អ្នកដឹកដំឡូងមីធ្វើបាតុកម្មបិទផ្លូវខឹងជញ្ជីងផាកពិន័យ
ខេត្តរតនគិរី ៖ ក្រុមអាជីវកររកស៊ីដឹកដំឡូងមីស្ងួតតាមរថយន្តធំៗ បានធ្វើកូដកម្មបិទផ្លូវជាតិលេខ៧៨ម្សិលមិញនេះពេញមួយថ្ងៃ ដោយយករថយន្តធុនធំចំនួន៣គ្រឿង
ខេត្តរតនគិរី ៖ ក្រុមអាជីវកររកស៊ីដឹកដំឡូងមីស្ងួតតាមរថយន្តធំៗ បានធ្វើកូដកម្មបិទផ្លូវជាតិលេខ៧៨ម្សិលមិញនេះពេញមួយថ្ងៃ ដោយយករថយន្តធុនធំចំនួន៣គ្រឿង
ខេត្តរតនគិរី ៖ ក្រុមអាជីវកររកស៊ីដឹកដំឡូងមីស្ងួតតាមរថយន្តធំៗ បានធ្វើកូដកម្មបិទផ្លូវជាតិលេខ៧៨ម្សិលមិញនេះពេញមួយថ្ងៃ ដោយយករថយន្តធុនធំចំនួន៣គ្រឿង ដាក់នៅលើផ្លូវជាតិធ្វើឱ្យរថយន្តជិត១០០គ្រឿងរួមទាំងអ្នកដំណើរត្រូវកកស្ទះចរាចរណ៍មិនអាចធ្វើដំណើរបាន នៅចំណុចភូមិត្រពាំងក្រហម ឃុំត្រពាំងក្រហម ស្រុកកូនមុំ ។
បើតាមប្រភពព័ត៌មានពីក្រុមអាជីវកររកស៊ីដឹកដំឡូងមីស្ងួតដែលនាំគ្នាបិទផ្លូវជាតិនេះ បានឲ្យដឹងថា មូលហេតុដែលពួកគាត់សម្រេចចិត្តធ្វើបែបនេះ គឺដោយសារមន្ទីរសាធារណការ និងដឹកជញ្ជូនខេត្តរតនគិរី ដែលមានលោក ឃឹម រមនី ជាអនុប្រធានមន្ទីរបានកំណត់ឱ្យគ្រប់រថយន្តទាំងអស់ដែលដឹកលើសទំងន់ត្រូវផាកពិន័យក្នុង១តោន៣០ម៉ឺនរៀល ។ ពួកគាត់បាននិយាយដោយភាពគ្មានលាក់លៀមថា បច្ចុប្បន្ននេះបើពួកគាត់រកស៊ីដឹកគ្រប់ចំនួនតាមការកំណត់នោះ មិនចំណេញអាចយកទៅចិញ្ចឹមជីវិតបាននោះទេ ។ ពួកគាត់និយាយថា មូលហេតុក្នុងរថយន្តមួយគ្រឿងទំរាំដល់គោលដៅត្រូវបង់ឱ្យសមត្ថកិច្ចអស់៦០ម៉ឺនរៀលទៅហើយ ពេលនេះក្នុងរថយន្ត១គ្រឿងៗ ដាក់លើសកំណត់ក្នុង១រថយន្ត ពី៦តោនទៅ៧តោន ត្រូវផាកពិន័យគុណតាមនឹងទើបពួកគាត់ធ្វើបាតុកម្មតវ៉ា ។
ដោយពួកគាត់មើលឃើញថា បើផាកច្រើនពេកអស់ចំណេញទៅហើយ ទើបសម្រេចចិត្តធ្វើបែបនេះ ឱ្យថ្នាក់លើបានដឹងជួយសម្រួលផ្លូវណាមួយកុំឱ្យខាងមន្ទីរផាកពិន័យខ្ពស់ពេក ។ ពួកគាត់បានបន្តទៀតថា រថយន្តពួកគាត់ដឹកដំឡូងមីស្ងួតយកទៅលក់នៅស្រុកស្នួល ដោយចូលទៅប្រទេសវៀតណាមតាមច្រកទ្វារវ៉ាលឺហើយលក់បានក្នុងតម្លៃ១គីឡូក្រាម ៥០០រៀលតែប៉ុណ្ណោះ គិតទាំងសាំង ទាំងថ្លៃកម្មករចំណេញតិចតួចបំផុត ។
ដោយឡែកនៅរសៀលថ្ងៃដដែលអ្នកសារព័ត៌មានមិនអាចសុំការបំភ្លឺពីលោក ឃឹម រមនីបាននោះទេ ដោយគាត់ថាជាប់រវល់ខ្លាំងពេក ។ ក្នុងសកម្មភាពជាក់ស្តែងលើផ្លូវជាតិលេខ៧៨ ខណៈពេលនេះនៅតែស្ទះចរាចរណ៍ដដែល អ្នកធ្វើដំណើរតាមរថយន្តជាច្រើនគ្រឿងបានត្អូញត្អែរថា មិនគួរណាខាងមន្ទីរ និងអាជ្ញាធរខេត្តមិនធ្វើការសម្របសម្រួលតម្លៃណាមួយ ដើម្បីឱ្យពួកគាត់បានធ្វើដំណើររកទទួលទានបានរលូនឡើងវិញផង បើកាប់គាត់យ៉ាងហ្នឹងរកស៊ីលែងបានហើយ ៕
ចែករំលែកព័តមាននេះ