ក្មេងប្រុសឥណ្ឌាឆ្កែខាំដល់ស្លា.ប់ហើយរស់វិញ
ក្មេងប្រុស Kumar Marewad រស់នៅភូមិម៉ាណាហ្គុនឌី ក្រុង Dhawad រដ្ឋកាណាតាកា (Karnataka) ភាគខាងត្បូងប្រទេសឥណ្ឌា ត្រូវគេនាំទៅសង្គ្រោះបន្ទាន់នៅមន្ទីរពេទ្យដោយសារ
ក្មេងប្រុស Kumar Marewad រស់នៅភូមិម៉ាណាហ្គុនឌី ក្រុង Dhawad រដ្ឋកាណាតាកា (Karnataka) ភាគខាងត្បូងប្រទេសឥណ្ឌា ត្រូវគេនាំទៅសង្គ្រោះបន្ទាន់នៅមន្ទីរពេទ្យដោយសារឆ្កែខាំ ។ នៅមន្ទីរពេទ្យ គេដេកមិនដឹងខ្លួន ដោយដាក់អុកស៊ីហ្សែនជួយដកដង្ហើមគ្រប់ពេល ព្រោះរបួសធ្ងន់ ។
លោកវេជ្ជបណ្ឌិតម៉ាណេស នីឡាខាន់វ៉ារ៉ា ដែលព្យាបាលកុមារនោះនិយាយថា ក្មេងប្រុស Kumar រលាកខួរក្បាលដោយសារឆ្លងវីរុសពីឆ្កែខាំ ដូច្នេះត្រូវប្រើឧបករណ៍ជួយដកដង្ហើមគ្រប់ពេល ។
វេជ្ជបណ្ឌិតបានឱ្យក្រុមគ្រួសារត្រៀមចិត្ត ព្រោះអាការរបស់គេកាន់តែធ្ងន់ឡើង ហើយឱកាសឆ្លងផុតពីគ្រោះថ្នាក់ដល់ជីវិតមានតិចបំផុត ។ ដូច្នេះហើយក្រុមគ្រួសារឱ្យគ្រូពេទ្យដកឧបករណ៍ដកដង្ហើមចេញ ។
លោក Sharanappa បងថ្លៃរបស់ Kumar និយាយថា «Kumar មានអាការធ្ងន់ ហើយគ្រូពេទ្យបានប្រាប់ថា ខំជួយសង្គ្រោះគេអស់ពីលទ្ធភាពហើយ ។ ដូច្នេះយើងក៏ឱ្យដកអុកស៊ីហ្សែនចេញ និងនាំរូបគេទៅផ្ទះ ដើម្បីធ្វើបុណ្យ» ។
ក្រុមគ្រួសារ Kumar បានធ្វើចិត្តពីការបាត់បង់ Kumar និងយកសព ប៉ុន្តែមានរឿងហេតុអស្ចារ្យមួយកើតឡើង គឺ Kumar ដែលមនុស្សគ្រប់រូបគិតថាបានស្លាប់ទៅហើយនោះ បែរជាដឹងខ្លួនឡើងវិញ ។ គេបើកភ្នែកដកដង្ហើម និងកម្រើកដៃជើង ។ ឃើញដូច្នេះក្រុមគ្រួសារប្រញាប់ប្រញាល់នាំទៅមន្ទីរពេទ្យព្យាបាលបន្ត ៕
ចែករំលែកព័តមាននេះ