ចាត់ទុកថា ជាវត្ថុអនុស្សាវរីយ៍មួយចំពោះឆត្រដែលអ្នកជំនាញថតរូបបានរើសទុកក្រោយពីនាងប្រ៊ីតនី ស្ពៀរ តារាចម្រៀងដ៏ល្បីយកវាដេញវាយខ្លួនកាលពី១០ឆ្នាំមុន ខណៈពេលនាងកំពុងខូចចិត្តហើយកោរសក់ ក្រោយពីបែកបាក់ប្តី ។
ហេតុការណ៍នោះកើតឡើងនៅឆ្នាំ២០០៧ ជាអំឡុងពេលដែលនាងប្រ៊ីតនី ស្ពៀរ ស្ថិតក្នុងសភាពក្រៀមក្រំផ្លូវចិត្តបន្ទាប់ពីលែងលះជាមួយលោក Kevin Federline និងត្រូវស៊ូទ្រាំចិញ្ចឹមកូនរបស់ខ្លួន ។ កាលនោះនាងប្រ៊ីតនី ស្ពៀរ មានភាពតប់ប្រមល់ដល់ថ្នាក់កោរសក់ ហើយត្រូវអ្នកថតរូបតាមថតព្យាយាមរូបនាងនៅហាងធ្វើសក់មួយ ។
ទោះបីជាបងប្អូនរបស់នាងប្រ៊ីតនី ស្ពៀរ សុំមិនឱ្យថតរូបនាងក៏ដោយ ប៉ុន្តែពួកគេមិនគោរពលើសិទ្ធិផ្ទាល់ខ្លួនរបស់នាងទេ ។ ដូច្នោះហើយនាងប្រ៊ីតនី ស្ពៀរ ខឹងក៏ទាញឆត្រពីក្នុងរថយន្តយកទៅបំផ្លាញរថយន្តរបស់អ្នកថតរូបបណ្តាលឱ្យខូចខាត ។
លោកដេនៀល រ៉ាម៉ូស អ្នកជំនាញថតរូបដែលស្ថិតក្នុងហេតុការណ៍នោះបញ្ជាក់ថា «កាលនោះជាអំឡុងពេលអាក្រក់បំផុតក្នុងជីវិតរបស់ប្រ៊ីតនី ស្ពៀរ ហើយក៏ជាសំណាង អាក្រក់ដែលខ្ញុំថតរូបបាន » ។
ក្នុងឱកាសគម្រប់ខួប១០ឆ្នាំនៃហេតតុការណ៍នោះកាលពីថ្ងៃទី២១ កុម្ភៈ ២០១៧ លោកដានៀល រ៉ាម៉ូសបានយកឆត្រដាក់ដេញថ្លៃ និងយកប្រាក់ពាក់កណ្តាលដាក់ចូលអង្គការសប្បុរសធម៌ ៕
ចែករំលែកព័តមាននេះ