ជ័យជំនះចាក់ស្មុគ មិនទាន់បានបោះឆ្នោតផងប្រកាសថាឈ្នះ ! ចេះឯងឱ្យក្រែងចេះគេ
រាជធានីភ្នំពេញ ៖ លោក កឹម សុខា ប្រធានស្តីទីគណបក្សសង្គ្រោះជាតិ បានអះអាងថា គោលនយោបាយគណបក្សសង្គ្រោះជាតិធ្វើឡើងមិនមែនតែសម្រាប់ការ
រាជធានីភ្នំពេញ ៖ លោក កឹម សុខា ប្រធានស្តីទីគណបក្សសង្គ្រោះជាតិ បានអះអាងថា គោលនយោបាយគណបក្សសង្គ្រោះជាតិធ្វើឡើងមិនមែនតែសម្រាប់ការប្រកួតប្រជែងជាមួយដៃគូនោះទេ គឺដើម្បីឈ្នះដឹកនាំប្រទេស និងដោះស្រាយបញ្ហានានារបស់ប្រជាពលរដ្ឋ។
លោក កឹម សុខា បានលើកឡើងបែបនេះនៅក្នុងកិច្ចប្រជុំជាមួយសមាជិកសមាជិកាបក្សនៅស្នាក់ការកណ្តាលគណបក្សសង្គ្រោះជាតិ ស្ថិតក្នុងសង្កាត់ចាត់អង្រែលើ ខណ្ឌមានជ័យកាលពីព្រឹកថ្ងៃ២២ ខែកុម្ភៈ ។
លោកថ្លែងថាបន្ទាប់ពីរៀបចំបញ្ជីបេក្ខជនឃុំ-សង្កាត់ទូទាំងប្រទេសចប់សព្វគ្រប់ហើយ នៅសប្ដាហ៍ក្រោយនេះ គណៈកម្មាធិការអចិន្ដ្រៃយ៍គណបក្សសង្គ្រោះជាតិ នឹងធ្វើការពិភាក្សាសម្រេចនូវសារនយោបាយរបស់គណបក្ស ដើម្បីត្រៀមខ្លួន ចូលរួមប្រកួតប្រជែង «ការបោះឆ្នោតជ្រើសរើសក្រុមប្រឹក្សាឃុំ-សង្កាត់» នាពេលខាងមុខនេះ។
លោក កឹម សុខា បញ្ជាក់ថា «ខ្ញុំយល់ឃើញថា គោលនយោបាយ កម្មវិធីនយោបាយ និងសារនយោបាយរបស់គណបក្ស មានសារៈសំខាន់ណាស់ពីព្រោះ ៖ «គណបក្សសង្គ្រោះជាតិមិនមែនចូលរួមប្រកួត ដើម្បីគ្រាន់តែឲ្យគេថាបានប្រកួតដែរនោះទេ ។ យើងប្រកួតយកឈ្នះ ឈ្នះដើម្បីដោះស្រាយបញ្ហាប្រទេសជាតិ និងបញ្ហាប្រជាពលរដ្ឋខ្មែរ យើងមិនមែនឈ្នះ ដើម្បីបង្កជម្លោះ ធ្វើទុក្ខបុកម្នេញ បង្ក្រាប ឬគុំកួនសងសឹកខ្មែរនោះទេ» ។
ការលើកឡើងរបស់មេបក្សប្រឆាំងនេះ គឺស្របគ្នានឹងការលើកឡើងរបស់ប្រមុខដឹកនាំគណបក្សកាន់អំណាច គឺសម្តេចតេជោ ហ៊ុន សែន ដែលបានមានប្រសាសន៍ថា អ្នកខ្លះអះអាងអីឈ្នះៗ ខ្ញុំមិនទាន់ឃើញសញ្ញាឈ្នះវានៅត្រង់ណា! ចាំឈ្នះទៅចាំប្រកាស ។ មានអ្នកខ្លះហ៊ានអះអាងថា នៅឆ្នាំ២០១៨នឹងឈ្នះ រហូតដល់ថា បើមិនព្រមប្រគល់អំណាចនឹងបង្ក្រាប ខណៈទ័ពនៅដៃសម្តេច។
