តុលាការកំពូលគ្រោងបើកសវនាការថ្ងៃទី១៥ មីនា លើសំណុំរឿងជនជាប់ ហេង ពៅ អតីតស្នងការនគរបាលរាជធានី
រាជធានីភ្នំពេញ ៖ តុលាការកំពូល គ្រោងបើកសវនាការ លើសំណុំរឿងជនជាប់ ហេង ពៅ អតីតស្នងការនគរបាលរាជធានីភ្នំពេញ នៅព្រឹកថ្ងៃទី១៥ មីនា
រាជធានីភ្នំពេញ ៖ តុលាការកំពូល គ្រោងបើកសវនាការ លើសំណុំរឿងជនជាប់ ហេង ពៅ អតីតស្នងការនគរបាលរាជធានីភ្នំពេញ នៅព្រឹកថ្ងៃទី១៥ មីនា ឆ្នាំ២០១៧ ខាងមុខនេះ ពាក់ព័ន្ធបទល្មើសបង្ខាំងមនុស្សខុសច្បាប់ កាលពីឆ្នាំ២០០៣។ សវនាការនោះធ្វើឡើងបន្ទាប់ពីជនជាប់ ហេង ពៅ ត្រូវបានសាលាដំបូងរាជធានីភ្នំពេញ និងសាលាឧទ្ធរណ៍ផ្តន្ទាទោសដូចគ្នាដាក់ពន្ធនាគាររយៈពេល៥ឆ្នាំ។ គួរបញ្ជាក់ថា ជនជាប់ចោទ ហេង ពៅ មានជាប់ពាក់ព័ន្ធបទឧក្រិដ្ឋធំៗចំនួន៧បទល្មើស ហើយត្រូវបានសាលាដំបូងរាជធានភ្នំពេញផ្តន្ទាទោសដាក់ពន្ធនាគារ សរុបជិត១០៤ឆ្នាំ។
បើនៅចាំមិនខុសទេ បទល្មើសទី១.ពាក់ព័ន្ធករណីបង្ខាំងមនុស្ស និងធ្វើទារុណកម្មស្ត្រីម្នាក់រហូតដល់ស្លាប់ ទី២.ចាប់ថៅកែភោជនីដ្ឋានជំរិតយកប្រាក់១ម៊ឺនដុល្លារអាមេរិក ទី៣.ឃាតកម្មបាញ់សម្លាប់លោក សុក សេដ្ឋាមុន្នី ចៅក្រមតុលាការក្រុងភ្នំពេញ ទី៤.បាញ់ប្រហារប្រធានសាខាអគ្គីសនីចាក់អង្រែ ធ្វើឲ្យពិការភាពដេកនៅកន្លេល ទី៥.ប៉ុនប៉ងចូលសម្លាប់លោក អ៊ុក សាវុធ អគ្គព្រះរាជអាជ្ញាសាលាឧទ្ធរណ៍ កាលលោក អ៊ុក សាវុធ នៅជាព្រះរាជអាជ្ញាតុលាការក្រុងភ្នំពេញ។
ទី៦.ប៉ុនប៉ងសម្លាប់លោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ទី៧.ចូលបាញ់ប្រហារលើលោកឧកញ៉ា ថុង អ៊ុយប៉ាង ចាងហ្វាងកាសែតកោះសន្តិភាព និងលោក យឹម ឈឿន ជាអង្គរក្សនៅក្នុងវត្តទឹកថ្លា តែលោកឧកញ៉ា និងអង្គរក្ស បានរួចផុតពីជីវិត គ្រាន់តែរងរបួសយ៉ាងធ្ងន់ធ្ងរ។ ដូច្នេះតុលាការកំពូល គ្រោងបើកសវនាការនៅថ្ងៃទី១៥ មីនា ខាងមុខនេះ គឺជាសវនាការលើបណ្តឹងសារទុករបស់ជនជាប់ចោទ ហេង ពៅ ពាក់ពីបទ”បង្ខាំងមនុស្សខុសច្បាប់” ៕
ចែករំលែកព័តមាននេះ