KTVសុបិនល្អ របស់លោក អ៊ឹម ឆន អភិបាលរងស្រុកសន្ទុក កំពុងតែធ្វើឲ្យជះឥទ្ធិពលអាក្រក់
ខេត្តកំពង់ធំ ៖ លោក អ៊ិត សុធា ព្រះរាជអាជ្ញារអមសាលាដំបូងខេត្តកំពង់ធំ បានបញ្ជាឲ្យកម្លាំងនគរបាលខេត្ត សហការជាមួយនឹងកម្លាំងនគរបាលស្រុកសន្ទុក
ខេត្តកំពង់ធំ ៖ លោក អ៊ិត សុធា ព្រះរាជអាជ្ញារអមសាលាដំបូងខេត្តកំពង់ធំ បានបញ្ជាឲ្យកម្លាំងនគរបាលខេត្ត សហការជាមួយនឹងកម្លាំងនគរបាលស្រុកសន្ទុក
ខេត្តកំពង់ធំ ៖ លោក អ៊ិត សុធា ព្រះរាជអាជ្ញារអមសាលាដំបូងខេត្តកំពង់ធំ បានបញ្ជាឲ្យកម្លាំងនគរបាលខេត្ត សហការជាមួយនឹងកម្លាំងនគរបាលស្រុកសន្ទុក ចុះធ្វើការឆែកឆេរហាងខារ៉ាអូរខេ មួយកន្លែងដែលជាកម្មសិទ្ធិផ្ទាល់ខ្លួនរបស់លោក អឹម ឆន អភិបាលរងស្រុកសន្ទុក កាលពីរសៀលថ្ងៃទី២៤ ខែកុម្ភៈ ឆ្នាំ២០១៧ ស្ថិតនៅក្នុងភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំ រកឃើញថ្នាំញៀន១កញ្ចប់ធំ និងសម្ភារសម្រាប់ប្រើប្រាស់ជាមួយថ្នាំញៀនមួយចំនួន ព្រមទាំងឃាត់ខ្លួនមនុស្សប្រុសស្រីចំនួន១១នាក់ មេការ២នាក់ ក្នុងនោះមាន៣នាក់នាំយកមកកាន់ស្នងការខេត្តនៅល្ងាចថ្ងៃដដែល ចំណែកនារី៨នាក់ទៀតនាំមកកាន់អធិការស្រុកដើម្បីធ្វើតេស្តទឹកនោមរកសារធាតុញៀន។
ជុំវិញនៃការចុះត្រួតពិនិត្យនេះម្ចាស់ហាងទាំង២នាក់ប្តីប្រពន្ធបានគេចខ្លួនបាត់ លោកព្រះរាជអាជ្ញាបានបញ្ជាឲ្យសមត្ថកិច្ចបិទហាងខារ៉ាអូរខេ យីហោ សុបិនល្អ១៦៨ របស់លោក អ៊ឹម ឆន អភិបាលរងស្រុកសន្ទុកមួយរយៈសិន រង់ចាំការស៊ើបអង្កេត។
ពាក់ព័ន្ធករណីខាងលើនេះប្រជាពលរដ្ឋលោកបាននិយាយខ្សឹបគ្នាថា ពួកយើងចាំមើលមើល តើច្បាប់មានអនុភាពទេ ចំពោះលោកអភិបាលរងស្រុកម្នាក់នេះ? ពីព្រោះតែកន្លងមកម្ចាស់ហាងខេរ៉ាអូរខេខាងលើនេះតែងតែប្រើអំណាចរបស់ខ្លួនជេរប្រមាថ និងវាយទាត់ធាក់ទៅលើប្រជាពលរដ្ឋស្លូតត្រង់ដែលចង់សប្បាយដោយគ្រាន់តែហៅស្រីខារ៉ាអូរខេមកជជែកលេង និងសួរនាំនៅខាងក្រៅហាងហើយចោទថាប្រើប្រាស់ថ្នាំញៀន ដែលជាទង្វើអសីលធម៌ជាមនុស្សអគតិមិនគោរពច្បាប់ បើទោះបីជាគេប្រើប្រាស់គ្រឿងញៀនពិតមែនក៏ដោយ ក៏គ្មានសិទ្ធិវាយដំទាត់ធាក់គេដែរ៕
ចែករំលែកព័តមាននេះ