សោកនាដកម្ម! លិ.ចទូកក្បួនធម្មយាត្រា ស្លា.ប់ជិត៧០នាក់
បង់ក្លាដេស ៖ ក្រុមអ្នកជួយសង្គ្រោះនៅភាគខាងជើងប្រទេសបង់ក្លាដេស កាលពីថ្ងៃអង្គារ ទី ២៧
បង់ក្លាដេស ៖ ក្រុមអ្នកជួយសង្គ្រោះនៅភាគខាងជើងប្រទេសបង់ក្លាដេស កាលពីថ្ងៃអង្គារ ទី ២៧ កញ្ញា បានរកឃើញសាកស.ពបន្ថែមទៀតពីករណីលិ.ចទូកក្រុមធម្មយាត្រាហិណ្ឌូ បណ្តាលឱ្យអ្នកស្លា.ប់កើនឡើងដល់ចំនួន ៦៦នាក់។
មន្ត្រីបង់ក្លាដេសបាននិយាយថា មនុស្សយ៉ាងហោចណាស់ ១៥នាក់ទៀតមិនទាន់រាប់បញ្ជូលនោះទេ។ គ្រោះថ្នាក់ដ៏រន្ធ.ត់នោះកើតឡើងនៅក្នុងស្រុក Panchagarh កាលពីថ្ងៃអាទិត្យកន្លងទៅនេះ។
អ្នកធ្វើធម្មយាត្រាប្រហែល ១០០នាក់បានធ្វើដំណើរឆ្លងទន្លេ Karatoa ក្នុងតំបន់ Boda ដើម្បីប្រារព្ធពិធីបុណ្យសាសនានៅក្នុងប្រសាទមួយ ប៉ុន្តែមួយរំពេចនោះទូកដែលដឹកលើសចំណុះបានក្រឡា.ប់។
មុនពេលកើតហេតុ អ្នកនៅច្រាំងទន្លេបានស្រែកប្រាប់អ្នកបើកទូកឱ្យធ្វើដំណើរដោយប្រុងប្រយ័ត្ន។
សូមបញ្ជាក់ថា សហគមន៍ហិណ្ឌូ ដែលជាសហគមន៍ធំជាងគេបំផុតទី ២នៅក្នុងប្រទេសបង់ក្លាដេស កំពុងត្រៀមរៀបចំប្រារព្ធពិធីបុណ្យសាសនាដ៏ធំបំផុតមួយ Durga Puja នៅខែក្រោយ។
ប្រជាជនបង់ក្លាដេសប្រហែល ៨ភាគរយនៃចំនួនសរុប ១៦០លាននាក់កាន់សាសនាហិណ្ឌូ។
គ្រោះថ្នាក់តាមទូកតែងកើតមានឡើងក្នុងប្រទេសនេះដោយសារតែការធ្វើនាវាចរណ៍មិនបានល្អ ការជិះមនុស្សច្រើនខ្លាំងពេក និងការអនុវត្តច្បាប់មិនបានល្អ។ កាលពីឆ្នាំមុន សាឡាងមួយគ្រឿងបានលិ.ច បណ្តាលឱ្យមនុស្ស ៣៤នាក់ស្លា.ប់ ខណៈសាឡាងមួយគ្រឿងទៀតត្រូវភ្លើងឆេះ បណ្តាលឱ្យមនុស្ស ៣៩នាក់ស្លា.ប់៕ (យោងតាមប្រភព៖ AP)
ចែករំលែកព័តមាននេះ