បាតុកម្មនៅតែបន្ត ខណៈជប៉ុនកំពុងប្រារព្ធពិធីបុណ្យស.ពផ្លូវរដ្ឋលោក ស៊ីនហ្សូ អាបេ នាថ្ងៃនេះ
ជប៉ុន ៖ ប្រទេសជប៉ុននៅថ្ងៃទី២៧ ខែកញ្ញានេះ បានធ្វើការគោរពចុងក្រោយរបស់ខ្លួន នៅឯពិធី
ជប៉ុន ៖ ប្រទេសជប៉ុននៅថ្ងៃទី២៧ ខែកញ្ញានេះ បានធ្វើការគោរពចុងក្រោយរបស់ខ្លួន នៅឯពិធីបុណ្យស.ពរបស់លោក ស៊ីនហ្សូ អាបេ (Shinzo Abe) ជាមួយនឹងការដាក់បាច់ផ្កា រួមទាំងការបា.ញ់កាំភ្លើ.ងយ៉ាងអធិកអធមបំផុត។ ស្របពេលដែលការតវ៉ាប្រឆាំងនឹងពិធីបុណ្យស.ពផ្លូវរដ្ឋមួយនេះ ក៏បានបន្តនៅក្នុងទីក្រុងតូក្យូផងដែរ។ គួររំលឹកថា បុរសម្នាក់ដុ.តខ្លួនឯង ដើម្បីតវ៉ាប្រឆាំងនឹងពិធីបុណ្យស.ពផ្លូវរដ្ឋរបស់លោក អាបេ
លោក អាបេ ដែលជានាយករដ្ឋមន្ត្រីកាន់អំណាចយូរជាងគេបំផុតរបស់ជប៉ុន ត្រូវបានធ្វើឃា.តនៅឯការប្រមូលផ្តុំយុទ្ធនាការផ្សព្វផ្សាយមួយ កាលពីថ្ងៃទី៨ ខែកក្កដា ឆ្នាំ២០២២ កន្លងទៅ។ ពិធីនេះ បានចាប់ផ្តើមដោយលោកស្រី Akie Abe ភរិយារបស់លោក អាបេ បានកាន់កោដ្ឋដើរចូលទៅក្នុងសាល Nippon Budokan Arena ជាទីប្រារព្ធពិធី ព្រមទាំងវត្តមានមនុស្សប្រមាណជាង ៤,៣០០នាក់ ក្នុងនោះរួមមានទាំងសែរាជវង្សជប៉ុន ថ្នាក់ដឹកនាំជាតិ និងមេដឹកនាំពិភពលោកបានចូលរួមក្នុងពិធីបុណ្យស.ពផ្លូវរដ្ឋដ៏កម្រមួយនេះ។
ស្របពេលជាមួយគ្នានោះ គេបានឃើញបាតុកររាប់ពាន់នាក់បានប្រមូលផ្តុំគ្នាតវ៉ាប្រឆាំងនឹងពិធីបុណ្យសពលោក អាបេ ផងដែរ។ ដោយការតវ៉ាបានបន្តអស់រយៈពេលប្រហែល២ខែមកហើយ ដែលបានក្លាយជាបញ្ហាដ៏ធំមួយសម្រាប់នាយករដ្ឋមន្ត្រីជប៉ុនបច្ចុប្បន្ន លោក Fumio Kishida។
ការចំណាយលើពិធីបុណ្យស.ពផ្លូវរដ្ឋរបស់លោក អាបេ ត្រូវបានគេប៉ាន់ប្រមាណថា មានចំនួនប្រហែល ១២លានដុល្លារអាមេរិក។ ការចំណាយនេះ បានបង្កជាការខឹងសម្បារនៅក្នុងប្រទេសជប៉ុន ដោយពួកគេជឿថា ការប្រារព្ធពិធីដែលផ្តល់មូលនិធិដោយរដ្ឋសម្រាប់រដ្ឋាភិបាលដែលជំពាក់បំណុលគេយ៉ាងច្រើនរបស់ប្រទេសជប៉ុនគឺរឿងដ៏អយុត្តិធម៌បំផុត។ ដោយក្នុងនោះ រាប់បញ្ចូលទាំងការធ្វើឱ្យខូចខាតដល់ការចំណាយលើវិស័យការពារជាតិ ដែលត្រូវបានស្នើឡើងផងដែរ។
ក្រុមអ្នកតវ៉ាបានអះអាងថា ព្រឹត្តិការណ៍នេះ កំពុងប្រើប្រាស់ធនធានរបស់រដ្ឋដ៏មានតម្លៃ ដែលអាចប្រើប្រាស់សម្រាប់ការដឹកនាំឆ្ពោះទៅរកតម្រូវការដ៏ចាំបាច់បន្ថែមទៀតនៅពេលអនាគត៕ (ដកស្រង់ចេញពី Independent និង The Business Standard)
ចែករំលែកព័តមាននេះ