រាជធានីភ្នំពេញ ៖ ក្រុមហ៊ុនអាកាសចរណ៍ស៊ីវិល សហការជាមួយអង្គភាពនានា បានធ្វើសមយុទ្ធទ្រង់ទ្រាយធំមួយ ស្ដីពីសកម្មភាពជួយសង្គ្រោះជនរងគ្រោះ ក្នុងពេលមានឧប្បត្តិហេតុគ្រោះថ្នាក់ធ្លាក់យន្តហោះ កើតឡើងដោយជាយថាហេតុណាមួយនោះ។
សមយុទ្ធខាងលើ ធ្វើឡើងកាលពីកាលពីវេលាម៉ោង១០ព្រឹកថ្ងៃទី២៧ កុម្ភៈ ស្ថិតនៅដីវាល ភូមិព្រៃទីទុយ សង្កាត់ព្រៃស ខណ្ឌដង្កោ រាជនីភ្នំពេញ ដោយមានការអញ្ជើញចូលរួមជាអធិបតី លោកទេសរដ្ឋមន្ត្រី ញឹម វណ្ណដា រដ្ឋមន្ត្រីគ្រប់គ្រងគ្រោះមហន្តរាយ និងមានការចូលរួមយោធាកងពលតូចលេខ៧០-កងឆ័ត្រយោង៩១១-កងកម្លាំងពិសេសប្រឆាំងភេវរកម្ម -កងទ័ពជើងអាកាស -កងរាជអាវុធហត្ថ -អាជ្ញធររាជធានភ្នំពេញ -អាជ្ញាធរខណ្ឌដង្កោនិងខណ្ឌពោធិ៍សែនជ័យ នគរបាលខណ្ឌដង្កោនិងខណ្ឌពោធិ៍សែនជ័យ -នគរបាលពន្លត់អគ្គីភ័យស្នងការនគរបាលរាជធានីភ្នំពេញ -នគរបាលចរាចរណ៍រាជធានីភ្នំពេញ -នគរបាលអន្តោប្រវេសន៍ -មន្ទីពេទ្យកាល់ម៉ែត-មន្ទីរពេទ្យរ៉ូយ៉ាល់ភ្នំពេញ-មន្ទីរពេទ្យអង្គភា៧១១កងពលតូចង៧០-គយប្រចាំអាកាសយានដ្ឋានអន្រជាតិភ្នំពេញ។
សរុបមានមនុស្សចំនួន២៣៥នាក់ រួមជាមួយរថយន្តពន្លត់អគ្គីភ័យចំនួន៧គ្រឿង រថយន្តSAMU ចំនួន៧គ្រឿង ឧទ្ធម្ភាគចក្រ១គ្រឿង និងឧបករណ៍សម្រាប់សង្គ្រោះជាច្រើនទៀតផងដែរ ។
មន្ត្រីមួយរូបបាននិយាយថា សមយុទ្ធជាលក្ខណៈទ្រង់ទ្រាយធំខាងលើនេះ ស្ដីពីសកម្មភាពជួយសង្គ្រោះជនរងគ្រោះ ក្នុងពេលមានឧប្បត្តិហេតុគ្រោះថ្នាក់ធ្លាក់យន្តហោះ កើតឡើងជាយដាហេតុក្នុងពេលណាមួយនោះ ។ មិនតែប៉ុណ្ណោះ គោលបំណងសំខាន់បំផុតគឺពង្រឹងបទពិសោធន៍ដែលមានស្រាប់ ដើម្បីលើកកម្ពស់សមត្ថភាពដឹកនាំ បញ្ជា និងគ្រប់គ្រងកម្លាំង បង្កើនចំណេះដឹងនិងចំណេះធ្វើ ព្រមទាំងយល់ដឹងអំពីកិច្ចសហប្រតិបត្តិការរវាងភាគីពាក់ព័ន្ធ នៅពេលមានគ្រោះមហន្តរាយខាងលើនោះកើតឡើង។
ចែករំលែកព័តមាននេះ