ដោយសារខ្វះការប្រុងប្រយ័ត្ន បុរសម្នាក់ត្រូវបានខ្សែចរន្តអគ្គីសនីឆក់ស្លា.ប់ភ្លាមៗនៅក្នុងបន្ទប់ទឹក ខណៈពេលចូលទៅបោ.កខោអាវ បង្កឱ្យមានការភ្ញាក់ផ្អើល
ខេត្តបាត់ដំបង ៖ ដោយសារខ្វះការប្រុងប្រយ័ត្ន បុរសម្នាក់ត្រូវបានខ្សែចរន្តអគ្គីសនីឆក់ស្លា.ប់ភ្លាមៗនៅក្នុងបន្ទប់ទឹក ខណៈពេលចូលទៅបោ.កខោអាវ បង្កឱ្យមានការភ្ញាក់ផ្អើលកាលពីវេលាម៉ោង៨និង១០នាទីព្រឹក ថ្ងៃទី២៧ ខែកញ្ញា ឆ្នាំ២០២២ ស្ថិតនៅក្នុងភូមិតាស៊ង ឃុំបាយដំរាំ ស្រុកបាណន់។
តាមរយៈរបាយការណ៍របស់អធិការស្រុកបាណន់ លោក ប៉ាន់ វ៉ាននី បានឱ្យដឹងថា ជនរងគ្រោះខាងលើមានឈ្មោះ មុយ វ៉ាន់ទី ភេទប្រុស អាយុ៣៤ឆ្នាំ រស់នៅចំណុចកើតហេតុ។
លោកអធិការស្រុកបាណន់ បានឱ្យដឹងបន្តថា ជនរងគ្រោះត្រូវខ្សែចរន្តអគ្គិសនីឆក់ បណ្ដាលឲ្យស្លា.ប់ភ្លាមៗនៅក្នុងបន្ទប់ទឹក ខណៈពេលរូបគាត់ចូលទៅបោ.កខោអាវ។ លោកអធិការបានបញ្ជាក់ថា បើតាមការបំភ្លឺពីក្រុមគ្រួសារ គឺជនរងគ្រោះបានត.ខ្សែភ្លើងចូលក្នុងបន្ទប់ទឹក តែដោយសារការធ្វេសប្រហែស ពេលនោះក៏ប៉ះចំតំណរខ្សែភ្លើង ទើបបណ្ដាលឲ្យឆក់តែម្ដង។
សាច់ញាតិជនរងគ្រោះ បានប្រាប់សមត្ថកិច្ចថា ជនរងគ្រោះបានត.ខ្សែភ្លើងចូលបន្ទប់ទឹក គឺដើម្បីសាកថ្មទូរស័ព្ទផង ចាក់បទចម្រៀងស្ដាប់ផង និងបោ.កខោអាវបណ្ដើរផង ប៉ុន្តែពេលនោះ ដោយមិនដឹងថា យ៉ាងម៉េច ស្រាប់តែប៉ះចំតំណរខ្សែភ្លើង ក៏ត្រូវចរន្តអគ្គិសនីឆក់ដេកស្ដូ.កស្ដឹ.ង និងស្លា.ប់ភ្លាមៗ ដោយមិនអាចជួយសង្គ្រោះបានឡើយ។
លោក ប៉ាន់ វ៉ាន់នី អធិការស្រុកបាណន់ បានបញ្ជាក់ប្រាប់ទៀតថា ជនរងគ្រោះបានស្លា.ប់ភ្លាមៗនៅនឹងកន្លែងកើតហេតុ។ ហើយមន្ត្រីជំនាញរបស់លោក ក៏បានចុះទៅកាន់ទៅនោះភ្លាមៗដែរ ដើម្បីពិនិត្យ និងធ្វើកោសល្យវិច័យ។ លោកថា នេះជាការធ្វេសប្រហែល ដែលជនរងគ្រោះត.ខ្សែភ្លើងមិនមានការប្រុងប្រយ័ត្ន ទើបបណ្ដាលឲ្យមានគ្រោះថ្នាក់ដល់អាយុជីវិតបែបនេះ៕
ចែករំលែកព័តមាននេះ