មន្ត្រីយោធាម្នាក់ជួបគ្រោះអកុសលនៅចំណុចផ្លូវកោង
- ភ្នំពេញ
រាជធានីភ្នំពេញ ៖ បុរសម្នាក់បានរងរបួសបែ.កក្បាលហូរឈា.មបាក់កស្លា.ប់នៅនឹងកន្លែងកើតហេតុ
រាជធានីភ្នំពេញ ៖ បុរសម្នាក់បានរងរបួសបែ.កក្បាលហូរឈា.មបាក់កស្លា.ប់នៅនឹងកន្លែងកើតហេតុភ្លាមៗ ខណៈពេលជិះម៉ូតូជ្រុលទៅបុ.កនឹងរបងផ្ទះប្រជាពលរដ្ឋ កាលពីវេលាម៉ោង១១និង២០នាទីយប់ ថ្ងៃទី២១ ខែកញ្ញា ឆ្នាំ២០២២ តាមបណ្ដោយផ្លូវបេតុង ជាប់មាត់ទន្លេ ភូមិជ្រោយអំពិល សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។
ជនរងគ្រោះឈ្មោះ វុទ្ធ សក្ការ ភេទប្រុស អាយុ២១ឆ្នាំ ជាមន្ត្រីយោធានៅអគ្គបញ្ជាការកងការពារព្រំដែន មានស្រុកកំណើត ភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញបុរសជាជនរងគ្រោះបានជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៩ ពណ៌ខ្មៅ ពាក់ស្លាកលេខ ភ្នំពេញ 1HL-9787 ធ្វើដំណើរតាមបណ្តោយផ្លូវបេតុង ក្នុងទិសដៅពីកើតទៅលិច ក្នុងល្បឿនលឿន លុះមកដល់ចំនុចកើតហេតុ ដែលជាផ្លូវកោង ក៏ស្រាប់តែម៉ូតូជ្រុលទៅបុ.កនិងរបងផ្ទះប្រជាពលរដ្ឋយ៉ាងពេញទំហឹង បណ្តាលឲ្យម៉ូតូដួលអូសជិត១០ម៉ែត្រ ដែលធ្វើអោយជនរងគ្រោះដួលបោ.កក្បាលហូរឈា.មបា.ក់កស្លា.ប់ភ្លាមៗនៅកន្លែងកើតហេតុតែម្តង។
ក្នុងហេតុការណ៍នេះដែរ បន្តិចក្រោយមក បងប្អូនប្រជាពលរដ្ឋបានធ្វើទាក់ទងហៅសមត្ថកិច្ចមូលដ្ឋានក៍ជាជំនាញចរាចរណ៍ខណ្ឌ អោយចុះទៅកន្លែងកើតហេតុ និងបានធ្វើការទាក់ទងស្វែងរកសាច់ញាតិរបស់សាច់ញាតិ ហើយពេលដែលសាច់ញាតិមកដល់ ក៏បានប្រាប់ថា ជនរងគ្រោះបានជិះម៉ូតូចេញពីផ្ទះ ក្នុងគោលបំណងទៅជួបមិត្តភក្ដិ ក៏ជួបគ្រោះអកុសលបែបនេះតែម្តង ។
ក្រោយពេលកើតហេតុ សមត្ថកិច្ចក៍បានធ្វើលិខិតប្រគល់សពអោយសាច់ញាតិយកទៅចាត់ចែងធ្វើបុណ្យតាមប្រពៃណីនៅផ្ទះជនរងគ្រោះផ្ទាល់ ចំនែកម៉ូតូត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលព្រែកឯង រង់ចាំប្រគល់អោយសាច់ញាតិយកត្រឡប់ទៅវិញ ៕
ចែករំលែកព័តមាននេះ