ប្រទេសជប៉ុន ៖ ចំនួនខុនដូថ្មីដាក់លក់នៅទូទាំងប្រទេសជប៉ុនក្នុងឆ្នាំ២០១៦ បានធ្លាក់ចុះ១,៤% ឬស្មើនឹង៧៦.៩៩៣យូនីត ដល់កម្រិតទាបតាំងពីរយៈពេល២៤ឆ្នាំកន្លងមក ខណៈតម្លៃនៅតែខ្ពស់ ។ នេះបើយោងតាម
ប្រទេសជប៉ុន ៖ ចំនួនខុនដូថ្មីដាក់លក់នៅទូទាំងប្រទេសជប៉ុនក្នុងឆ្នាំ២០១៦ បានធ្លាក់ចុះ១,៤% ឬស្មើនឹង៧៦.៩៩៣យូនីត ដល់កម្រិតទាបតាំងពីរយៈពេល២៤ឆ្នាំកន្លងមក ខណៈតម្លៃនៅតែខ្ពស់ ។ នេះបើយោងតាមស្ថាប័នស្រាវជ្រាវឯកជន ។
វិទ្យាស្ថានសេដ្ឋកិច្ចអចលនទ្រព្យនិយាយកាលពីថ្ងៃចន្ទថា ការផ្គត់ផ្គង់បានធ្លាក់ចុះសម្រាប់រយៈពេល៣ឆ្នាំជាប់គ្នា ។
តម្លៃជាមធ្យមបានធ្លាក់ចុះ១,៣% ស្មើនឹង៤៥,៦លានយេន ជាការធ្លាក់ចុះលើកដំបូងក្នុងរយៈពេល៤ឆ្នាំ គឺមួយផ្នែកដោយសារការផ្គត់ផ្គង់ខុនដូកើនឡើងក្នុងតំបន់ Tohoku, Chugoku និង Kyushu ជាកន្លែងមានតម្លៃទាប ។
ប៉ុន្តែនេះជាកម្រិតតម្លៃខ្ពស់បំផុតទី២នៅក្នុងកំណត់ត្រានៃការលក់ បន្ទាប់ពីលក់បានចំនួន៤៦,១៨លានយេននៅឆ្នាំ២០១៥ និងខ្ពស់ជាង៤៤,៨៨លានយេននៅឆ្នាំ១៩៩១ ។ នេះបើយោងតាមវិទ្យាស្ថានខាងលើ ។
តម្លៃជាមធ្យមនៅតែមានកម្រិតខ្ពស់ ជាពិសេស ការចំណាយលើការសាងសង់កើនឡើង ដែលបណ្តាលមកពីការកង្វះខាតកម្លាំងពលកម្ម ។
« បញ្ហាកង្វះខាតកម្លាំងពលកម្មមិនមែនជារឿងដែលងាយស្រួលក្នុងការលុបបំបាត់ទេ ហើយខុនដូនឹងបន្តមានតម្លៃខ្ពស់ » ។ នេះបើយោងតាមមន្ត្រីនៃវិទ្យាស្ថាននេះ ។
ការផ្គត់ផ្គង់ធ្លាក់ចុះមួយផ្នែកដោយសារតែគ្មានការកើនឡើងនៃតម្រូវការ បន្ទាប់ពីរដ្ឋាភិបាលសម្រេចពន្យារពេលដំឡើងពន្ធលើការប្រើប្រាស់ដល់១០%ក្នុងរយៈពេល២ឆ្នាំកន្លះ ដល់ខែតុលា ឆ្នាំ២០១៩ ។
ទន្ទឹមនឹងនេះ ការផ្គត់ផ្គង់បានកើនឡើង៦,៩% នៅទីក្រុង Hokkaido, ៦៥,២% ក្នុងទីក្រុង Tohoku, ៦៤,២% នៅតំបន់ Chugoku និង១៩,៩% នៅតំបន់ Kyushu ៕
ចែករំលែកព័តមាននេះ