បន្ទាយមានជ័យ ៖ ក្នុងអំឡុងទឹកជំនន់ជនលិចនៅខេត្តបន្ទាយមានជ័យមានប្រជាពលរដ្ឋរងគ្រោះលង់ទឹកស្លា.ប់ចំនួន៦នាក់ និងជួយសង្គ្រោះបានទាន់ពេល២នាក់ រហូតដល់ថ្ងៃទី២៣ ខែកញ្ញា ឆ្នាំ២០២២។
ដោយយោងតាមរបាយការណ៍រដ្ឋបាលសាលាខេត្តបន្ទាយមានជ័យរហូតដល់ថ្ងៃនេះប្រជាពលរដ្ឋដែលលង់ទឹកស្លា.ប់នៅអំឡុងទឹកជំនន់ជន់លិចមានចំនួន៦នាក់ ស្រី២នាក់ មានក្មេងចំនួន៤នាក់ និងមនុស្សធំ២នាក់ ហើយត្រូវបានកម្លាំងយោធាបានជួយសង្គ្រោះក្មេងប្រុស២នាក់។
អ្នករងគ្រោះស្លា.ប់ដោយសារលង់ទឹកស្លា.ប់នៅអំឡុងទឹកជំនន់មាននៅក្រុងប៉ោយប៉ែតមាន២ករណី ករណីទី១.មានក្មេងស្រីម្នាក់ទៅលេងទឹកមុខផ្ទះក្បែរលូបណ្តាលឲ្យកួចចូលលូបាត់យប់ទើបរកឃើញ ករណីទី២.មានក្មេងប្រុសម្នាក់ទៅសន្ទូចត្រីជាបងប្រុសនៅអូរព្រំដែន បណ្តាលរអិលជើងធ្លាក់ទឹកបាតរយៈពេល៣ថ្ងៃ ទើបអណ្តែតប្រទះឃើញ។ស្រុកមង្គលបូរីមាន២ករណី ករណីទី១.ក្មេងប្រុសម្នាក់ទៅលេងទឹកប្រឡាយលង់ស្លា.ប់ ករណីទី២.ស្ត្រីម្នាក់អាយុ៣៤ឆ្នាំ រអិលជើងធ្លាក់ពីលើស្ពានឈើចូលប្រឡាយទឹកហូរខ្លាំងបាត់រយៈពេល១យប់ទើបរកឃើញ។
ក្រុងសិរីសោភ័ណមាន២ករណី ករណីទី១.បុរស់ពោះម៉ាយម្នាក់កូនស្រី២នាក់ក្នុងបន្ទក់បានអ៊ុំទូកទៅដាក់ម៉ោងកណ្តាលវាលស្រែបាត់១យប់ព្រឹកឡើងទើបរកឃើញសាកស.ព។ករណីទី២.ក្មេងប្រុសម្នាក់អាយុ៩ឆ្នាំ រស់នៅជាមួយជីដូនដែលឪពុកម្តាយទៅធ្វើការនៅប្រទេសថៃទៅលេងទឹកស្រះលង់ស្លា.ប់។
ស្រុកភ្នំស្រុកមាន២ករណី មានករណីទី១.ក្មេងប្រុសម្នាក់ អាយុ៨ឆ្នាំ ត្រូវបានទឹកហូរកួចខ្លាំងទៅក្បែសំណង់ទ្វារទឹកមុខធំត្រូវកម្លាំងយោធាកងពលតូចថ្មើជើងលេខ៥១ ដែលត្រៀមកម្លាំងអន្តរាគមន៍ជួយសង្គ្រោះបានទាន់ពេលវេលានៅថ្ងៃទី២៣ ខែកញ្ញា ឆ្នាំ២០២២នៅភូមិគោកចារ ឃុំស្ពានស្រែង ស្រុកភ្នំស្រុកករណីទី២.ក្មេងប្រុសម្នាក់អាយុ៨ឆ្នាំជិះម៉ូតូជាមួយម្តាយជិះកាត់ទឹកហូរខ្លាំងបានរសាត់តាមទឹកត្រូវបានកម្លាំងកងរាជអាវុធហត្ថស្រុកភ្នំស្រុកជួយសង្គ្រោះបានទាន់ពេលនៅថ្ងៃទី២៣ ខែកញ្ញា ឆ្នាំ២០២២នៅភូមិ.ឃុំស្រៈជីក ស្រុកភ្នំស្រុក៕
ចែករំលែកព័តមាននេះ