សំណុំរឿងស្ត្រីម្នាក់ស្លា.ប់ក្នុងឡានព្រូស សមត្ថកិច្ចតាមចាប់ជនសង្ស័យដល់ទឹកដីថៃ សង្ស័យស្នេហាចតុកោណ
- បាត់ដំបង
ខេត្តបាត់ដំបង ៖ សំណុំរឿង«ស្ត្រីម្នាក់ដេកស្លា.ប់នៅក្នុងរថយន្តព្រូស ដែលគេសង្ស័យជាអំពើឃា.ត
ខេត្តបាត់ដំបង ៖ សំណុំរឿង«ស្ត្រីម្នាក់ដេកស្លា.ប់នៅក្នុងរថយន្តព្រូស ដែលគេសង្ស័យជាអំពើឃា.ត
ខេត្តបាត់ដំបង ៖ សំណុំរឿង«ស្ត្រីម្នាក់ដេកស្លា.ប់នៅក្នុងរថយន្តព្រូស ដែលគេសង្ស័យជាអំពើឃា.តកម្ម» ត្រូវគេដឹកយកទៅប្លុងចោលនៅក្បែរផ្សារទំនើប«ភូពុយ» ស្ថិតក្នុងសង្កាត់អូរចា ក្រុងបាត់ដំបង កាលពីជាង១០ថ្ងៃមុន ពេលនេះត្រូវកម្លាំងការិយាល័យជំនាញ នៃស្នងការខេត្ត ធ្វើការស្រាវជ្រាវឃាត់ខ្លួនជនសង្ស័យបានហើយ កាលពីរសៀលថ្ងៃទី ២៥ កញ្ញា ខណៈជនសង្ស័យម្នាក់នេះ បានរត់ឆ្លងដែនដោយខុសច្បាប់ ទៅសំងំលាក់ខ្លួនក្នុងទឹកដីប្រទេសថៃ។ គួររំលឹកថា ចាប់បានហើយ! ជនដៃដល់សម្លា.ប់ស្ត្រីម្នាក់ក្នុងឡានព្រូស ប្លុងចោលក្រោយផ្សារភូពុយ ក្រុងបាត់ដំបង
សេចក្ដីរាយការណ៏បានឲ្យដឹងថា ជនសង្ស័យម្នាក់នេះឈ្មោះ មាស ពេជ្របរមី អាយុ២៨ឆ្នាំ រស់នៅភូមិភ្នំពេញថ្មី សង្កាត់ភ្នំពេញថ្មី ខ័ណ្ឌសែនសុខ រាជធានីភ្នំពេញ ។
តាមប្រភពពីសមត្ថកិច្ចបានឲ្យដឹងថា ជននេះត្រូវបានកម្លាំងការិយាល័យព្រហ្មទណ្ឌកំរិតធ្ងន់ នៃស្នងការខេត្ត សហការជាមួយមន្ត្រីអន្តោរប្រវែសន្តប្រចាំច្រកទ្វារអន្តរជាតិ«ដូង» ស្រុកកំរៀង និង សមត្ថកិច្ច នៃប្រទេសថៃ ផងធ្វើការឃាត់ខ្លួន នៅពេលជននេះកំពុងសំងំលាក់ខ្លួនដោយខុសច្បាប់នៅក្នុងទឹកដី នៃប្រទេសថៃ «ផ្សារឡែម»។
បើតាមសមត្ថកិច្ចបានបញ្ជាក់ថា ជននេះត្រូវបានកំណត់មុខសញ្ញាជាជនសង្ស័យ តាំងពីថ្ងៃដំបូងដែលជាប់ពាក់ព័ន្ធនៅក្នុងសំណុំរឿងប្រព្រឹត្តអំពើ«ឃា.តកម្ម»ទៅលើស្ត្រីម្នាក់ ដែលគេប្រទះឃើញស្លា.ប់នៅក្នុងរថយន្តព្រូស។ ប៉ុន្តែក្រោយពីដឹកសាកស.ពស្ត្រីរងគ្រោះយកទៅប្លុងចោលទាំងរថយន្តផងនៅម្ដុំផ្សារទំនើប«ភូពុយ» ជននេះបានព្យាយាមគេចខ្លួនទៅតំបន់ព្រំដែនខ្មែរ ថៃ។ ជននេះគ្មានប័ណ្ណឆ្លងដែនទេ តែពេលទៅដល់ស្រុកកំរៀង ជននេះបានទិញសំបុតឆ្លងដែនចូលទឹកដីថៃ តាមច្រកអន្តរជាតិ«ដូង»។ លុះទៅដល់ផ្សារឡែមខាងភាគីថៃ ជននេះបានសំងំលាក់ខ្លួននៅទីនោះរហូត ខណៈសំបុតឆ្លងដែនមានអាយុកាលត្រិមតែមួយថ្ងៃប៉ុណ្ណោះ។
