ខេត្តបាត់ដំបង ៖ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង សូមគោរពជម្រាបជូនសាធារណជន អ្នកសារព័ត៌មាន និងបងប្អូនអ្នកនិយមប្រើប្រាស់បណ្តាញសង្គមបានជ្រាបថា ថ្មីៗនេះមានអ្នកនិយមប្រើប្រាស់បណ្តាញសង្គមបានពិនិត្យឃើញ និងផ្ញើរូបភាពមកកាន់ក្រុមការងារយើងខ្ញុំជាបន្តបន្ទាប់ ខណៈដែលគាត់បានប្រទះឃើញឃ្លីបវីដេអូដែលបង្ហោះរៀបរាប់ពីការជួយសង្គ្រោះសត្វ ក្នុងខណៈដែលម្ចាស់វីដេអូបានរៀបចំថតសំដែងនូវសកម្មភាពជាចេតនាសង្ក្រោះតែបង្កប់នូវធ្វើទិដ្ឋភាពជាទារុ.ណ្ឌកម្មលើ(សត្វសុនខ)ទាំងនោះក្នុងបំណង ដើម្បីទាក់ទាញការចូលមើលពីអ្នកលេងបណ្តាញសង្គមឱ្យបានច្រើនតែប៉ុណ្ណោះ។
ក្នុងទិដ្ឋភាពបែបនេះ ត្រូវបានមហាជនខ្លះរួមទាំងជនជាតិបរទេសខ្លះលោកវាយតម្លៃមិនល្អចំពោះទង្វើរបស់ម្ចាស់វីដេអូខាងលើ និងបានស្នើសុំឱ្យសមត្ថកិច្ចពាក់ព័ន្ធជួយស្រាវជ្រាវ និងមានវិធានការចំពោះម្ចាស់វីដេអូខាងលើនេះ។
ដោយសារក្នុងរូបភាពនោះបានបង្ហាញនូវរូបស្រី្តម្នាក់ដែលជាអ្នកស្ថិតនៅក្នុងសកម្មភាពមួយនេះហើយជិះម៉ូតូម៉ាក C125 ព៌ណខ្មៅ ពាក់ស្លាកលេខបាត់ដំបង 1AE- 0585 ដែលមហាជនគិតថា ស្ត្រីរូបនេះអាចជាអ្នករស់នៅក្នុងខេត្តបាត់ដំបង។
ដើម្បីមានមូលដ្ឋានក្នុងការស្វែងរកម្ចាស់វីដេអូនេះសូមមហាជនទូទៅ ពិសេសអ្នកប្រើប្រាស់បណ្តាញសង្គម មេត្តាផ្តល់ព័ត៌មានមកកាន់យើងខ្ញុំតាមរយៈប្រអប់សារផេក Inbox Page ចំពោះអត្តសញ្ញាណម្ចាស់ម៉ូតូនេះ ដើម្បីក្រុមការងារបានទំនាក់ទំនងធ្វើការសាកសួរស្រាវជ្រាវចំពោះករណីដែលបានកើតឡើង។
ដូចបានជម្រាបជូនខាងលើ សូមសាធារណជន អ្នកសារព័ត៌មាន និងបងប្អូនអ្នកនិយមប្រើប្រាស់បណ្តាញសង្គមមេត្តាជ្រាប និងសូមបន្តចូលរួមសហការជាមួយសមត្ថកិច្ចនគរបាលដោយភាតរភាពបំផុត សូមអរគុណ៕
ចែករំលែកព័តមាននេះ