ខេត្តបាត់ដំបង ៖ សេចក្តីរាយការណ៍បានឱ្យដឹងថា ជនសង្ស័យធ្វើសកម្មភាពឆក់អ្នកដំណើរតាមផ្លូវចំនួន៥នាក់ ត្រូវបានកម្លាំងនគរបាលព្រហ្មទណ្ឌកម្រិតស្រាល ធ្វើការចុះបង្ក្រាបបានជាបន្តបន្ទាប់ ដែលការចុះបង្ក្រាបគឺធ្វើតាំងពីម៉ោង០២រសៀល រហូតដល់ម៉ោង១០យប់ឯណោះ ។ ហើយជនសង្ស័យក្នុងចំណោមនោះ គឺធ្វើសកម្មភាពឆក់ចុងក្រោយគឺនៅថ្ងៃទី២៧ កុម្ភៈ ស្ថិតត្រង់ចំណុចភូមិឡឥដ្ឋ សង្កាត់ព្រែកព្រះស្តេច ក្រុងបាត់ដំបង ។
ប្រភពឱ្យដឹងថា ជនសង្ស័យទាំង៥នាក់ ១-ឈ្មោះវ៉ាង វិឡៃ ហៅខ្មៅ អាយុ២១ឆ្នាំ មានទីលំនៅភូមិព្រែកតាតន់ សង្កាត់ព្រះស្រេច ២-ឈ្មោះយ៉េន ចន្ធូ អាយុ១៨ឆ្នាំ មានទីលំនៅភូមិរំចេក៤ សង្កាត់រតនៈ ៣-ឈ្មោះផាន សុវណ្ណបុត្រា អាយុ១៨ឆ្នាំ រស់នៅភូមិរំចេក៤ សង្ការ់រតនៈ ៤-ឈ្មោះខាន់ ដាលីន អាយុ១៧ឆ្នាំ មានទីលំនៅភូមិក្របី សង្កាត់ស្វាយប៉ោ និង៥-ឈ្មោះអ៊ឹង រ៉ហ្សាត់ អាយុ១៤
ឆ្នាំ មានទីលំនៅភូមិ-ឃុំនរា ស្រុកសង្កែ ដែលជនសង្ស័យម្នាក់ៗឆ្លើយសារភាពថា គឺធ្វើសម្មភាពឆក់នេះ ចាប់២ដង ដល់១០ដងឯណោះ ។
បច្ចុប្បន្ន ពួកគេទាំង៥នាក់ បានបញ្ជូនទៅការិយាល័យជំនាញ ដើម្បីសាកសួរ និងកសាងសំណុំរឿងបញ្ជូនទៅតុលាការ ។
ចែករំលែកព័តមាននេះ