សូមរំលឹកថា កាលពីយប់ថ្ងៃទី ១៤ កញ្ញា ប្រជាពលរដ្ឋបានប្រទះឃើញស្ត្រីម្នាក់ដេកស្លា.ប់នៅក្នុងរថយន្តម៉ាកព្រូស ពណ៏ទឹកប្រាក់ពាក់ស្លាកលេខ ភ្នំពេញ 2BQ-1371 ដែលចតនៅក្នុងក្បែរផ្សារទំនើប«ភូពុយ»ស្ថិតក្នុងភូមិអញ្ចាញ សង្កាត់ើអូរចា ក្រុងបាតំបង ដែលមានស្ថានភាពធំក្លិនស្អុយទៅហើយ។ មនុស្សជាច្រើនបានភ្ញាក់ផ្អើលទៅចោមរោមមើលសាកស.ពនោះ នៅពេលប្រទះឃើញភ្លាមៗ។
សមត្ថកិច្ចបានផ្លំបេចងខ្សែព័ទ្ធទុកពេញមួយយប់ រហូតដល់ព្រឹកថ្ងៃបន្ទាប់ ទើបមន្ត្រីបច្ចេកទេស និង គ្រូពេទ្យជំនាញចុះពិនិត្យ និង ធ្វើកោសល្យវិច័យលើសាកស.ព ខណៈក្រុមគ្រួសារជនរងគ្រោះក៏បានមកដល់កន្លែងកើតហេតុផងដែរ។
ក្រុមគ្រួសារស្ត្រីរងគ្រោះបានប្រាប់ថា ស្ត្រីរងគ្រោះឈ្មោះ ឌីម សោភា អាយុ៣៤ឆ្នាំ រស់នៅភូមិត្រពាំងជើង សង្កាត់ក្រាំងធ្នង់ ខ័ណ្ឌសែនសុខ រាជធានីភ្នំពេញ។
បើតាមក្រុមគ្រួសារបានប្រាប់សមត្ថកិច្ចថា ជនរងគ្រោះបានចេញពីផ្ទះកាលពីថ្ងៃទី ១១ កញ្ញា ហើយក៏បានដំណឹងឈឹងតាំងពីពេលនោះរហូតមក សូម្បីទូរស័ព្ទក៏ទាក់ទងមិនបានដែរ លុះនៅយប់ថ្ងៃទី ១៤ កញ្ញា ក៏ទទូលដំណឹងដ៏អកុសលនេះតែម្ដង។ លទ្ធផល នៃការធ្វើកោសល្យវិច័យ មន្ត្រីជំនាញបានអះអាងជាបឋមថា ជនរងគ្រោះទំនងត្រូវឃា.តកកាច់កបំបាក់រហូតដល់ស្លា.ប់ រួចអូសសាកស.ពទុកនៅកៅអីក្រោយ រួចបើកដឹកទាំងសាកស.ព ទាំងរថយន្តយកទៅប្លុងចោលនៅក្បែរផ្សារទំនើប«ភូពុយ» ក្នុងក្រុងបាត់ដំបង តែម្ដង។
ពាក់ព័ន្ធនឹងចម្លើយសារភាពរបស់ជនសង្ស័យឈ្មោះ មាស ពេជ្របូរមី ក្រោយពេលត្រូវចាប់ខ្លួនបញ្ជូនដល់ស្នងការខេត្ត។
លោក លឹម ពុទ្ធីឡា ស្នងការរង ដែលបានថ្លែងប្រាប់កោះសន្តិភាព តាមទូរស័ព្ទនៅព្រឹកថ្ងៃទី ២៦ កញ្ញាថា ជនសង្ស័យបានសារភាពទទួលស្គាល់កំហុសដែលខ្លួនបានប្រព្រឹត្តទៅលើជនរងគ្រោះនោះហើយ។
លោកស្នងការរង បានស្រង់ចម្លើយជនសង្ស័យថា «ខ្ញុំពិតជាបានសម្លា.ប់ស្ត្រីរងគ្រោះមែន ដោយច្របាច់កសម្លា.ប់នាងនៅក្នុងរថយន្តនៅពេលផ្ទុះជម្លោះ ដោយសាររឿងប្រច័ណ្ឌ»។
លោក លឹម ពុទ្ធីឡា បានបញ្ជាក់ថា បើតាមយោងលើចម្លើយសារភាពរបស់ជនសង្ស័យ ករណីឃា.តកម្មទៅលើស្ត្រីរងគ្រោះនេះ ទំនងផ្ដើមចេញពីរឿង«ស្នេហាត្រីកោណ ឬ អាចឈានដល់ស្នេហាចតុកោណកែង»ទៀតផង។ ត្រង់វគ្គប្រច័ណ្ឌនេះ បើតាមប្រភពពីសមត្ថកិច្ចដែរ ដែលបានស្ដាប់ចម្លើយសារភាពរបស់ជនសង្ស័យយ៉ាងហូរហែ បានប្រាប់កោះសន្តិភាពថា បើយោងលើចម្លើយសារភាពរបស់ជនសង្ស័យ គេអាចធ្វើការសន្និដ្ឋានជាបឋមបានថា អំពើ«ឃា.តកម្ម»នេះអាចផ្ដើមចេញពីរឿង«ស្នេហាចតុកោណកែង»។
