វេបសាយ«Oddity Central» កាលពីពេលថ្មីៗកន្លងមកបានរៀបរាប់ក្រុមស្ដ្រីចូលដេកក្នុងរណ្ដៅសពនៅជាយក្រុងឈុងជឹង ប្រទេសចិន ឬតាំងសមាធិនៅទីបញ្ចុះសព ព្រោះមានជំនឿថា វានឹងជួយឱ្យពួកនាងរម្ងាប់
វេបសាយ«Oddity Central» កាលពីពេលថ្មីៗកន្លងមកបានរៀបរាប់ក្រុមស្ដ្រីចូលដេកក្នុងរណ្ដៅសពនៅជាយក្រុងឈុងជឹង ប្រទេសចិន ឬតាំងសមាធិនៅទីបញ្ចុះសព ព្រោះមានជំនឿថា វានឹងជួយឱ្យពួកនាងរម្ងាប់អារម្មណ៍សោកសៅពីការលែងលះបាន ។
ពិធីនោះកើតឡើងតាមគោលគំនិតរបស់នាងលីវ ថៃជៀ អាយុ៣០ឆ្នាំ ដែលធ្លាប់ឆ្លងកាត់ការលែងលះជាមួយប្ដីកាលពីមុន ដោយនាងយល់ថា ក្រោយពីលែងលះពោរពេញដោយទុក្ខវេទនា ប៉ុន្ដែរូបនាងអាចតស៊ូឆ្លងកាត់ភាពតប់ប្រមល់បានរហូតដល់ពេលបច្ចុប្បន្ន ។
ដូច្នេះហើយនាងលីវ ចៃជៀ មានចិត្ដចង់ជួយដល់ស្ដ្រីដទៃទៀតដែលប្រឈមមុខជោគជតារាសីស្រដៀងគ្នានេះឱ្យយល់ច្បាស់ពីស្ថានភាពជីវិតជួយឱ្យពួកនាងលះបង់ពីអតីតកាលដែលគួរកើតនៅដាច់ដោយឡែក និងចាប់យកស្ថានភាពជីវិតថ្មី ។ នាងលីវ ថៃជៀ និយាយថា «ខ្ញុំបានដឹងពីអារម្មណ៍នៅពេលខ្លួនត្រូវគេបោះបង់ចោល ខ្ញុំធ្លាប់ចង់ធ្វើអត្ដឃាតនៅពេលលែងលះ ។
នៅពេលមនុស្សមានអារម្មណ៍អស់សង្ឃឹមច្រើន ពួកគេចង់មានអារម្មណ៍ស្ថិតនៅក្បែរក្ដីស្លាប់ ប៉ុន្ដែការបានដេកនៅក្នុងរណ្ដៅសពបែបនេះនឹងជួយពួកគេបានឃើញបទពិសោធន៍នៃសេចក្ដីស្លាប់ និងជួយក្រើនរំលឹកថា ខ្លួននៅមានរឿងរ៉ាវជាច្រើនទៀត ត្រូវធ្វើនៅក្នុងជីវិត ពួកគេត្រូវបំភ្លេចរឿងអតីតកាល និងចាប់ផ្ដើមជីវិតថ្មី» ។
ស្ដ្រីជាច្រើននាក់ចូលដេក ក្នុងរណ្ដៅនៅ ក្បែរៗគ្នាដោយមានទ្រាប់ថង់ប្លាស្ទិក អ្នកខ្លះយកដៃផ្គុំសំពះដាល់លើខ្លួនក្នុងលក្ខណៈដូចជាមនុស្សស្លាប់ ហើយវាជួយឱ្យពួកនាងឆ្លងកាត់ការឈឺចាប់ ៕
ចែករំលែកព័តមាននេះ