Floyd បានចំណូលជាង២០លានដុល្លារ ក្រោយផ្ដួលកីឡាករជប៉ុនផុយៗ
ជប៉ុន ៖ កាលពីចុងសប្ដាហ៍កន្លងទៅ អ្នកប្រដាល់អាមេរិក Floyd Mayweather បានផ្ដួលកីឡាករ
ជប៉ុន ៖ កាលពីចុងសប្ដាហ៍កន្លងទៅ អ្នកប្រដាល់អាមេរិក Floyd Mayweather បានផ្ដួលកីឡាករ
ជប៉ុន ៖ កាលពីចុងសប្ដាហ៍កន្លងទៅ អ្នកប្រដាល់អាមេរិក Floyd Mayweather បានផ្ដួលកីឡាករជប៉ុន Mikuru Asakura ត្រឹមទឹកទីពីរក្នុងការប្រកួតបែបមិត្តភាពមួយនៅប្រទេសជប៉ុន។
ក្នុងការប្រកួតដែលមានត្រឹមតែ៣ទឹក Floyd បានម៉ាត់ Mikuru ចូលមុខពេញនៅចុងទឹក២ ធ្វើឲ្យអាជ្ញាកណ្ដាលរាប់ដល់១០បញ្ចប់ការប្រកួតតែម្ដង។ តាមពិតទៅ Mikuru ជាកីឡាករអាជីពគុនចម្រុះទេ ហើយនេះជាលើកដំបូងដែលគេមកប្រកួតបែបសកល។
ក្រោយបញ្ចប់ការប្រកួត Floyd ត្រូវបានគេដឹងថា ទទួលបានចំណូលពីការប្រកួតខាងលើ២១,៥លានដុល្លារឯណោះ ។ រឿងពិសេសមួយទៀតដែលគេចាប់អារម្មណ៍គឺ អតីតអ្នកប្រដាល់ជើងខ្លាំងរបស់អាស៊ី Manny Pacquiao ក៏បានទៅទស្សនាការប្រកួតរបស់ Floyd ក្នុងនាមជាភ្ញៀវកិត្តិយសផងដែរ។
បន្ទាប់ពីឈ្នះនិងរកលុយបានងាយៗ Floyd Mayweather បាននិយាយថា ៖ «ខ្ញុំសប្បាយចិត្តដែលពួកយើងអាចផ្ដល់ឲ្យអ្នកគាំទ្រនូវការប្រកួតដ៏រំភើប។ អរគុណដែលផ្ដល់ឱកាសឲ្យខ្ញុំមកទីនេះ។ ខ្ញុំនឹងត្រឡប់មកវិញម្ដងទៀត។ វីរបុរសផ្សេងទៀតក៏បានមកទីនេះដូចជា ម្ចាស់ខ្សែក្រវាត់ពិភពលោក៨ស្ថាប័នផ្សេងគ្នា Pacquiaoដែលជាម្ចាស់ជើងឯកដ៏អស្ចារ្យ» ៕
ចែករំលែកព័តមាននេះ