សម្តេចតេជោនាយករដ្ឋមន្ត្រី ហ៊ុន សែន ក្នុងពិធីប្រគល់សញ្ញាបត្រដល់និស្សិតសាកលវិទ្យា ល័យភ្នំពេញអន្តរជាតិ (PPIU) នាព្រឹកថ្ងៃទី២២ ខែកុម្ភៈ បានបញ្ជាក់ថា «ខ្ញុំសូមអ្នកសួរ កុំសួរ អ្នកដែលមានកម្រិតចំណេះដឹងទាបពេក ហើយសួរដេញដោល ទាល់តែឆ្លើយ ហើយឆ្លើយបើបានជេរ ហ៊ុន សែន ទើបល្បីឈ្មោះ ។
សម្តេចតេជោមានប្រសាសន៍ថា សូមឱ្យចាំណា ក្នុងចំណោមប្រជាជនយើង សេរីភាពរបស់យើងមានព្រំដែនជាមួយសេរីភាពអ្នកដទៃ (ចាំឱ្យច្បាស់លើចំណុចនេះ) កុំបំពាន ។ មានអ្នកខ្លះហ៊ានទាំងអះអាងថា ដល់ឆ្នាំ២០១៨នឹងត្រូវបង្ក្រាប បង្ក្រាបវាអាចទាយឆ្នាំ២០១៨ យ៉ាងដូច្នេះ ហើយបើមិនប្រគល់អំណាចវានឹងបង្ក្រាប!!!។
សម្តេចបានរិះគន់ថា ចាំបោះឆ្នោតហើយ ចាំក្រុមប្រឹក្សាធម្មនុញ្ញប្រកាស រួចហើយគណៈកមា្មធិការជាតិរៀបចំការបោះឆ្នោតប្រកាសផ្លូវការបានទេ? ម៉េចក៏ចាំប្រកាសពីឥឡូវ? មិនទាន់បានបោះឆ្នោតផង រួចឈ្នះ ឈ្នះ ឈ្នះ ដូរ ដូរ ដូរ! បានតើ ! ដូរពីនៅក្រៅឃុំទៅនៅក្នុងគុកទៅ ។
ចេះឯងឱ្យក្រែងចេះគេ ទី១ ទី២ ព្រំប្រទល់សេរីភាពរបស់យើងមានព្រំប្រទល់ជាមួយនឹងសេរីភាពរបស់អ្នកដទៃ មិនអាចបំពាន ។ បើអ្នកឯងទៅប៉ះសេរីភាពអ្នកដទៃគឺច្បាស់ជាមានរឿងហើយ មិនថារឿងជាបុគ្គលនិងបុគ្គលទេ ឬនីតិបុគ្គនិងបុគ្គល ឬនីតិបុគ្គលនិងនីតិបុគ្គលទេ ។ សូម្បីតែក្របខណ្ឌនៃស្ថាប័នរបស់ជាតិ ក៏ត្រូវមានចែងបទដ្ឋានកំណត់របស់វាដែរ។
ខ្ញុំស្រឡាញ់ណាស់អ្នកវិភាគ ខ្ញុំក៏អ្នកវិភាគដែរ បើសិនខ្ញុំមិនចេះវិភាគទេ តើខ្ញុំមានលទ្ធភាពដើម្បីនឹងដឹកនាំប្រទេសចេញពីរបបប៉ុល ពត? និងទប់ស្កាត់ ប៉ុល ពត និងនាំមកនូវសន្តិភាពជូនប្រទេស ហើយឈានមកអភិវឌ្ឍន៍ដល់សព្វថ្ងៃនេះ ៕
ចែករំលែកព័តមាននេះ