ព្រហ្ម ប្រសិទ្ធី ស្រឡាញ់សិល្បៈពេកបោះបង់វិជ្ជាពេទ្យ
រាជធានីភ្នំពេញ ៖ លោកព្រហ្ម ប្រសិទ្ធី ដោយសារស្រឡាញ់សិល្បៈក៏ខំប្រឹងប្រែងតាំងពីដើមទីរហូតបានក្លាយជាតួសម្តែង ។
លោកព្រហ្ម ប្រសិទ្ធី ជាតារាសម្តែងទើបរះក្នុងសួនសិល្បៈមាន
រាជធានីភ្នំពេញ ៖ លោកព្រហ្ម ប្រសិទ្ធី ដោយសារស្រឡាញ់សិល្បៈក៏ខំប្រឹងប្រែងតាំងពីដើមទីរហូតបានក្លាយជាតួសម្តែង ។
លោកព្រហ្ម ប្រសិទ្ធី ជាតារាសម្តែងទើបរះក្នុងសួនសិល្បៈមាន
រាជធានីភ្នំពេញ ៖ លោកព្រហ្ម ប្រសិទ្ធី ដោយសារស្រឡាញ់សិល្បៈក៏ខំប្រឹងប្រែងតាំងពីដើមទីរហូតបានក្លាយជាតួសម្តែង ។
លោកព្រហ្ម ប្រសិទ្ធី ជាតារាសម្តែងទើបរះក្នុងសួនសិល្បៈមានទំនោរចិត្តស្រឡាញ់សិល្បៈខ្លាំង ។ ដោយសារតែក្តីស្រឡាញ់នេះហើយទើបប្រសិទ្ធី លះបង់ការសិក្សាផ្នែកពេទ្យមិនស្តាយស្រណោះសោះឡើយ ។
លោកព្រហ្ម ប្រសិទ្ធី តស៊ូជាមួយការងារសិល្បៈរហូតទទួលបានលទ្ធផលល្អនាពេលបច្ចុប្បន្ន ។
លោកព្រហ្ម ប្រសិទ្ធី ឱ្យដឹងកាលពីពេល ថ្មីៗកន្លងមកថា លោកទើបបោះជំហានចូលប្រឡូកសិល្បៈនៅអំឡុងឆ្នាំ២០១៥ តាមរយៈការប្រឡងចម្រៀងនៅក្នុងកម្មវិធី «កំពូលតារា» របស់ស្ថានីយទូរទស្សន៍ PNN ។ តាំងពីពេលនោះមកលោកបានចូលរួមសម្តែងភាពយន្តជាង១០រឿងហើយ ។ ដោយការព្យាយាមនឹងអាជីពនេះ ចុងក្រោយបំផុតលោកបានតំណែងតួឯកនៅក្នុងរឿង «នាវាជីវិត» ។ លោកប្រសិទ្ធី និយាយថា «ភាពយន្តដែលខ្ញុំធ្លាប់សម្តែងកន្លងមក ភាគច្រើនសម្តែងជាតួរងបន្ទាប់ពីតួឯក ។ សម្រាប់រឿង «នាវាជីវិត » ខ្ញុំជាតួឯកដែលចាត់ទុកថាជាមោទនភាពមួយសម្រាប់រូបខ្ញុំដែលធ្វើឱ្យខ្ញុំកាន់តែមានចិត្តពុះពារបន្ថែមទៀត »។
ភាពយន្តដែលលោកព្រហ្ម ប្រសិទ្ធី សម្តែងកន្លងមក មានរឿង «តាមស៊ើបជួបស្នេហា » «វីរៈនារីកំពូលចិត្ត» «ភ្លើងក្នុងបេះដូង» «មេឃុំក្រមុំ» « ពស់កេងកង » «រាជបូរី Comeback» និងរឿង «នាវាជីវិត» ។
ព្រហ្ម ប្រសិទ្ធី និយាយថា «ការស្រឡាញ់សិល្បៈរបស់ខ្ញុំគឺមានទំហំជ្រាលជ្រៅបំផុតសូម្បីតែខ្ញុំកំពុងតែរៀនពេទ្យបានបីឆ្នាំក៏សុខចិត្តលាឈប់មិនស្តាយ ទាញយកអ្វីដែលខ្លួនពេញចិត្ត ពិសេសសិល្បៈនេះតែម្តង ។ ការស្រឡាញ់ហ្នឹងហើយទើបជំរុញឱ្យចេះតស៊ូរហូតទាល់តែមានថ្ងៃនេះ ទោះយើងមិនផ្ទុះការចាប់អារម្មណ៍ខ្លាំងតែយើងមានការងារល្អជាបន្តបន្ទាប់រហូតបានគ្រងតំណែងតួឯក ។ ទាំងអស់នេះកើតចេញពីការព្យាយាម ហើយខ្ញុំក៏ត្រូវបានគេសាកល្បងសមត្ថភាពញឹកញាប់ទម្រាំបានលេចធ្លោដល់ថ្ងៃនេះ »៕
ចែករំលែកព័តមាននេះ