របបយោធាមីយ៉ាន់ម៉ាព្រមានចាប់ដាក់គុ.កអ្នកចែករំលែកមាតិកាគូប្រជែងលើបណ្តាញសង្គម
មីយ៉ាន់ម៉ា ៖ របបយោធាមីយ៉ាន់ម៉ាបានព្រមានសាធារណជនកាលពីថ្ងៃអង្គារ ទី ២០ កញ្ញា ប្រឆាំង
មីយ៉ាន់ម៉ា ៖ របបយោធាមីយ៉ាន់ម៉ាបានព្រមានសាធារណជនកាលពីថ្ងៃអង្គារ ទី ២០ កញ្ញា ប្រឆាំង
មីយ៉ាន់ម៉ា ៖ របបយោធាមីយ៉ាន់ម៉ាបានព្រមានសាធារណជនកាលពីថ្ងៃអង្គារ ទី ២០ កញ្ញា ប្រឆាំងនឹងការបង្ហាញពីការគាំទ្រចំពោះចលនាតស៊ូភេរវករ ដោយបានគំរា.មកំហែងចាប់ដាក់គុ.ករយៈពេល១០ឆ្នាំ សម្រាប់អ្នកដែលចុច Like និងចែករំលែកមាតិការរបស់ចលនានោះនៅលើបណ្តាញសង្គម។
របបយោធាចាត់ទុករដ្ឋាភិបាលរួបរួមជាតិ (NUG) ជាចលនាភេរវករ។
រដ្ឋមន្ត្រីក្រសួងព័ត៌មាន និងជាអ្នកនាំពាក្យរបស់របបយោធាលោក Zaw Min Tin បាននិយាយថា «ភេរវករ» កំពុងស្វែងរកមូលនិធិដើម្បីសម្លា.ប់ប្រជាជនស្លូតត្រង់នៅក្នុងយុទ្ធនាការរបស់ពួកគេដើម្បីធ្វើឱ្យប្រទេសមានអស្ថិរភាព ដូច្នេះការគាំទ្រសម្រាប់ពួកគេនឹងត្រូវជួបរឿងធ្ងន់ធ្ងរ។
លោកថ្លែងថា ការគាំទ្រតាមបណ្តាញសង្គមលើរដ្ឋាភិបាលរួបរួមជាតិ (NUG) ឬកងកម្លាំងការពារប្រជាជន (PDF) អាចនឹងជាប់គុ.ករយៈពេលពី ៣ ទៅ១០ឆ្នាំ និងអាចធ្ងន់ធ្ងរជាងនេះសម្រាប់អ្នកផ្តល់លុយគាំទ្រសូម្បីបន្តិចបន្តួច។
អ្នកនាំពាក្យបញ្ជាក់ថា «ប្រសិនបើអ្នកបរិច្ចាគប្រាក់ ឬគាំទ្រពួកភេរវករ និងទង្វើរបស់ពួកគេ អ្នកនឹងប្រឈមមុខនឹងការដាក់ទណ្ឌកម្មកាន់តែធ្ងន់ធ្ងរ។ យើងកំពុងធ្វើនេះដើម្បីការពារជនស៊ីវិលស្លូតត្រង់»។
សូមបញ្ជាក់ថា ចាប់តាំងពីមានរដ្ឋប្រហារទម្លាក់លោកស្រី អ៊ុងសាន ស៊ូជីមក គូប្រជែងរបស់របបយោធាបានប្រើប្រាស់ប្រព័ន្ធផ្សព្វផ្សាយសង្គមដើម្បីព្យាយាមទំនាក់ទំនងសាររបស់ពួកគេឱ្យកាន់តែទូលំទូលាយ ដោយអ្នកសារព័ត៌មានប្រជាពលរដ្ឋតែងតែបង្ហោះរូបភាពនៃការតវ៉ា និងចោទប្រកាន់ថាជាអំពើឃោរឃៅពីសំណាក់កងទ័ព។
អង្គការសហប្រជាជាតិបានចោទប្រកាន់របបយោធាពីបទសម្លា.ប់រង្គាល និងឧក្រិ.ដ្ឋកម្មប្រឆាំងមនុស្សជាតិ ក្នុងការបង្ក្រាបក្រុមប្រឆាំងចាប់តាំងពីរដ្ឋប្រហារកាលពីឆ្នាំមុន។ មនុស្សរាប់ពាន់នាក់ត្រូវបានចាប់ខ្លួន និងជាច្រើននាក់ទៀតត្រូវបានដាក់គុ.កក្នុងអំឡុងពេលកាត់ក្តីសម្ងាត់។
កាលពីពេលថ្មីៗនេះ របបយោធាមីយ៉ាន់ម៉ាបានប្រហារជីវិតសកម្មជនប្រជាធិបតេយ្យចំនួន ៤រូប ដោយចោទប្រកាន់ពួកគេពីបទសម្របសម្រួលការវា.យប្រហារដោយក្រុមកងជីវពល៕ (យោងតាមប្រភព៖ Reuters)
ចែករំលែកព័តមាននេះ