ឆេះស្ថានីយប្រេងឥន្ធនៈនៅបាធាយ បា.ញ់ទឹកអស់៧រថយន្តទើបរលត់
ខេត្តកំពង់ចាម ៖ ស្ថានីយប្រេងឥន្ធនៈមួយកន្លែងរបស់ឈ្មោះ ឃាង ស្រីណោ ភេទស្រី អាយុ៣៤ឆ្នាំ នៅភូមិសំរោង ឃុំផ្អាវ ស្រុកបាធាយ ត្រូវបានអគ្គិភ័យឆាបឆេះសន្ធោសន្ធៅ
ខេត្តកំពង់ចាម ៖ ស្ថានីយប្រេងឥន្ធនៈមួយកន្លែងរបស់ឈ្មោះ ឃាង ស្រីណោ ភេទស្រី អាយុ៣៤ឆ្នាំ នៅភូមិសំរោង ឃុំផ្អាវ ស្រុកបាធាយ ត្រូវបានអគ្គិភ័យឆាបឆេះសន្ធោសន្ធៅ
ខេត្តកំពង់ចាម ៖ ស្ថានីយប្រេងឥន្ធនៈមួយកន្លែងរបស់ឈ្មោះ ឃាង ស្រីណោ ភេទស្រី អាយុ៣៤ឆ្នាំ នៅភូមិសំរោង ឃុំផ្អាវ ស្រុកបាធាយ ត្រូវបានអគ្គិភ័យឆាបឆេះសន្ធោសន្ធៅ ផ្សែងហុយខ្មួលខ្មាញ់ទៅ
លើអាកាស។ ហេតុការណ៍នេះបានកើតឡើងនៅវេលាម៉ោង៥និង៣០នាទីល្ងាច ថ្ងៃទី២៧ កុម្ភៈ ២០១៧ ហើយត្រូវបានរថយន្តពន្លត់អគ្គិភ័យ របស់ស្នងការដ្ឋានគរបាលខេត្តចំនួន៣គ្រឿង បានចេញទៅបាញ់
ទឹកពន្លត់ដោយមិនបណ្តាលឲ្យអ្នកណាម្នាក់រងគ្រោះថ្នាក់ដល់អាយុជីវិតនោះទេ ហើយក៏មិនឲ្យឆេះឆ្លងទៅដល់លំនៅឋានរបស់ប្រជាពលរដ្ឋផ្សេងទៀតដែរ។
លោកវរសេនីយ៍ឯក សំ ណាល់ អធិការនគរបាលស្រុកបាធាយ ប្រាប់ឲ្យដឹងថា ក្នុងពេលដែលគ្រោះអគ្គិភ័យបានកើតឡើងភ្លាមៗនោះ ប្រជាពលរដ្ឋបានទូរទ័ព្ទមកកាន់រូបលោក ដើម្បីសុំឲ្យរថយន្តពន្លត់អគ្គិភ័យដែលប្រចាំការនៅអធិការនគរបាលស្រុក ចេញមកជួយអន្តរាគមន៍ភ្លាមៗនោះកម្លាំងនគរបាលបានប្រញាប់ចេញរថយន្តទៅជួយបាញ់ទឹក ដោយធ្វើឲ្យភ្លើងសាំងដែលកំពុងតែឆេះរថយន្តស្តុកប្រេងបានថមថយមួយកម្រិតផងដែរ។
លោកវរសេនីយ៍ឯក សំ ណាល់ អធិការបាលស្រុកបាធាយ ប្រាប់បន្តថា ជាមួយនោះលោកឧត្តមសេនីយ៍ត្រី ឯម កុសល ស្នងការនគរបាលខេត្ត បានបញ្ជាឲ្យរថយន្តពន្លត់អគ្គិភ័យ នៅស្រុកជើងព្រៃ និងស្រុកព្រៃឈរ ចេញមកជួយអន្តរាគមន៍ន្ថែមទៀត រួមនឹងមានការជួយយ៉ាងសស្រាក់សស្រាំពីប្រជាពលរដ្ឋមូលដ្ឋាននោះផង ទើបធ្វើឲ្យភ្លើងបានរលត់ទៅវិញ និងគ្រប់គ្រងស្ថានភាពបាន ដោយបានប្រើប្រាស់ទឹកអស់ចំនួន៧រថយន្ត នេះជាការយកចិត្តទុកដាក់របស់ស្នងការនគរបាលខេត្ត ដែលបានដាក់ឲ្យមានរថយន្តពន្លត់អគ្គីភ័យ មានប្រចាំការនៅតាមបណ្តាអធិការដ្ឋាននគរបាលស្រុកជាប់ៗគ្នា ស្របពេលដែលមានហេតុការណ៍កើតឡើងដូចខាងលើ ងាយស្រួលនឹងចេញជួយអន្តរាគមន៍នោះ។
លោកវរសេនីយ៏ឯក សំ ណាល់ អធិការនគរបាលស្រុកបាធាយបញ្ជាក់ថា ចំពោះមូលហេតុដែលបានបង្កឲ្យមានគ្រោះអគ្គីភ័យនេះដោយសារតែរថយន្តដឹកស៊ីទែនប្រេងសាំង បានបើករយែថយក្រោយប៉ះនឹងបង្គោលភ្លើងបណ្តាលឲ្យទុស្សេឆេះ ឆ្លងមករថយន្តផ្នែកខាងក្រោយរងការខូចខាតប្រមាណ៥០ភាគរយ និងស្ថានីយប្រេងក៏រងការខូចប្រហែល៥០ភាគរយផងដែរ ។ ប្រេងសាំងក្នុងរថយន្តស៊ីទែនផ្នែកខាងមុខនៅសល់ទាំងអស់ ហើយម្ចាស់ស្ថានីយប្រេងក៏បានថ្លែងអំណរគុណ ចំពោះសមត្ថកិច្ចដែលបានជួយអន្តរាគមន៍ជួយបាញ់ទឹកពន្លត់ទាន់ពេល បើពុំនោះទេស្ថានីយប្រេងនឹងក្លាយទៅជាចំណីភ្លើងអស់បាត់ទៅហើយ៕
ចែករំលែកព័តមាននេះ