ខេត្តកំពង់ស្ពឺ ៖ បុរសម្នាក់ត្រូវសមត្ថកិច្ចចាប់ខ្លួនបន្ទាប់ពីប្រើអំពើហិ.ង្សាទៅលើប្រពន្ឋខ្លួនដោយចាប់បោចសក់ ហើយជាន់កទៅនឹងដី បន្ទាប់ពីទាស់សំដីគ្នាក្នុងវង់ផឹកស៊ី
ខេត្តកំពង់ស្ពឺ ៖ បុរសម្នាក់ត្រូវសមត្ថកិច្ចចាប់ខ្លួនបន្ទាប់ពីប្រើអំពើហិង្សាទៅលើប្រពន្ឋខ្លួនដោយចាប់បោចសក់ ហើយជាន់កទៅនឹងដី បន្ទាប់ពីទាស់សំដីគ្នាក្នុងវង់ផឹកស៊ី ព្រោះតែរឿងតិចតួច ។ ករណីហិង្សានេះកើតឡើងកាលពីវេលាម៉ោង១៨និង៣០ថ្ងៃទី២៧ កុម្ភៈ ២០១៧ នៅភូមិឯកភាព ឃុំព្រៃវិហារ ស្រុកគងពិសី ខេត្តកំពង់ស្ពឺ ។
បើតាមសមត្ថកិច្ចបានអោយដឹងថា ជនបង្កហិង្សាមានឈ្មោះ អ៊ួង សែម ភេទប្រុស អាយុ៤៥ឆ្នាំ ចំណែកប្រពន្ឋរងគ្រោះឈ្មោះយង់ សួស អាយុ៤៦ឆ្នាំ ។
តាមស្ត្រីជាប្រពន្ឋរៀបរាប់ថា មុនពេលកើតហេតុរូបគាត់ និងប្តីរួមទាំងអ្នកភូមិ បាននាំគ្នាផឹកស្រានិយាយគ្នាលេង រហូតដល់អស់ស្រា២លីត្រ ខ្លួនមានអារម្មណ៍ស្រវឹងក៏និយាយលេងជាមួយប្តី ដោយមិននឹកស្មានថា ប្តីប្រកាន់ខឹងនោះទេ ។ ទោះជាយ៉ាងណាប្រពន្ធមិនបានបញ្ជាក់ថាពាក្យដែលនិយាយលេងនោះជាពាក្យអ្វីឡើយ ស្រាប់តែនិយាយលេងសើចចប់ ប្តីរបស់ខ្លួនបានស្ទុះមកចាប់បោចសក់ ហើយវាយជាន់ករូបនាងទៅនឹងដី បណ្តាលអោយរងរបួសនិងឈឺចាប់ជាខ្លាំង ។
ប្រភពពីសមត្ថកិច្ចបានអោយដឹងបន្តទៀតថា ក្រោយបង្កអ្នកក្បែរខាងបានរាយការណ៍អោយសមត្ថកិច្ចចុះមកជួយអន្តរាគមន៍ ឃាត់ប្តីរបស់នាងយកទៅអប់រំ ។
នៅចំពោះមុខសមត្ថកិច្ចជនបង្កបានប្រើកាយវិការច្រងេងច្រងាង មិនស្ដាប់សមត្ថកិច្ចឡើយ ហើយថែមទាំងហ៊ានវាយប្រពន្ធនៅមុខសមត្ថកិច្ចទៀតផង ។ មិនតែប៉ុណ្ណោះនៅប៉ុស្តិ៍ហើយ ថែមទាំងប្រើពាក្យគំរាមកំហែងដល់សមត្ថកិច្ចប៉ុស្តិ៍ថា នៅពេលខ្លួនចេញពីគុគវិញ ខ្លួននឹងតាមសម្លាប់សមត្ថកិច្ចចោលទៀតផង ។
ក្រោយពីគំរាមកំហែងសម្លាប់សមត្ថកិច្ច មិនយូរប៉ុន្មាន ជនដៃដល់ក៏បានសារភាពថា ខ្លួនពិតជាបានប្រព្រឹត្តដូចការលើកឡើងរបស់ប្រពន្ឋប្រាកដមែន តែដោយសារអំណាចស្រាតែប៉ុណ្ណោះ ចំណែកខ្លួនគេមិនបានដឹងនោះទេ ។
ទោះជាយ៉ាងនេះក្តី នៅព្រឹកថ្ងៃទី២៨ កុម្ភៈ ២០១៧ សមត្ថកិច្ច បានកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការតាមនិតិវិធី ៕
ចែករំលែកព័តមាននេះ