ព្រឹទ្ធសមាជិកាម្នាក់ដែលរិះគន់ខ្លាំងក្លាចំពោះ សង្គ្រាមប្រឆាំងគ្រឿងញៀនរបស់ប្រធានាធិបតីហ្វ៊ីលីពីន លោក RODRIGO DUTERTE បានត្រូវប៉ូលិសចាប់ខ្លួនកាលពីថ្ងៃទី២៤ កុម្ភៈ ក្រោយបទចោទប្រកាន់ដាក់ជូនតុលាការដែលចោទលោកស្រីថា ទទួលសំណូកពីពួករត់ពន្ធគ្រឿងញៀនដែលជាប់គុក ។
លោកស្រី LEILA DE LIMA អតីតអ្នកបើករថយន្តឱ្យលោកស្រីអង្គរក្សម្នាក់ និងអតីតអ្នកទទួលខុសត្រូវពន្ធនាគារម្នាក់ ត្រូវចាប់ខ្លួនក្រោយពីចៅក្រមម្នាក់ទទួលបណ្តឹងកាលពីសប្តាហ៍មុនពីក្រសួងយុត្តិធម៌ ។ លោកស្រីថ្លែងទៅកាន់ក្រុមអ្នកកាសែតថា ការពិតនឹងឃើញ ហើយខ្ញុំនឹងទទួលបានយុត្តិធម៌ ។ ខ្ញុំជាមនុស្សស្លូតត្រង់ ។ លោកស្រីថ្លែងបែបនេះមុនពេលប៉ូលិសនាំខ្លួនលោកស្រីចេញពីការិយាល័យ ។ លោកស្រីត្រូវប្រឈមមុខនឹងបទចោទប្រកាន់២ទៀតទាក់ទិននឹងគ្រឿងញៀន ។
លោកស្រី LEILA DE LIMA ដែលជាមេធាវីមានឯកទេសខាងសិទ្ធិមនុស្ស មុនពេលលោតចូលនយោបាយចាត់ទុកការចោទប្រកាន់ប្រឆាំងលោកស្រីថា ជាការសងសឹកចំពោះលោកស្រីក្រោយលោកស្រីដឹកនាំកាលពីឆ្នាំទៅមិញ ការស៊ើបអង្កេតមួយរបស់ព្រឹទ្ធសភាលើសង្គ្រាមប្រឆាំងគ្រឿងញៀនរបស់លោក RODRIGO DUTERTE ហើយចោទប្រធានាធិបតីថា សម្លាប់មនុស្សក្រៅប្រព័ន្ធតុលាការ ។
ចាប់តាំងពីបើកធ្វើដោយប្រធានាធិបតីហ្វ៊ីលីពីន ក្រោយលោកឡើងកាន់អំណាចកាលពីខែមិថុនា ២០១៦ សង្គ្រាមប្រឆាំងគ្រឿងញៀននាំទៅដល់ការសម្លាប់មនុស្សជាង៧.៧០០នាក់ ហើយក្នុងប្រទេស ក្នុងនោះប្រមាណជា២.៥០០នាក់ពេលធ្វើប្រតិបត្តិការប្រឆាំងគ្រឿងញៀនរបស់ប៉ូលិស ។
បណ្តាក្រុមការពារសិទ្ធិមនុស្សយល់ថា មនុស្សមួយចំនួនធំដែលត្រូវសម្លាប់ គឺប្រព្រឹត្តដោយពួកជីវពល ឬអ្នកសម្លាប់ទទួលការជួយទ្រទ្រង់ពីប៉ូលិស ។
កាលពីថ្ងៃទី២១ កុម្ភៈ លោកស្រី LEILA DE LIMA ចាត់ទុកលោក RODRIGO DUTETER ជាឃាតករសម្លាប់មនុស្សទាំងខ្សែ ដោយស្នើដល់រដ្ឋាភិបាលឱ្យប្រកាសថា លោកពុំសមដឹកនាំប្រទេសឡើយ ព្រោះតែស្មារតីឧក្រិដ្ឋរបស់លោក ៕
ចែករំលែកព័តមាននេះ