បន្ទាយមានជ័យ ៖ ដាក់កម្លាំងការពារចំណុចទឹកហូរកាត់ផ្លូវបានជួយសង្គ្រោះប្រជាពលរដ្ឋដែលជិះម៉ូតូឆ្លងកាត់រហាត់តាមទឹកជួយបាន៥ទៅ៦គ្រឿង និងកុមារាម្នាក់ នៅថ្ងៃទី២៣ ខែកញ្ញា ឆ្នាំ២០២២ នៅភូមិឃុំស្រះជីក ស្រុកភ្នំស្រុក។ លោកវរៈសេនីយ៍ត្រី…
បន្ទាយមានជ័យ ៖ ដាក់កម្លាំងការពារចំណុចទឹកហូរកាត់ផ្លូវបានជួយសង្គ្រោះប្រជាពលរដ្ឋដែលជិះម៉ូតូឆ្លងកាត់រហាត់តាមទឹកជួយបាន៥ទៅ៦គ្រឿង និងកុមារាម្នាក់ នៅថ្ងៃទី២៣ ខែកញ្ញា ឆ្នាំ២០២២ នៅភូមិឃុំស្រះជីក ស្រុកភ្នំស្រុក។
លោកវរៈសេនីយ៍ត្រី ឈឹម ប៊ុនឈឿម មេបញ្ជាការមូលដ្ឋានកងរាជអាវុធហត្ថស្រុកភ្នំស្រុកបានប្រាប់ថា ៖ នៅពេលដែលទឹកជំនន់បានជន់លិចផ្លូវហើយទឹកហូរកាត់ផ្លូវខ្លាំង ជាការណែនាំពីមេបញ្ជាការដ្ឋានកងរាជអាវុធហត្ថខេត្តបន្ទាយមានជ័យលោកឧត្តមសេនីយ៍ត្រី បោន ប៊ិន ហើយកម្លាំងបានសហការជាមួយកម្លាំងនគរបាល និងយោធាបានដាក់ការពារតាមដងផ្លូវចំណុចទឹកលិចហូរកាត់៥ទៅ៦កន្លែងតាមបណ្តោយផ្លូវខេត្តលេខ២៦៨អា ហើយនៅចំណុចទឹកកាត់ខ្លាំងភូមិ.ឃុំស្រះជីកមានប្រជាពលរដ្ឋដែលជិះម៉ូតូឆ្លងកាត់ត្រូវបានទឹកហូររសាត់ដែលត្រូវទាន់ពេលចំនួន៦គ្រឿង និងកុមារាម្នាក់។
លោកបានបញ្ជាក់ថា ៖ នៅពេលកម្លាំងបានជួយសង្គ្រោះប្រជាពលរដ្ឋដែលជិះម៉ូតូឆ្លងកាត់ទឹកហូរសាត់ជួយសង្គ្រោះដោយប្រើខ្សែសម្រាប់ចងម៉ូតូនៅពេលរសាត់ធ្លាក់ទឹកទាញអូសឡើង និងចំណុចហូរខ្លាំងប្រជាពលរដ្ឋជិះម៉ូតូឆ្លងកាត់ត្រូវបានកម្លាំងជួយរុញ និងទាញការពាររសាត់តាមទឹកព្រោះ ស្ថានភាពនៅបន្តហក់ឡើងបណ្តាលទឹកលិចផ្លូវជាងកន្លះម៉ែត្រ។
លោកវរៈសេនីយ៍ត្រី ឈឹម ប៊ុនឈឿម បានបញ្ជាក់ថា ៖ ប្រជាពលរដ្ឋដែលធ្វើដំណើរឆ្លងកាត់តាមដងផ្លូវខេត្តលេខ២៦៨អា ពីព្រៃមាន់ទៅកាន់អាងត្រពាំងថ្មដែលទឹកលិចផ្លូវហូរកាត់ខ្លាំងត្រូវបើកបរ និងដើរឆ្លងកាត់មានការប្រុងប្រយ័ត្នទឹកហូររសាត់ខ្លាំងទៅតាមទឹករយៈ១ថ្ងៃជួយសង្គ្រោះបានទាន់ពេលមានចំនួន៦គ្រឿង និងកុមារម្នាក់ដែលរសាត់តាមទឹកហូរខ្លាំងតែសំណាងកម្លាំងកងរាជអាវុធហត្ថចាប់ដៃទាញទាន់ នៅពេលឆ្លងកាត់ត្រូវប្រុងប្រយ័ត្នការពារគ្រោះថ្នាក់កើតឡើង៕
ចែករំលែកព័តមាននេះ