ការឆ្លុះពោះវៀនធំ អ្នកមិនគួរខ្លាចទេ
មនុស្សជាច្រើន តែងរអារនៅពេលឮថា ឆ្លុះពោះវៀន ដោយសារគេប្រើបំពង់មានបំពាក់ម៉ាស៊ីនថតស៊កបញ្ចូលតាមរន្ធគូថតាមទ្វារលាមក រហូតដល់ផ្នែកខាងក្នុងរបស់ពោះវៀន ។
មនុស្សជាច្រើន តែងរអារនៅពេលឮថា ឆ្លុះពោះវៀន ដោយសារគេប្រើបំពង់មានបំពាក់ម៉ាស៊ីនថតស៊កបញ្ចូលតាមរន្ធគូថតាមទ្វារលាមក រហូតដល់ផ្នែកខាងក្នុងរបស់ពោះវៀន ។
មនុស្សជាច្រើន តែងរអារនៅពេលឮថា ឆ្លុះពោះវៀន ដោយសារគេប្រើបំពង់មានបំពាក់ម៉ាស៊ីនថតស៊កបញ្ចូលតាមរន្ធគូថតាមទ្វារលាមក រហូតដល់ផ្នែកខាងក្នុងរបស់ពោះវៀន ។
សម្រាប់លោកវេជ្ជបណ្ឌិត Charkaphan Osangthamnont នៃមន្ទីរពេទ្យបំរុងរ៉ាត់អន្តរជាតិក្នុងទីក្រុងបាងកក នៅប្រទេសថៃប្រាប់ថា វិធីនេះមិនផ្តល់ហានិភ័យឡើយ ។ ផ្ទុយទៅវិញ អាចជួយពិនិត្យស្ថានភាពជំងឺពោះវៀន បានទាន់ពេលវេលា មុនរាលដាលក្លាយជាមហារីក ។
ចំពោះជំងឺមហារីកពោះវៀនធំ កើតឡើងពីដុំសាច់ប្រែទៅជាកាចលើភ្នាសពោះវៀន ។ ម្ល៉ោះហើយ បើឃើញដុំសាច់ឬជាលិកាខុសធម្មតាផ្សេងៗ គឺគេអាចកាត់ចោលពេលឆ្លុះពោះវៀនធំតែម្តង ដោយមិនចាំបាច់ធ្វើការវះកាត់ធំដុំឡើយក្នុងករណីដុំសាច់នោះតូច ។ ការឆ្លុះនេះ វាជួយឲ្យអាចព្យាបាលបានទាន់ពេលវេលា ព្រោះបើដុំសាច់នោះកាន់តែធំគ្រោះថ្នាក់ក៏កាន់តែខ្លាំងផងដែរ។
ដូច្នេះ ការឆ្លុះពោះវៀននិងវះកាត់ ឲ្យបានឆាប់ជាវិធីបង្ការ និងព្យាបាលសំខាន់បំផុត ចំពោះមហារីកពោះវៀន ។ ហេតុនេះ លោកវេជ្ជបណ្ឌិតបានណែនាំថា សូមអ្នកជំងឺកុំមានការបារម្ភពីបញ្ហានៃការឆ្លុះពោះវៀននេះអី ។
ក្រៅពីនេះ ទម្រង់ការនៃការឆ្លុះពោះវៀន អាចធ្វើឡើងនៅពេលអ្នកជំងឺមានឈាមក្នុងលាមក ឈឺចាប់ក្នុងពោះ និងបំលាស់ប្តូរចលនាមិនប្រក្រតីរបស់ពោះវៀនពីទល់លាមកញឹកញាប់ មករាក ឬពីរាកមកទល់លាមកវិញ ។
លោកវេជ្ជបណ្ឌិតបន្តថា ការទទួលទានគ្រឿងស្រវឹង ឬអាហារអាំងចៀន សាច់កែច្នៃ អាហារ Fast food មិនសូវបរិភោគបន្លែ ផ្លែឈើ ក៏ជាកត្តានាំឲ្យកើតជំងឺនេះយ៉ាងងាយស្រួល ។ ចំពោះរោគសញ្ញាវិញ គឺអ្នកជំងឺស្រកទម្ងន់លឿនមិនសូវឃ្លាន ឧស្សាហ៍ក្អួតចង្អោស្លេកស្លាំង និងល្ហិតល្ហៃអស់កម្លាំង។ ជំងឺនេះកើតលើមនុស្សគ្រប់វ័យទាំងអស់ ហើយបើបណ្តែតបណ្តោយ អ្នកកើតជំងឺនេះអាចបណ្តាលគ្រោះថ្នាក់ដល់ជីវិត។
សម្រាប់មជ្ឈមណ្ឌលឆ្លុះ និងពិនិត្យសុខភាពរបស់មន្ទីរពេទ្យបំរុងរ៉ាត់អន្តរជាតិក្នុងទីក្រុងបាងកកនៃប្រទេសថៃ គឺជាមជ្ឈមណ្ឌលមួយក្នុងចំណោមមជ្ឈមណ្ឌលពិនិត្យរាងកាយ ដែលធំជាងគេបំផុតនៅក្នុងតំបន់នេះ ដែលបានបម្រើសេវាកម្មដល់អ្នកជំងឺជាង 60.000 នាក់ជារៀងរាល់ឆ្នាំ ។
មជ្ឈមណ្ឌលពិនិត្យសុខភាពនេះ មានគ្រូពេទ្យដែលទទួលបានការបណ្តុះបណ្តាលពិសេសខាងវេជ្ជសាស្ត្រការពារ បន្ទប់និងគ្រឿងបរិក្ខារសម្រាប់ពិនិត្យសុខភាពនិងពិសោធន៍ របស់មន្ទីរពេទ្យបំរុងរ៉ាត់អន្តរជាតិ ។
ចែករំលែកព័តមាននេះ