ខេត្តព្រះសីហនុ ៖ សេចក្តីរាយការណ៍បន្តឱ្យដឹងថា ពាក់ព័ន្ធករណីក្មេងស្រីៗអាយុចាប់ពី៦ឆ្នាំ ដល់១៣ឆ្នាំបានលង់ទឹកស្លា.ប់នោះ គឺមានតែក្មេង២នាក់ប៉ុណ្ណោះ ដែលអាចរួចផុតពីសេចក្តីស្លា.ប់ ។ ក្មេងៗសរុបមាន៩នាក់ បានជិះទូកទៅបេះឈូកក្បែរបឹងព្រែកទប់
ខេត្តព្រះសីហនុ ៖ សេចក្តីរាយការណ៍បន្តឱ្យដឹងថា ពាក់ព័ន្ធករណីក្មេងស្រីៗអាយុចាប់ពី៦ឆ្នាំ ដល់១៣ឆ្នាំបានលង់ទឹកស្លាប់នោះ គឺមានតែក្មេង២នាក់ប៉ុណ្ណោះ ដែលអាចរួចផុតពីសេចក្តីស្លាប់ ។ ក្មេងៗសរុបមាន៩នាក់ បានជិះទូកទៅបេះឈូកក្បែរបឹងព្រែកទប់ ជិតសណ្ឋាគារ៧ជាន់ ហើយត្រូវទូកលិច កើតឡើងកាលពីម៉ោងជាង៩ព្រឹកថ្ងៃ២៨ កុម្ភៈ នេះ ដែលជាមហាសោកនាដកម្មដ៏អាក្រក់បំផុតនោះ ។
ប្រភពពីសាច់ញាតិបាននិយាយទាំងក្តុកក្តួលថា មុនកើតហេតុក្មេងស្រីៗមានគ្នា៩នាក់ នាំគ្នាជិះទូកមកបេះឈូកក្បែរបឹងព្រែកទប់ លុះមកដល់ ក៏មានកុមារីម្នាក់ពុំចេះហែលទឹក ក៏ឈនៅលើច្រាំង រីឯកុមារី៨នាក់ទៀតបានឡើងលើកូនទូកទៅបេះឈូក ។ ខណៈពេលចែវទៅដល់កណ្តាលទឹកជ្រៅបន្តិចទូកក៏លិច នៅពេលនោះកុមារីម្នាក់ ដែលនៅឈរលើច្រាំងបានស្រែកហៅឱ្យគេជួយ
ហើយមានក្មេងប្រុសជំទង់ម្នាក់នៅក្បែរនោះ ក៏ហក់ទៅជួយ តែជួយបានតែម្នាក់ រីឯ៧នាក់ទៀតបានលង់ចូលទៅក្នុងទឹកបាត់អស់ទៅហើយ រហូតមានក្រុមគ្រួសារមកដល់ ទើបស្រង់យកបានបញ្ជូនបន្តទៅកាន់មន្ទីរពេទ្យ ក្នុងបំណងជួយសង្គ្រោះ ។
តែអ្វីៗវាហួសពេលអស់ទៅហើយ ព្រោះកុមារទាំង៧នាក់នោះ បានស្លាប់បាត់ទៅហើយ ។
ចែករំលែកព័តមាននេះ