បុករ៉ឺម៉កម៉ូតូឡើងប៉ើង សន្លប់ស្ដូកស្ដឹងទាំង២នាក់
ខេត្តពោធិ៍សាត់ ៖ បុរសម្នាក់សង្ស័យស្រវឹងខ្លាំងពេកបានបើកម៉ូតូទៅបុករ៉ឺម៉កម៉ូតូឡើងប៉ើងធ្លាក់ផ្លូវ បណ្ដាលឲ្យរងរបួសធ្ងន់ធ្ងរ និងសន្លប់ស្តូកស្ដឹងទាំងសងខាង …
ខេត្តពោធិ៍សាត់ ៖ បុរសម្នាក់សង្ស័យស្រវឹងខ្លាំងពេកបានបើកម៉ូតូទៅបុករ៉ឺម៉កម៉ូតូឡើងប៉ើងធ្លាក់ផ្លូវ បណ្ដាលឲ្យរងរបួសធ្ងន់ធ្ងរ និងសន្លប់ស្តូកស្ដឹងទាំងសងខាង …
ខេត្តពោធិ៍សាត់ ៖ បុរសម្នាក់សង្ស័យស្រវឹងខ្លាំងពេកបានបើកម៉ូតូទៅបុករ៉ឺម៉កម៉ូតូឡើងប៉ើងធ្លាក់ផ្លូវ បណ្ដាលឲ្យរងរបួសធ្ងន់ធ្ងរ និងសន្លប់ស្តូកស្ដឹងទាំងសងខាង ។ ហេតុការណ៍នេះកើតឡើងកាលពីវេលាម៉ោង៧ និង១០នាទីយប់ ថ្ងៃទី២៥ ខែកុម្ភៈ ឆ្នាំ២០១៧ លើកំណាត់ផ្លូវជាតិលេខ៥ ចន្លោះគីឡូម៉ែតលេខ៨២ ៨៣ ត្រង់ចំណុចភូមិសាលាគំរូ សង្កាត់ព្រៃញី ក្រុងពោធិ៍សាត់ ។
ប្រភពពី លោក ញ៉ឹង ឈុនលាប នគរបាលចរាចរណ៍ក្រុងពោធិ៍សាត់ បានឲ្យដឹងថា គ្រោះថ្នាក់ចរាចរណ៍នេះបង្កឡើងដោយម៉ូតូម៉ាកហុងដា ឌ្រីម សេ១២៥ ពណ៌ខ្មៅ ស៊េរី២០១០ ពាក់ស្លាកលេខ ពោធិ៍សាត់ 1C-7314 បើកដោយឈ្មោះ មឿន ម៉ុន ភេទប្រុស អាយុ២៨ឆ្នាំ រស់នៅភូមិព្រៃឱម៉ាល់ សង្កាត់រលាប ក្រុងពោធិ៍សាត់ ទៅបុកម៉ូតូវ៉េវអាល់ហ្វា ពណ៌ខ្មៅគ្មានស្លាកលេខ ដែលមានសណ្ដោងរ៉ឺម៉ក បើកដោយឈ្មោះ វង់ បឿ ភេទប្រុស អាយុ២៦ឆ្នាំ រស់នៅភូមិស្ពានថ្ម សង្កាត់រលាប ក្រុងពោធិ៍សាត់ ។
ប្រភពបន្តថា នៅយប់នោះ គេឃើញម៉ូតូហុងដាធ្វើដំណើរលឿនក្នុងទិសដៅពីលិចទៅកើត លុះដល់ចំណុចកើតហេតុ មិនដឹងជាយ៉ាងម៉េចស្រាប់តែទៅបុកម៉ូតូ១គ្រឿងទៀតដែលសណ្ដោងរ៉ឺម៉កស្របទិសគ្នាប៉ើងធ្លាក់ចេញពីផ្លូវបណ្ដាលឲ្យបែកក្បាលហូរឈាមសន្លប់ស្ដូកស្ដឹងទាំងសងខាង រីឯម៉ូតូខូចខាតយ៉ាងដំណំ ។
ក្រោយពេលកើតហេតុ ជនរងគ្រោះទាំង២នាក់ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តពោធិ៍សាត់ ចំណែកម៉ូតូទាំង២គ្រឿងយកទៅរក្សាទុកនៅអធិការដ្ឋាននគរបាលក្រុងពោធិ៍សាត់ ដើម្បីដោះស្រាយនៅពេលក្រោយ ។
ប្រជាពលរដ្ឋដែលនៅម្ដុំកន្លែងកើតហេតុ បាននិយាយថា អ្នកដែលបើកម៉ូតូទៅបុករ៉ឺម៉កនោះទំនងជាស្រវឹងស្រា ព្រោះផ្លូវធំទូលាយ មិនគួរកើតមានគ្រោះថ្នាក់បែបនេះសោះ ៕
ចែករំលែកព័តមាននេះ