អ្នកណាមិនស្គាល់នៅតារាសម្ដែងស្រី ដែលមានភាពល្បីល្បាញលេចធ្លោតាំងពីក្មេងរហូតមកដល់បច្ចុប្បន្ននេះ នោះគឺកញ្ញា Baifern Pimchanok ដែលកំពុងតែទទួលបាននៅការគាំទ្រប្រជាប្រិយភាពសន្ទុះកាន់តែហក់ឡើងខ្លាំងជាលំដាប់ពីមួយថ្ងៃទៅមួយថ្ងៃ មិនតែប៉ុណ្ណោះគេតែងតែ
ប្រទេសថៃ ៖ អ្នកណាមិនស្គាល់នៅតារាសម្ដែងស្រី ដែលមានភាពល្បីល្បាញលេចធ្លោតាំងពីក្មេងរហូតមកដល់បច្ចុប្បន្ននេះ នោះគឺកញ្ញា Baifern Pimchanok ដែលកំពុងតែទទួលបាននៅការគាំទ្រប្រជាប្រិយភាពសន្ទុះកាន់តែហក់ឡើងខ្លាំងជាលំដាប់ពីមួយថ្ងៃទៅមួយថ្ងៃ មិនតែប៉ុណ្ណោះគេតែងតែនាំគ្នាសង្កេតឃើញថា តារាស្រីស្រស់រូបនេះ តែងតែស្និទ្ធស្នាលមានភាពផ្អែមល្ហែមជាមួយនឹងតារាប្រុសដ៏ល្បីប្រចាំប៉ុស្តិ៍លេខ៣ ថៃ រូបស្រស់មួយរូបនោះ គឺលោក Nine Naphat មិនដែលដាច់ និងលស់មួយថ្ងៃនោះឡើយ ជាហេតុធ្វើអោយអ្នកគាំទ្រជាច្រើនចាប់ក្រសែភ្នែកសម្លឹងមើលមិនដាក់ភ្នែកគ្តប់ៗគ្នា។
ទន្ទឹមនឹងនោះផងដែរ បើតាមរយៈទំនាក់ទំនងមានចំពោះគ្នាទៅវិញទៅមក និងសកម្មភាពទង្វើដ៏ស្និទ្ធស្នាលរបស់គូតារាប្រុសស្រីរបស់អ្នកទាំងពីររូបនេះ រហូតមហាជនក៏ដូចជាអ្នកគាំទ្រមិនតិចនាក់ដាក់ការសង្ស័យព្រោងព្រាតបែបនេះថា «អ្នកទាំងពីរប្រហែលជាលួចបង្កាត់ភ្លើងស្នេហ៍ លួចលាក់ជាមួយគ្នាហើយមើលទៅ» «បើស្រលាញ់គ្នាពិតប្រាកដមែន ចាំបាច់លាក់ហ្វេនៗធ្វើអី មិនព្រមប្រាប់អោយត្រង់ៗមក»។
ជាក់ស្ដែង អ្វីដែលធ្វើអោយមហាជនស្រឡាំងកាំងគាំងនិយាយមិនចេញសាជាថ្មីៗម្ដងទៀត ហើយគ្រប់គ្នារឹតកាន់តែលួចច្រណែនមិនស្ទើរសម្រាប់គូតារាប្រុសស្រីមួយគូនេះ លើសដើមទៅវិញនោះ ខណៈពេលបានឃើញអ្នកទាំងពីរ ព្រមទាំងម៉ាក់របស់តារាប្រុសលោក Nine Naphat បានដឹងដៃគ្នាហោះទៅកម្សាន្តនៅឯក្រៅប្រទេស មើលទៅដូចជាមានក្ដីសុខសុភមង្គលយ៉ាងរីករាយតែម្ដង។
មិនទុកចាំយូរ បន្ទាប់ពីបានឃើញតារាស្រីប្រចាំប្រទេសថៃ កញ្ញា Baifern Pimchanok និងតារាប្រុសរូបស្រស់សង្ហាមុខមាត់មានមន្តស្នេហ៍ខ្ពស់ស្រឡះ លោក Nine Naphat មានភាពស្និទ្ធស្នាលគ្នា និងផ្អែមល្ហែមគ្នាខ្លាំងពេក ទ្រាំលែងបានដល់ថ្នាក់ធ្វើឱ្យអ្នកគាំទ្រជាច្រើនដែលនិយមលេងនៅក្នុងបណ្ដាញសង្គមទាំងក្នុងហ្វេសប៊ុក និងក្នុង IG នាំគ្នាញញឹមបិទមាត់មិនជិតនោះឡើយ ។
ព្រោះកន្លងមក គ្រប់គ្នាតែងតែចាប់គូឱ្យអ្នកទាំងពីរសាកស្រឡាញ់គ្នាមើលចិត្តគ្នា ដោយសារតែអ្នកទាំងពីរសាកសមគ្នាខ្លាំងពេក មិនថាជុំវិញរូបភាពស្និទ្ធស្នាល និងផ្អែមល្ហែមទាំងអស់ នេះហើយបានជាធ្វើឱ្យមហាជណជាច្រើនមិនអស់ចិត្ត រហូតកើតទៅជាមន្ទិលសង្ស័យបោះសម្តីលើកឡើងចំៗបែបនេះថា «តើអ្នកទាំងពីរមានទំនាក់ទំនងលើសពីមិត្ត ឬយ៉ាងណា? បានជាឃើញស្និទ្ធស្នាលគ្នាហួសការរំពឹងទុកបែបនេះ»។
យ៉ាងណាមិញ ជុំវិញមានមន្ទិលសង្ស័យមិនឈប់ឈររវាងតារាប្រុសស្រីពីររូបនេះភ្លាម ស្រាប់តែម្តាយរបស់តារាប្រុស លោក Nine Naphat បានចេញមុខមកបង្ហោះរូបភាពខ្លួនជុំកូនៗប៉ុន្មានសន្លឹក ដោយបានភ្ជាប់ជាមួយសារសរសេររៀបរាប់យ៉ាងចាក់ដោតចំៗយ៉ាងដូច្នេះថា «ពួកគេជាមិត្តនឹងគ្នាពិតមែន ព្រោះប្រសិនបើ friend zone ចូលមកហើយ ដូចពិបាកដកណាស់»៕
ចែករំលែកព័តមាននេះ