ក្នុងបទសម្ភាសន៍មួយជាមួយរ៉យទ័រ ប្រធានាធិបតីអាមេរិកលោកដូណាល់ ត្រាំ ថ្លែងកាលពីថ្ងៃទី២៣ កុម្ភៈថា សហរដ្ឋអាមេរិកត្រូវតែជាអ្នកនាំមុខគេក្នុងចំណោមមហាអំណាចនុយក្លេអ៊ែរ ហើយបែបនោះដើម្បីរាំងខ្ទប់អាវុធនេះ ។
ក្នុងបទសម្ភាសន៍មួយជាមួយរ៉យទ័រ ប្រធានាធិបតីអាមេរិកលោកដូណាល់ ត្រាំ ថ្លែងកាលពីថ្ងៃទី២៣ កុម្ភៈថា សហរដ្ឋអាមេរិកត្រូវតែជាអ្នកនាំមុខគេក្នុងចំណោមមហាអំណាចនុយក្លេអ៊ែរ ហើយបែបនោះដើម្បីរាំងខ្ទប់អាវុធនេះ ។
ដោយនិយាយជាលើកដំបូងពីបញ្ហានុយក្លេអ៊ែរចាប់តាំងពីលោកឡើងកាន់អំណាចពីថ្ងៃទី២០ មករា មក លោកត្រាំយល់ថា សមត្ថភាពនុយក្លេអ៊ែរយោធារបស់អាមេរិកពេលនេះមានការយឺតយ៉ាវ ។ ខ្លួនខ្ញុំផ្ទាល់ពុំចង់ឃើញប្រទេសណាមួយមានអាវុធនុយក្លេអ៊ែរឡើយ ក៏ប៉ុន្តែយើងមិនត្រូវដើរពីក្រោយប្រទេសណាដែរ ទោះបីប្រទេសនោះជាមិត្តក្តី ។ វានឹងជារឿងល្អប្រសើរអស្ចារ្យក្តីស្រមៃដែលថា គ្មានប្រទេសណាមួយមានអាវុធនុយក្លេអ៊ែរ ក៏ប៉ុន្តែប្រសិនបើប្រទេសទាំងឡាយនាំអាទិ៍ឱ្យមាននោះយើងនឹងត្រូវតែជាអ្នកនាំមុខគេ ។
សន្ធិសញ្ញាកម្រិតអាវុធយុទ្ធសាស្ត្រចុងក្រោយរវាងសហរដ្ឋអាមេរិក និងរុស្ស៊ីចុះហត្ថលេខាកាលពីឆ្នាំ២០១០ ហើយមានឈ្មោះថា សន្ធិសញ្ញា NEW START គ្រោងមកដល់ថ្ងៃទី៥ កុម្ភៈ ឆ្នាំ២០១៨ ប្រទេសទាំង២ត្រូវមានអាវុធនុយក្លេអ៊ែរកម្រិតស្មើគ្នារយៈពេល១០ឆ្នាំ ។
រុស្ស៊ីបច្ចុប្បន្នមានក្បាលគ្រាប់នុយក្លេអ៊ែរ៧៣០០គ្រាប់ទល់នឹង៦៩៧០គ្រាប់សម្រាប់សហរដ្ឋអាមេរិក ។ នេះបើតាមការវាយតម្លៃរបស់ក្រុមប្រឆាំងនុយក្លេអ៊ែរ PLOUGHSHARES FUND ។
ពួកអ្នកវិភាគនិយាយថា ពុំទាន់ដឹងថាតើលោកត្រាំនឹងលុបចោលសន្ធិសញ្ញានោះហើយចាប់ផ្តើមដាក់ពង្រាយក្បាលគ្រាប់នុយក្លេអ៊ែរថ្មីៗឬយ៉ាងណាឡើយ ។
ក្នុងបទសម្ភាសន៍របស់លោកប្រធានាធិបតីអាមេរិកយល់ថា សន្ធិសញ្ញា NEW START អនុគ្រោះខ្លាំងដល់រុស្ស៊ី ៕
ចែករំលែកព័តមាននេះ