ថៃអនុញ្ញាតការរំលូ.តកូនស្របច្បាប់សម្រាប់ស្ត្រីមានផ្ទៃពោះ២០សប្តាហ៍
ថៃនឹងអនុញ្ញាតិឱ្យមានការរំលូតកូនដោយស្របច្បាប់សម្រាប់ស្ត្រីមានផ្ទៃពោះ ២០សប្តាហ៍
ថៃនឹងអនុញ្ញាតិឱ្យមានការរំលូតកូនដោយស្របច្បាប់សម្រាប់ស្ត្រីមានផ្ទៃពោះ ២០សប្តាហ៍
ថៃ ៖ ថៃនឹងអនុញ្ញាតិឱ្យមានការរំលូ.តកូនដោយស្របច្បាប់សម្រាប់ស្ត្រីមានផ្ទៃពោះរហូតដល់ ២០សប្តាហ៍ ប៉ុន្តែត្រូវបំពេញតាមលក្ខណៈវិនិច្ឆ័យជាក់លាក់។ នេះបើយោងតាមការបញ្ជាក់របស់រដ្ឋាភិបាលកាលពីថ្ងៃអង្គារ ទី ២៧ កញ្ញា។
សេចក្តីប្រកាសរបស់រដ្ឋាភិបាលថៃនិយាយថា ការរំលូ.តកូនអាយុរហូតដល់ ២០សប្តាហ៍នឹងត្រូវអនុញ្ញាតិ ហើយវាមិនរាប់ជាឧក្រិ.ដ្ឋកម្មនោះទេ។
ពីមុន ការរលូ.តកូនជារឿងខុសច្បាប់ លើកលែងតែការមានគភ៌ដោយការចាប់រំលោ.ភ ឬគំរា.មកំហែងដល់អាយុជីវិតម្តាយ។ ការរំលូ.តកូនត្រូវរងការផាកពិន័យជាទឹកប្រាក់ ១០.០០០បាត (២៦៣ដុល្លារ) ឬជាប់គុករយៈពេល ៦ខែ ឬទាំងពីរ។
ប៉ុន្តែកាលពីខែកុម្ភៈឆ្នាំមុន មានការអនុញ្ញាតឱ្យរំលូកូនអាយុ ១២សប្តាហ៍។
សេចក្តីប្រកាសរបស់រដ្ឋាភិបាលបញ្ជាក់ថា ស្ត្រីចង់រំលូតកូនត្រូវពិគ្រោះជាមួយអ្នកប្រឹក្សាផ្នែកវេជ្ជសាស្ត្រដើម្បីឱ្យពួកគេមានព័ត៌មានទាំងអស់មុនពេលសម្រេចចិត្តរំលូ.តកូន។
អ្នកនាំពាក្យរងរដ្ឋាភិបាលលោកស្រី Traisuree Traisoranakul ថ្លែងប្រាប់សារព័ត៌មានក្នុងស្រុក Thai PBS ដូច្នេះថា ស្ត្រីដែលស្វែងរកការរំលូ.តកូនត្រូវទទួលបានការគោរព និងទំនុកចិត្ត។
អ្នកនាំពាក្យបញ្ជាក់ទៀតថា ស្ត្រីទាំងនោះត្រូវបានផ្តល់ជូននូវព័ត៌មានវេជ្ជសាស្ត្រទាំងអស់ ហើយមិនគួរប្រឈមនឹងសម្ពាធអំពីការសម្រេចចិត្តឡើយ។
ច្បាប់ថ្មីនឹងចូលជាធរមានក្នុងរយៈពេល ៣០ថ្ងៃបន្ទាប់ពីមានការផ្សព្វផ្សាយសេចក្តីជូនដំណឹង៕ (យោងតាមប្រភព៖ AFP)
ចែករំលែកព័តមាននេះ