ជនសង្ស័យម្នាក់នេះ បាននិយាយប្រាប់សមត្ថកិច្ចថា ខ្លួនបានលួចទំនាក់ទំនងស្នេហាជាមួយស្ត្រីរងគ្រោះ ដែលមានស្វាមីនិងមានកូន២នាក់រួចទៅហើយ។ នៅយប់កើតហេតុ ខ្លួនបានដឹងថា នាងបានទៅចូលរួមខួបកំណើតគេ ដែលមានបុរសម្នាក់ផ្សេងទៀត រួមដំណើរជាមួយនាងនៅក្នុងរថយន្តផង។ ប្រភពបានស្រង់ចម្លើយជននេះដោយសង្ខេបថា ពេលខ្លួនឃើញដូច្នេះក៏កើតរោគប្រច័ណ្ឌនាង ទៅនឹង បុរសនោះយ៉ាងខ្លាំង ហើយបានជិះម៉ូតូដេញតាមកាត់រថយន្តនាងឲ្យឈប់ រួចយកសោរថយន្តពីបុរសដែលបើកជូននាងនោះ មកបើកដឹកនាងវិញ។ ពេលនោះខ្លួននិងនាងបានឈ្លោះប្រកែកគ្នាយ៉ាងខ្លាំង នៅក្នុងរថយន្ត ខ្លួនទ្រាំមិនបានក៏ប្រើហិ.ង្សាប្រតាយប្រតប់គ្នា ខ្លួនក៏ច្របាច់កនាងរហូតដល់ស្លា.ប់តែម្ដង។
ជនសង្ស័យបានសារភាពបន្តថា នៅពេលដឹកថា នាងស្លា.ប់ ខ្លួនក៏ទាញនាងឲ្យដេកនៅកៅអីក្រោយ ហើយខ្លួនបានយកទូរស័ព្ទនាងទៅលក់យកប្រាក់ចាក់សាំងរថយន្តដឹកស.ពនាងយកទៅប្លុងចោលជាមួយនឹងរថយន្តរបស់នាង នៅក្បែរផ្សារទំនើប«ភូពុយ» នៅក្នុងក្រុងបាត់ដំបង។ ក្រោយពីទុកដាក់រថយន្តនិងសពនាងរួច ខ្លួនក៏ដកយកចិញ្ចៀននាងមួយវង់ទៀត រួចធ្វើដំណើរទៅស្រុកកំរៀង ហើយឆ្លងដែនតាមច្រកទ្វារអន្តរជាតិ«ដូង» ចូលទៅទឹកដីថៃ តែដោយខ្លួនពុំមានលិខិតឆ្លងដែន ទើបខ្លួនមិនអាចចេញទៅណាឆ្ងាយ សំងំនៅតែក្នុង«ផ្សារឡែម» ខាងទឹកដីថៃ រហូតនៅថ្ងៃទី២៥ កញ្ញា ក៏ត្រូវសមត្ថកិច្ចថៃ និងខ្មែរ ចាប់ខ្លួនបានតែម្តង។
លោក លឹម ពុទ្ធីឡា ស្នងការរង បាននិយាយថា ក្រោយពីកើតហេតុ ដោយមានកិច្ចសហការពីក្រុមគ្រួសារជនរងគ្រោះផង ទើបកម្លាំងជំនាញឈានដល់ការកំណត់មុខសញ្ញាជនសង្ស័យខាងលើនេះបានជាក់លាក់ និង តាមស្រាវជ្រាវដល់ព្រំដែន រហូតឈានដល់ការឃាត់ខ្លួនជននេះតែម្ដង។ ចំពោះវត្ថុតាង ដែលបាត់បង់ កម្លាំងជំនាញ បានដកហូតចិញ្ចៀនជនរងគ្រោះពីជនសង្ស័យបានមកវិញ រីឯទូរស័ព្ទត្រូវជនសង្ស័យយកទៅលក់បាត់ទៅហើយ។ យ៉ាងណាក្ដី ជុំវិញសំណុំរឿងនេះ លោកស្នងការរង បានបញ្ជាក់ថា បើយោងលើចម្លើយសារភាព ការស្លា.ប់របស់ស្ត្រីរងគ្រោះ ពិតជាអំពើ«ឃា.តកម្ម» មែន ដែលអាចផ្ដើមចេញពីរឿងលួចទំនាក់ទំនងស្នេហា ខណៈភាគីរងគ្រោះមានស្វាមីនិងមានកូនពីរនាក់រួចទៅហើយ៕
ចែករំលែកព័តមាននេះ