ចំនួនភ្ញៀវទេសចរ និងបងប្អូនប្រជាពលរដ្ឋខេត្តសៀមរាប បាននាំគ្នាដើរលេងកម្សាន្តតាមរមណីយដ្ឋាននានាក្នុងខេត្តសៀមរាប នាថ្ងៃបុណ្យភ្ជុំបិណ្ឌប្រពៃណីជាតិឆ្នាំ២០២២ នេះ មានចំនួនប្រមាណ ១៤៣.៤៧០ នាក់ ក្នុងនោះ ទេសចរជាតិ និងបងប្អូនប្រជាពលរដ្ឋក្នុងខេត្តសៀមរាប មានចំនួន
ខេត្តសៀមរាប ៖ បើយោងតាមរបាយការណ៍របស់មន្ទីរទេសចរណ៍ខេត្តសៀមរាប បានប្រាប់ឱ្យដឹងថា ចំនួនភ្ញៀវទេសចរ និងបងប្អូនប្រជាពលរដ្ឋខេត្តសៀមរាប បាននាំគ្នាដើរលេងកម្សាន្តតាមរមណីយដ្ឋាននានាក្នុងខេត្តសៀមរាប នាថ្ងៃបុណ្យភ្ជុំបិណ្ឌប្រពៃណីជាតិឆ្នាំ២០២២ នេះ មានចំនួនប្រមាណ ១៤៣.៤៧០ នាក់ ក្នុងនោះ ទេសចរជាតិ និងបងប្អូនប្រជាពលរដ្ឋក្នុងខេត្តសៀមរាប មានចំនួនប្រមាណ ១៤០.០០០ នាក់ (ភ្ញៀវទេសចរមកពីតាមបណ្តាខេត្ត មានចំនួនប្រមាណ ៥៥-៦០% ស្មើនឹងប្រមាណជា ៧០.០០០- ៨០.០០០នាក់) ដែលធ្វើដំណើរកម្សាន្តជាលក្ខណៈគ្រួសារទៅកាន់រមណីយដ្ឋានដូចជា ៖
១- រមណីយដ្ឋានអង្គរ មានចំនួនប្រមាណ ៨៥.០០០ នាក់។ ២- រមណីយដ្ឋានឧទ្យានជាតិភ្នំគូលែន មានចំនួនប្រមាណ ៤.៦០០ នាក់។ ៣- តំបន់ទន្លេសាប មានចំនួនប្រមាណ ១.៥០០០ នាក់។ ៤- សហគមន៍ទេសចរណ៍-អេកូទេសចរណ៍ និងតំបន់ផ្សេងៗមានចំនួនប្រមាណ ៣៥.៤០០ នាក់។ ភ្ញៀវទេសចរបរទេសផ្ទៃក្នុង មានចំនួន ៣.៤៧០ នាក់។
បើតាមប្រភពពីអ្នកទេសចរ ដែលមកពីតាមបណ្តាខេត្ត បានសម្ដែងការសប្បាយរីករាយក្នុងការដើរកំសាន្ដនៅរមណីយដ្ឋានអង្គរ នាពិធីបុណ្យភ្ជុំបិណ្ឌឆ្នាំ២០២២ បន្ទាប់ពីខកខានអស់រយៈពេល២ឆ្នាំកន្លងទៅ ដោយសារវិបត្តិ នៃការរីករាលដាលជំងឺកូវីដ-១៩។ ហើយដំណើរកំសាន្ដបានសប្បាយនាឆ្នាំនេះ បង្ហាញឱ្យឃើញថា រាជរដ្ឋាភិបាល បានយកចិត្ដទុកដាក់ខ្ពស់ចំពោះផ្លូវថ្នល់ ព្រោះពីមួយឆ្នាំទៅមួយឆ្នាំ ដើម្បីងា.យស្រួលធ្វើដំណើរទេសចរណ៍ទៅមកដោយរលូន។
អ្នកទេសចរក៏បានលើកឡើងដូចៗគ្នាទៀតថា ពួកគាត់ដើរកំសាន្ដជាច្រើនកន្លែង ជាពិសេសនៅប្រាសាទអង្គរ មានការជួយសម្រួលសណ្ដាប់ធ្នាប់ល្អពីមន្ដ្រីសណ្តាប់ធ្នាប់ ចរាចរណ៍ និង អាជ្ញាធរជាតិអប្សរា ខណៈពេលដែលអ្នកដំណើរកំសាន្ដនៅប្រាសាទអង្គរវត្ដ នាឆ្នាំនេះកើនឡើងគួរឱ្យកត់សម្គាល់។
អ្នកទេសចរបន្ដថា ការកំសាន្ដនៅខេត្ដសៀមរាប មានកន្លែងទស្សនាជាច្រើន ដែលរំពឹងថា ប្រជាពលរដ្ឋនៅមូលដ្ឋាន ទទួលបានចំណូលច្រើនពីវិស័យទេសចរណ៍នេះផងដែរ។ អ្នកទេសចរ ធ្វើដំណើរទៅទស្សនាច្រើន និងសប្បាយរីករាយ ដោយសារប្រទេសជាតិមានសន្ដិភាព និងមានការអភិវឌ្ឍផ្នែកជីវភាព ទើបធ្វើឱ្យមានកំណើននូវវិស័យទេសចរណ៍នេះ។
យោងតាមរបាយការណ៍របស់នាយកដ្ឋានទេសចរណ៍ វប្បធម៌ នៃអាជ្ញាធរជាតិអប្សរា បានបង្ហាញថា អ្នកទេសចរជាតិ និងអន្ដរជាតិ មកទស្សនារមណីយដ្ឋានអង្គរ និងរមណីយដ្ឋាននានាក្នុងខេត្ត មានចំនួនប្រមាណ ៧៤,៦៨០នាក់ នាពិធីបុណ្យភ្ជុំបិណ្ឌប្រពៃណីខ្មែរ ក្នុងរយៈពេល២ថ្ងៃនេះ ចាប់ពីថ្ងៃទី២៤ ដល់ថ្ងៃទី២៥ ខែកញ្ញា ឆ្នាំ២០២២នេះ។
សូមបញ្ជាក់ថា លំហូរនៃទេសចរណ៍ ដែលបានចូលមកទស្សនាប្រាសាទអង្គរនេះ បានបង្ហាញថា វិស័យទេសចរណ៍ចាប់ផ្តើមងើបឡើងវិញ បន្ទាប់ពីខកខានអស់រយៈពេល២ឆ្នាំកន្លងទៅ ដោយសារជំងឺកូវីដ-១៩ វា.យលុកយ៉ាងខ្លាំង ដែលធ្វើឱ្យប្រជាពលរដ្ឋ ក៏ដូចជា អាជីវករ និង អាជីវកម្ម គ្មានចំណូលគ្រប់គ្រាន់ផងដែរ៕
ចែករំលែកព័តមាននេះ