជានឹងមិនត្រូវអនុញ្ញាតឲ្យមានករណីយកកម្ពុជាធ្វើជាទីជម្រកនៃក្រុមភេវកម្ម ដើម្បីវា.យប្រហារប្រទេសណាមួយនោះឡើយ។
ក្នុងវេទិកាជាតិអន្តរសាសនាប្រឆាំងការជួញដូរមនុស្សលើកទី៦ ក្រោមប្រធានបទ «សូមកុំយកកម្ពុជាធ្វើជាគោលដៅប្រព្រឹត្តអំពើជួញដូរមនុស្ស» នាថ្ងៃទី២៩ ខែកញ្ញា ឆ្នាំ២០២២ សម្តេចតេជោ ហ៊ុន សែនបានលើកឡើងថា កន្លងមកនេះកម្ពុជាបានធ្វើការសហការគ្នាបានល្អជាមួយបណ្តាប្រទេសដទៃទៀត រហូតដល់ចាប់បានមេក្លោងភេវកម្មដែលបានមកដេកនៅបឹងកក់ឈ្មោះ ហាប់ម៉ាលី ដែលចេញពីកម្ពុជា។
សម្តេចគូសបញ្ជាក់ថា៖«កន្លងមកយើងបានសហការជាមួយអាមេរិក និងដៃគូរដទៃទៀតចាប់មេភេវកម្ម យើងបានទប់ស្កាត់មិនឲ្យកើតមានលើទឹកដីយើងទេ ហើយយើងតែងតែងរំលឹកថា កុំឲ្យកម្ពុជាក្លាយជាជម្រកនៃភេវកម្មបើទោះបីជាកម្ពុជាមិនមែនជាគោលដៅនៃភេវកម្ម ប៉ុន្តែកុំឲ្យកម្ពុជាក្លាយជាជម្រករបស់ពួកភេវកម្ម ដែលប្រើប្រាស់ទឹកដីកម្ពុជាហើយទៅវៃប្រទេសដទៃ»។
សម្តេចតេជោក៏គូសបញ្ជាក់យ៉ាងដូច្នេះថា ៖«ឥលូវនេះឧក្រិ.ដ្ឋកម្មខ្លះត្រូវឧក្រិ.ដ្ឋជនបានប្រើប្រាស់អាវុ.ធនៅលើទឹកដីកម្ពុជាដែលករណីនេះចាំបាច់ត្រូវតែបំផ្លាញបណ្តាញដ៏គ្រោះថ្នាក់នេះហើយស្វែងរកថា អាវុ.ធនេះចេញពីណាហើយយកចូលប្រទេសតាមរបៀបណាដោយត្រូវពិនិត្យឲ្យអស់លទ្ធភាពដោយពិនិត្យមើលតាមច្រកផ្លូវគោក ផ្លូវទឹក និងផ្លូវអាកាស ដើម្បីធានាថា អាវុ.ធត្រូវបានគ្រប់គ្រងបានហើយមិនត្រូវឲ្យអាវុធហូរចូលមកក្នុងប្រទេសដោយគ្មានច្បាប់ ឬអាវុ.ធនៅក្នុងឃ្លាំងរបស់យើងក្លាយជាអាវុ.ធរបស់ឧក្រិ.ដ្ឋជនដែលបា.ញ់សម្លា.ប់មនុស្សនៅ ក្នុងទឹកដីកម្ពុជាយើងនោះទេ»។
ជាមួយគ្នានោះដែរ សម្តេចតេជោ ក៏បានលើកឡើងព្រះសង្ឃគ្រប់និយាយទាំងអស់មានតួនាទីធ្វើការអប់រំមនុស្ស ដើម្បីឲ្យគេយល់ដឹង និងប្រព្រឹត្តិអំពើល្អ។សម្តេចក៏បានអំពាវនាវដល់យុវជនដែលមានចំណេះវិជ្ជាយកចិត្តទុកដាក់លើការគ្រប់គ្រងផ្នែកបច្ចេកទេស។ដោយសារពួកភេវកម្ម ឬពួកជួញដូរគ្រឿងញៀ.ន និងផលិតគ្រឿងញៀ.ន មិនមែនជាពួកអវិជ្ជាមិនចេះអ្វីនោះទេ។សម្តេចក៏បានសង្កត់យ៉ាងដូច្នេះថា ៖«សូមប្រយ័ត្នកុំឲ្យយើងចេះបច្ចេកវិជ្ជាក្លាយជាភ្នាក់ងារ ឬក្លាយជាអ្នកបច្ចេកក្នុងការផលិតនូវឧបករណ៍ខុសច្បាប់ ដែលគេអាចផលិតតាមរយៈការនាំចូលវត្ថុធាតុដើម ឬច្នៃអ្វីៗផ្សេងធ្វើ»៕
ចែករំលែកព័តមាននេះ