នៅផ្សារត្រីសោះថ្លើមធំណាស់ ! ហ៊ានប្លន់ទៀត លោកចោរ !
រាជធានីភ្នំពេញ ៖ នៅវេលាម៉ោង៧ និង១០នាទី យប់ថ្ងៃទី២៨ ខែកុម្ភៈ ឆ្នាំ២០១៧នេះ ស្ថិតក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ មុខរោងចក្រអាមេរិកកាំង
រាជធានីភ្នំពេញ ៖ នៅវេលាម៉ោង៧ និង១០នាទី យប់ថ្ងៃទី២៨ ខែកុម្ភៈ ឆ្នាំ២០១៧នេះ ស្ថិតក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ មុខរោងចក្រអាមេរិកកាំង
រាជធានីភ្នំពេញ ៖ នៅវេលាម៉ោង៧ និង១០នាទី យប់ថ្ងៃទី២៨ ខែកុម្ភៈ ឆ្នាំ២០១៧នេះ ស្ថិតក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ មុខរោងចក្រអាមេរិកកាំង ជាប់ផ្លូវវេងស្រេង។ មានករណីប្លន់មួយ ដែលចោរប្រដាប់ដោយអាវុធខ្លី១ដើម មានគ្នា៣នាក់ បានប្លន់ម៉ូតូ១គ្រឿងពីនារីម្នាក់ដែលកំពុងឈប់ទិញត្រីបានសម្រេច ហើយគេចខ្លួនបាត់ស្រមោល។ តាមសម្ដីនារីរងគ្រោះបានប្រាប់ថា នាងឈ្មោះ ស៊ីម ចាន់ណា អាយុ៣០ឆ្នាំ ធ្វើការរោងចក្រ ស្នាក់នៅភូមិឃុំកើតហេតុខាងលើ។
មានស្រុកកំណើតនៅភូមិផ្ទះកណ្ដាល ឃុំផ្ទះកណ្ដាលលើ ស្រុកស្រីសន្ធរ ខេត្តកំពង់ចាម ហើយម៉ូតូដែលចោរប្លន់យកទៅបាត់នោះ ម៉ាកហុងដាឌ្រីម សេ១២៥ ពណ៌ខ្មៅ ស៊េរី២០១៤ ពាក់ស្លាកលេខ ភ្នំពេញ ១..-៧៧០៤។ នារីរងគ្រោះបានបន្តថា នៅមុនពេលកើតហេតុ នាងបានចេញពីធ្វើការរោងចក្រ ហើយចូលផ្សារទិញម្ហូបជាមួយកូនក្រុមដែលធ្វើការជាមួយគ្នា នៅមុខរោងចក្រអាមេរិកាំង តែនាងមិនចុះពីលើម៉ូទេគឺឲ្យកូនក្រុមជាអ្នកចូលទិញម្ហូបប៉ុណ្ណោះ។
បន្ទាប់មកនាងក៏បានទិញត្រីក្បែរនោះ នៅពេលអ្នកលក់ហុចត្រីឲ្យ ដៃម្ខាងឈោងទៅយកត្រី ដៃម្ខាងកាន់ម៉ូតូ ខណៈនោះស្រាប់តែមានជនសង្ស័យ៣នាក់ ដើរមកឈប់ក្បែរនាង ហើយបុរសម្នាក់បានដកកាំភ្លើងខ្លី១ដើមភ្ជង់នាងពីក្រោយ ហើយបក្ខពួកម្នាក់ទៀត អូសយកម៉ូតូនាងចេញ តែនាងមិនហ៊ានស្រែកឲ្យគេជួយឡើយព្រោះជនសង្ស័យកំពុងតែភ្ជង់ជាប់។ ក្រោយមកបក្ខពួកជនសង្ស័យម្នាក់ទៀតបានយកម៉ូតូ១គ្រឿងទៀត មកឌុបជនសង្ស័យដែលភ្ជង់នាងជិះគេចខ្លួនបាត់ ទើបនាងស្រែកឆោរឡោឲ្យអ្នកជិតខាងជួយ។
ភ្លាមៗនោះដែរ នារីរងគ្រោះបានធ្វើដំណើរទៅកាន់ប៉ុស្ដិ៍នគរបាល ចោមចៅ ដើម្បីដាក់ពាក្យបណ្ដឹងឲ្យសមត្ថកិច្ចជួយស្វែងរក។ ក្រោយពីនារីរងគ្រោះបានដាក់ពាក្យបណ្ដឹង សមត្ថកិច្ចនគរបាលបានចុះល្បាតភ្លាមៗ ដើម្បីស្វែងរកម៉ូតូដែលបាត់នោះ ក៏បានប្រទះនូវម៉ូតូ១គ្រឿង មានភិនភាគដូចម៉ូតូដែលនារីរងគ្រោះដែលបាត់ តែអត់មានស្លាកលេខ។ នោពេលដែលនគរបាលនាំនារីរងគ្រោះ ទៅមើលស្ថានភាពម៉ូតូ និងភិនភាគពិតប្រាកដ នារីរងគ្រោះឆ្លើយថាមិនមែនជាម៉ូតូរបស់ខ្លួនដែលបាត់ឡើយ។
សមត្ថកិច្ចក៏ស្វែងរកម្ចាស់ម៉ូតូដែលបានល្បាតឃើញនេះ មកទទួលយកវិញ ហើយម្ចាស់ម៉ូតូនេះបានបាត់ដែរ ម៉ូតូនេះរូបគេទើបតែនឹងទិញ អត់ទាន់បានធ្វើស្លាកលេខ។ ចំណែកឯនារីរងគ្រោះដែលត្រូវ ចោរប្លន់យកម៉ូតូទៅបាត់នោះ ក៏បានតម្កល់ពាក្យបណ្ដឹងនៅប៉ុស្ដិ៍នគរបាលចោមចៅ ដើម្បីឲ្យសមត្ថកិច្ចជួយស្វែងរកបន្ត៕
ចែករំលែកព័តមាននេះ