អ្នករត់ម៉ូតូឌុបរាន់ពេកឈប់បត់ជើងតូចក្បែររបង បុរសមានសតិមិនល្អវាយមួយញញួរបែកមុខ
រាជធានីភ្នំពេញ ៖ បុរសអ្នករត់ម៉ូតូឌុបម្នាក់បានរងរបួសយ៉ាងធ្ងន់ធ្ងរ ដោយបែកមុខបែកមាត់ហូរឈាមកក្លាក់ស្រោចពេញខ្លួន
រាជធានីភ្នំពេញ ៖ បុរសអ្នករត់ម៉ូតូឌុបម្នាក់បានរងរបួសយ៉ាងធ្ងន់ធ្ងរ ដោយបែកមុខបែកមាត់ហូរឈាមកក្លាក់ស្រោចពេញខ្លួន ខណៈពេលដែលរូបគាត់ដឹកត្រីងៀតយកទៅឱ្យម៉ូយហើយឈប់ម៉ូតូចុះបត់ជើងតូចក្បែររបង និងរៀបឡើងជិះម៉ូតូបន្តដំណើរទៅទៀត ក៏ត្រូវបានបុរសម្នាក់ដែលគេស្គាល់ថា មានសតិមិនគ្រប់ បានយកកូនញញួរទៅវាយសំពងទៅលើផ្ទៃមុខបែកហូរឈាមកក្លាក់កាលពីវេលាម៉ោង២និង២៥នាទីរសៀល ថ្ងៃទី២៦ កុម្ភៈ នៅចំណុចខាងមុខដីឡូតិ៍មួយកន្លែង នៅតាមផ្លូវព្រះនរោត្តម កែងនិងផ្លូវលេខ១៧២ ក្នុងសង្កាត់ផ្សារថ្មីទី៣ ខណ្ឌដូនពេញ ។
តាមប្រភពព័ត៌មានពីនគរបាលម្នាក់បានប្រាប់ឱ្យដឹងថា បុរសរងគ្រោះឈ្មោះ ម៉ា ជឿន អាយុ៤៧ឆ្នាំ មុខរបររត់ម៉ូតូឌុប ស្នាក់នៅផ្ទះជួលក្នុងភូមិឬស្សី សង្កាត់ស្ទឹងមានជ័យ ខណ្ឌមានជ័យ មានស្រុកកំណើតនៅភូមិទួលសាលា ឃុំជ្រុងពពេល ស្រុករំដួល ខេត្តស្វាយរៀង ។ ទោះបីជាបែបណាសំណាងល្អរបស់បុរសអ្នករត់ម៉ូតូឌុបរូបនោះ ដោយសារមានពាក់មួយសុវត្ថិភាពការពារត្រឹមត្រូវ ម្លេះសមបែកក្បាលរងរបួសធ្ងន់ធ្ងរជាងនេះទៀតមិនខាន ខណៈមានការវាយប្រហារសំពងដោយញញួរ ។
ក្រោយពេលកើតហេតុ បុរសអ្នករត់ម៉ូតូឌុបរងគ្រោះត្រូវបានរថយន្តសាមុយរបស់មន្ទីពេទ្យកាល់ម៉ែតមកដឹកយកទៅសង្គ្រោះ ។ ចំណែកឯបុរសសតិមិនគ្រប់ជាជនដៃដល់ ត្រូវបានកម្លាំងមានសម្ថកិច្ចមួយក្រុមឡោមព័ទ្ធចាប់បានយ៉ាងលំបាកទម្រាំចាប់ឃាត់ខ្លួនបានយកទៅកាន់ប៉ុស្តិ៍នគរបាលផ្សារថ្មីទី៣ ។
មិនទាន់ដឹងថា តើមនុស្សឆ្កូតដែលប្រព្រឹត្ត្របែបនេះ ត្រូវនគរបាលចាត់ការបែបណាទៀតទេ។ ទោះអប់រំក៏មិនដឹងនិយាយបែបម៉េចដែរ ។ បើយកមនុស្សឆ្កូតឱ្យតុលាការ គឺដូចជាគ្មានទេ ៕
ចែករំលែកព័តមាននេះ